ដោយ គង់ សូរិយា
ភ្នំពេញ៖ ប្រជាពលរដ្ឋជាច្រើនបានសម្តែងការខកចិត្ត នៅពេលលឺដំណឹងពីការសាងសង់ព្រលានយន្តហោះអន្តរជាតិនាទឹកដីខេត្តកណ្តាល នឹងពន្យាពេលសាងសង់រហូតដល់ឆ្នាំ២០២៥ខាងមុខនេះ។
លោក Setha Neat បានសរសេរលើគេហទំព័រ Prppertyarea.asia ដែលតែងតែឈានមុខគេក្នុងការផ្តល់ព៌តមានផ្នែកសេដ្ឋកិច្ច និងអចលនទ្រព្យកាលពីម្សិលម៉ិញនេះថា ខាតធ្ងន់ហើយបើយូរយ៉ាងនេះ អស់ពីផ្អើលពីតំបូងបន្តិចឥឡូវស្ងាត់ឈឹង។ ចង់វ៉ៃចេញវិញ ក៏រកអ្នកទិញមិនឃើញ។ ៧ឆ្នាំទៀតមិនដឹងទ្រាំចាំយ៉ាងម៉េច។
ចំណែកលោក Bora SB បានលើកឡើងផងដែរថា យូរមែនទែន ប្រហែលជាចាស់ងាប់ហើយមើលទៅ មិនបានឃើញព្រលានដ៏ទំនើបនេះទេ។
រីឯលោក Sereirath Sam បានលើកឡើងផងដែរថា យូរម្លឹងលំបាកអ្នកទិញដីជំពាក់ធនាគារហើយពេលនេះ។
ជាមួយនឹងលើកឡើងដោយខកចិត្ត លោក Sok Heng បានលើកឡើងថា មិនមែនដំណឹងល្អទេ ជាដំណឹងអាក្រក់ទៅវិញទេលោកព្រះ ស្មានតែសាងសង់ឆាប់ៗ មិនដឹងអី១០ឆ្នាំទៀត។ អាសូរអ្នកទិញដីនៅម្តុំហ្នឹងណាស់ កប់លុយចោល ខំរកលុយធនាគារសង្ឃឹមដីឡើងថ្លៃ អភិវឌ្ឍន៍ សង្ឃឹមខ្យល់ហើយ។
លោកបន្តថា “អោយរាង កុំឃើញគេលោត លោតតាមគេ បាក់”ក”ងាប់មិនដឹងខ្លួន”។
អ្នកយល់សភាពការណ៍ លោក Bunkhan Lun បាននិយាយសម្រាលពីបញ្ហានេះ ដោយបានមានប្រសាសន៍ថា រកស៊ីវាមានខាត មានចំណេញ យើងគិតត្រូវចំណេញ គិតខុសគឺខាត បន្ទោសអ្នកណា។ កុំមានគំនិតរកស៊ីចំណេញ “អរ” តែដល់ខាតបន្ទោសគេ បន្ទោសឯង នោះមិនល្អទេ។ យើងមើលគេបកស្រាយ រយៈពេលសិក្សាគំរោង និងរត់ការគំរោង តើត្រូវប្រើពេលប៉ុន្មាន!។ គ្រាន់តែបូបដីចាក់បំពេញតើត្រូវចំណាយពេលប៉ុន្មាន! រយៈពេលទុកដីឲ្យហាប់ តើត្រូវការពេលប៉ុន្មាន!។
លោកបន្តថា “ដូចនេះឆ្នាំ២០២៥គឺសមល្មមហើយ អ្នកខ្ចីលុយធនាគារទិញដីនោះ គួរគិតគូរទៅ ខាតខ្លះជាជាងខាតធំ(ធនាគារឹបអូស)។
កាលពីថ្ងៃទី៧ ឧសភាកន្លងមកនេះ គេហទំព័រ Propertyarea.asiaបានជួបសម្ភាសន៍ជាមួយអ្នកជំនាញ និងអ្នកធ្វើការជាមួយក្រុមហ៊ុនចិន ដោយលើកឡើងពីការសាងសង់ព្រលានយន្តហោះលំដាប់អន្តរជាតិស្ថិតក្នុងស្រុកកណ្តាលស្ទឹង ខេត្តកណ្តាលនឹងអាចចាប់ផ្តើមសាងសង់នៅឆ្នាំ២០២៥ខាងមុខនេះ៕
