តើអ្នកគួរចាប់យកអតិថិជនជនជាតិអឺរ៉ុបមកជួលផ្ទះដូចម្តេច

0

ដោយគង់ សូរិយា

ភ្នំពេញ នៅពេលនិយាយពីទីផ្សារអចលនវត្ថុ យើងហាក់ភ្លេចពីក្រុមអ្នកវិនិ​យោគអឺរ៉ុប ដោយសារកំនើននៃការវិនិយោគរបស់ចិននៅកម្ពុជា មានលក្ខណៈគំហុកខ្លាំងពេក។

ប៉ុន្តែពេលនេះ Propertyarea.asia សូមទាញលោក អ្នកមកចាប់អារម្មណ៍ពី​ទីផ្សារអឺរ៉ុបនៅកម្ពុជា ដែលភាគច្រើនជនជាតិអឺរ៉ុបចូលមកកម្ពុជា មិនសូវចូលមកវិនិយោគគំរោងធំៗឡើយ ពួកគេវិនិយោគភាគច្រើនលើគំរោងតូចៗ និងមកធ្វើការនៅកម្ពុជាច្រើនទៅវិញ។

ដូច្នេះតើម្ចាស់លំនៅដ្ឋាននានាគួររៀបចំលំនៅដ្ឋានដូចម្តេច ដើម្បីទាក់ទាញ​ក្រុមភ្ញៀវច្រមុះស្រួចនេះ? លោកវ៉ន ចាន់ថនអគ្គនាយកក្រុមហ៊ុនអចលនទ្រព្យTOWN CITY Real Estateបានថ្លែងឲ្យដឹងថា បើនិយា​យពីភាពទាន់សម័យ ប្រទេសរបស់ពួកគេទាន់សម័យដល់កំពូលរួចទៅហើយ ហេតុនេះចំណូលចិត្តរបស់ពួកគេ គឺចូលចិត្តរបស់ចាស់ៗ ជាផ្ទះបែបបុរាណ។

លោកបន្តថា បើម្ចាស់លំនៅដ្ឋានចង់ទាក់ទាញពួកអឺរ៉ុបត្រូវធ្វើរឿងទាំងនេះ ដូចជា ទី១ រៀបចំលំនៅដ្ឋានបែបបុរាណ ហើយបើបុរាណចំបុរាណ សម័យចំសម័យ ទី២ ពួកគេមានរសនិយម លើលំនៅដ្ឋានបែបសម័យអាណានិគម និងទី៣ ពួកគេចូលចិត្តផ្ទះមានទ្វារ និងបង្អួចធំៗ និងមានរានហាល ព្រោះពួកគេមិនចូលចិត្តផ្ទះដែលចូលទៅដូចចូលក្នុងប្រអប់នោះទេ។

លោកបន្តថា “ជនជាតិអឺរ៉ុបនៅកម្ពុជា ពួកគេភាគច្រើនមកធ្វើការ និងវិនិយោគគំរោងតូចៗ ដូចជា អូតែលខ្នាតតូច ផ្តល់សេវាកម្ម និងក្រុមហ៊ុនប្រឹក្សាយោ​បល់”។លោកបន្តថា “ពួកគេមិនមែនជាអ្នកធ្វើឲ្យអចលនទ្រព្យ រីកចម្រើនខ្លាំងទេ ពួកគេប្រៀបដូចជាត្រីតូច តែច្រើន”៕

LEAVE A REPLY

Please enter your comment!
Please enter your name here