ស្វែងយល់ពីអាស៊ានៈតើទីផ្សារអចលនទ្រព្យក្នុងប្រទេសម៉ាឡេស៊ី មានសភាពដូចម្តេច?

0

ដោយ  : វុត្ថា

ភ្នំពេញ : ការសម្ភោធដាក់ឲ្យដំណើរការអចលនទ្រព្យ ក្នុងប្រទេសម៉ាឡេស៊ីនៅ តែបន្តកើនឡើង បើទោះបីស្ថិតនៅក្នុងគម្រោង ដែលលក់មិនទាន់ទទួលបាន​ជោគជ័យយ៉ាងណាក្តី។

យោងតាមការស្ទង់មតិមួយ របស់សមាជិកក្រុមហ៊ុនអចលនទ្រព្យ និងលំ​នៅដ្ឋានម៉ាឡេស៊ី (REHDA) លើក្រុមហ៊ុនចំនួន២០០បានឱ្យដឹងថា លំនៅឋាន និងអគារពាណិជ្ជកម្មចំនួន១៥,០៨២យូនីត  បានសម្ពោធដាក់ប្រើប្រាស់នៅក្នុងពាក់កណ្តាលឆ្នាំ២០១៧។នេះគឺជាចំនួនខ្ពស់បំផុតគិតត្រឹមយៈពេល៦ខែក្នុងរយៈពេលប៉ុន្មានឆ្នាំចុងក្រោយនេះ។

សម្រាប់ទីផ្សារប្រទេសនេះ ក៏បានប្រឈមនឹងការកើនឡើងនូវការផ្គត់ផ្គង់​លើសតម្រូវការ សម្រាប់អ្នកអភិវឌ្ឍកាន់តែច្រើនក្នុងពេលតែមួយផងដែរ។

ការស្ទង់មតិដូចគ្នាបានបង្ហាញថា តម្លៃអចលនទ្រព្យចន្លោះពី១២៩,០០០ ម៉ឺនដុល្លារ ដល់២៥៩,000ដុល្លារបានកើនឡើង៤៥ភាគរយ នៃអចលនទ្រព្យដែលមិនទាន់​លក់​នៅក្នុងឆមាសទី២ ក្នុងឆ្នាំ២០១៧ ពោលគឺកើនឡើងពី៣១ភាគរយនៅ​ឆមាសទី1​នៃឆ្នាំដដែលនេះ ។ការស្ទង់មតិនេះបានធ្វើឡើងដោយសមាជិករបស់ ក្រុមហ៊ុន REHDA នៅ Peninsular Malaysia។

អគ្គនាយកក្រុមហ៊ុនREHDA លោក Datuk Seri Fateh Iskandar Mohamed Mansor បាននិយាយថា ភាគច្រើននៃអចលនទ្រព្យដែលមិនទាន់លក់ចេញទាំងនេះ គឺជារបស់ក្រុមហ៊យចលនទ្រព្យ Johor, Selangor និង Negri Sembilan។

អចលនទ្រព្យមានតំលៃសមរម្យក្នុងចន្លោះពី១លាន និង២,៥លានរីងហ្គីតមាន​តែ២០ភាគរយនៃអចលនទ្រព្យ ដែលមិនទាន់លក់ចេញនៅពាក់កណ្តាលឆ្នាំ២០១៧៕

 

LEAVE A REPLY

Please enter your comment!
Please enter your name here