ដោយ វុត្ថា
ភ្នំពេញ៖ ក្រុមហ៊ុន Prince Real Estate Group ក្រុមហ៊ុនអភិវឌ្ឍន៍អចលនទ្រព្យយក្សរបស់ប្រទេសចិន បានឈានជើងចូលទីផ្សារកម្ពុជា និងបានក្លាយជាក្រុមហ៊ុននាំមុខគេនៅទីនេះ។
តើក្រុមហ៊ុនមួយនេះមានប្រវត្តិបែបណា និងកំពុងធ្វើអ្វីចខ្លះនៅជុំវិញពិភពលោក គេហទំព័រ www.propertyarea.asia សូមនាំលោក អ្នកទៅស្វែងយល់ពីក្រុមហ៊ុនដ៏ធំនេះ។
ក្រុមហ៊ុន Prince Real Estate Group បានបង្កើតក្រុមហ៊ុន Prince Real Estate (Cambodia) Group Co.,Ltd នៅកម្ពុជាក្នុងឆ្នាំ២០១៥ ដោយបានសាងសាងអគារជាច្រើនប្រភេទ ដូចជាសណ្ឋាគារ អគារស្នាក់នៅ ផ្ទះល្វែង ខុនដូ និងអគារពាណិជ្ជកម្មនៅតាមបណ្តាខេត្តក្រុងនានារបស់ប្រទេសកម្ពុជា។ បច្ចុប្បន្នក្រុមហ៊ុននេះមានសាខាចំនួន ១៣ ទីតាំងនៅក្នុងប្រទេសកម្ពុជា។
ក្រុមហ៊ុន Prince Real Estate បានសហការជាដៃគូជាមួយក្រុមហ៊ុនអន្តរជាតិជាច្រើនផងដែរ ដើម្បីអនុវត្តសាងសងគម្រោងជាច្រើននៅក្នុងប្រទេសកម្ពុជា។ គម្រោងទាំងនេះរួមមាន Diamond One, Prince Central Plaza និង Prince Modern Plaza ដែលមានទីតាំងនៅរាជធានីភ្នំពេញ។
ក្រុមហ៊ុនបានសាងសង់នូវគម្រោងអចលនទ្រព្យ លើទំហំដី១ហិកតា ដែលមានឈ្មោះថា Diamond One ដើម្បីទាក់ទាញប្រជាជនក្នុងស្រុក និងប្រជាជនចិនដោយក្នុងនោះមាន សណ្ឋាគារ Prince Modern Plaza កម្ពស់២៧ ជាន់គឺជាគម្រោងលំនៅដ្ឋានមួយសម្រាប់យុវជននៅតាមបណ្តោយមហាវិថីព្រះនរោត្តម ខណៈដែលក្រុមហ៊ុននេះក៏បានសាងសង់អគារកម្ពស់ ៣៧ ជាន់ Prince Central Plaza គឺជាអគារខុនដូដ៏ធំមួយ ស្ថិតនៅចំកណ្តាលបេះដូងនៃរាជធានីភ្នំពេញ។
នៅខេត្តព្រះសីហនុ គម្រោងដែលវិនិយោគដោយក្រុមហ៊ុននេះ កំពុងដំណើរការរួមមាន Prince Plaza Center, Modern Plaza,Prince Club Project,Prince Time Hotel និង Koh Ta Kiev។ ជាមួយគ្នានោះ ក្រុមហ៊ុននេះក៏កំពុងសហការជាមួយរដ្ឋាភិបាលកម្ពុជា ដើម្បីសាងសង់លំនៅដ្ឋានតម្លៃទាបសម្រាប់ប្រជាជនកម្ពុជាផងដែរ។
ក្រុមហ៊ុន Prince Real Estate នឹងអនុវត្តគម្រោងធំៗ ចំនួនបីទៀតនៅឆ្នាំនេះគឺ Prince Cullinan Bay និង Prince City Center នៅក្រុងព្រះសីហនុ និង Prince International Plaza ក្នុងរាជធានីភ្នំពេញ។ គម្រោងឆ្នេរខ្សាច់ Cullinan Bay ត្រូវបានរចនាឡើងជាកន្លែងលំហែកម្សាន្ត លើទំហំផ្ទៃដី២,៦ ហិកតា ។ គម្រោង Prince City Centre នឹងក្លាយទៅជាតំបន់ពាណិជ្ជកម្ម និងលំនៅដ្ឋានខ្នាតអន្តរជាតិសាងសង់លើទំហំដី ១៦ ហិកតា ខណៈដែលគម្រោង Prince International Plaza នឹងត្រូវបានសាងសង់លើផ្ទៃដី ២.៨ ហិចតាហើយត្រូវបានគេរចនាឡើងជាចំណុចកណ្តាលទីប្រជុំជន។
នាពេលអនាគត ក្រុមហ៊ុន Prince Real Estate មានបំណងសាងសង់គម្រោងជាច្រើន និងនាំមកនូវការវិនិយោគបន្ថែមទៀតពីប្រទេសចិន ខណៈទំនាក់ទំនងរវាងកម្ពុជានិងចិនល្អប្រសើរ។ គោលដៅរបស់ក្រុមហ៊ុន Prince Real Estat សម្រាប់រយៈពេល១០ឆ្នាំខាងមុខនេះ នឹងអនុវត្តគម្រោងអោយឈានដល់ទំហំផ្ទៃ៥លានម៉ែត្រការ៉េ នៃតំបន់អភិវឌ្ឍន៍ និងទាក់ទាញអតិថិជនឲ្យបាន២០០.០០០ នាក់ និងសមាជិក Prince Club ចំនួន៥០០.០០០ នាក់៕