ដោយ គង់ សូរិយា
ភ្នំពេញ៖ មជ្ឈមណ្ឌល BW Arena តម្លៃ១០លានដុល្លារ ដែលវិនិយោគដោយក្រុមហ៊ុន Worldbridge Group នឹងបើកដំណើរការនៅចុងឆ្នាំនេះ ដែលស្ថិតនៅស្របនឹងទន្លេបាសាក់ ស្ថិតក្នុងសង្កាត់ចក្រអង្រែក្រោម ខ័ណ្ឌមានជ័យ រាជធានីភ្នំពេញ។
WB Arena រួមមាន ហាងលក់ទំនិញហាងលក់ចំណីអាហារ កន្លែងសម្រាកលម្ហែ និងកន្លែងកម្សាន្តជាច្រើន ថែមទាំងមានសាលមហោស្រព ដែលអាចអង្គុយបានដល់ទៅ ៤០០ នាក់សម្រាប់កម្មវិធីនាពេលរាត្រីទៀតផង។
នាយកប្រតិបត្តិរបស់ក្រុមហ៊ុន Worldbridge Land លោក Tan Teck Kee បានថ្លែងឲ្យដឹងកាលពីម្សិលម៉ិញនេះថា លោករំពឹងថា គម្រោងនៅមាត់ទន្លេនេះ នឹងក្លាយជា គោលដៅកន្លែងសម្រាប់ លម្ហែសម្រាប់ក្រុមគ្រួសារនាពេលអនាគត នៅពេលគម្រោងនេះ នឹងបើកដំណើរការនៅខែវិច្ឆិកាខាងមុខ។លោកបន្តថា វានឹងក្លាយជាគោលដៅកម្សាន្តនៅមាត់ទន្លេសម្រាប់ប្រជាជនក្នុង ស្រុក ជនបរទេស និងភ្ញៀវទេសចរផងដែរ។ យើងបានសាងសង់នូវកន្លែងសម្រាប់ប្រកួតកីឡា ដែលនឹងមានបើកស្វាគមន៍ ទទួលការប្រកួត និងការប្រារព្ធកម្មវិធីជាច្រើនទៀត។
ជាមួយគ្នានេះ ក្រុមហ៊ុនមានគំរោងនឹងធ្វើព្រឹត្តិការណ៍នានា ដោយផ្តោតលើមនុស្សគ្រប់វ័យផងដែរ»។
គម្រោងនេះត្រូវបានឌីសាញឡើង ដោយក្រុមហ៊ុនស្ថាបត្យកម្មនៅប្រទេស សិង្ហបុរី Chin Kam and Associates (CK&A) ដែលជាក្រុមហ៊ុនធ្លាប់ត្រូវបានក្រុមហ៊ុន Worldbridge Group និងដៃគូវិនិយោគរបស់ខ្លួនគឺ Oxley International Holdings ជួលឲ្យរចនាប្លង់គម្រោង The Bridge និង The Peak។ WB Arena ត្រូវបានគេរចនាស្រដៀងគ្នានឹង Clarke Quay នៅសិង្ហបុរី។ យ៉ាងណាមិញការរចនាប្លង់នេះត្រូវបានរចនាយ៉ាងផិ្ចតផ្ចង់ដើម្បីឱ្យ ស៊ីគ្នាទៅនឹងបរិបទកន្លែងកម្សាន្តបែបខ្មែរនៅតាមបណ្តោយមាត់ទន្លេ។
លោក Simon Griffiths នាយកគ្រប់គ្រងរបស់ក្រុមហ៊ុន Urban Asset Solutions ដែលជាភ្នាក់ងារទទួលបន្ទុកការជួល និងជួបអតិថិជនរបស់គម្រោង WB Arena បានឲ្យដឹងថា គម្រោងនេះមានផ្ទៃសរុប៦០០០ម៉ែត្រការ៉េ ដែលក្រុមហ៊ុននឹងបែងចែកតំបន់ផ្សេងៗគ្នាសម្រាប់ហាងលក់ទំនិញ ហាងលក់ចំណីអាហារ និងភេសជ្ជៈ និងកន្លែងកម្សាន្ត។
លោក Simon Griffiths បាននិយាយថា យើងចង់ធ្វើអ្វីៗដែលទាក់ទាញភ្ញៀវទេសចរជាតិ អន្តរជាតិមកកំសាន្តនៅតំបន់នេះ។
គម្រោងនេះ នឹងមានស្តង់ដែលបម្រីអាហារព្រមទាំងភេសជ្ជៈជាច្រើន មុខសម្រាប់អ្នកទៅកម្សាន្ត ក៏ដូចជា កន្លែងពិសាអាហារមាត់ឆ្នេរក្រោម ម្លប់ដើមត្នោតប្របមាត់ទន្លេផងដែរ។ ភោជនីយដ្ឋានជាច្រើន ត្រូវបានកក់ស្តង់មួយចំនួនរួចទៅហើយ។
លោក Griffiths បានថ្លែងថា “សម្រាប់ប្រជាជនក្នុងស្រុកយើងចង់បង្កើតនូវរោងកុនមួយ ប៉ុន្តែយើងសាងសង់មហោស្រពជំនួសវិញ ដែលទាក់ទាញភ្ញៀវទេសចរជាង ប៉ុន្តែយើងសង្ឃឹមថាអ្នករាល់គ្នានឹងរីករាយជាមួយកម្មវិធីនេះ”។
ដោយរចនាជា «គោលដៅទាក់ទាញ» និងអាចទៅកម្សាន្តតាមផ្លូវគោកក៏បាន ឬទន្លេក៏បាន WB Arena គឺជាគម្រោង ១ ដែលគេបង្កើតឡើងដើម្បីបំពេញចន្លោះក្នុងទីផ្សារទេសចរណ៍ក្នុងទីក្រុងនេះ។
គំរោងWB Arena កំពុងតែត្រូវបានសាងសង់ ហើយបើតាមផែនការនឹងរួចរាល់ក្នុងខែមិថុនាដែលម្ចាស់ស្តង់លក់អាហារ និងភេសជ្ជៈនឹងចូលមករៀបចំបើកដំណើរការក្នុងខែកក្កដា៕