ស្វែងយល់ពីអាស៊ី! ដីធ្លីនៅក្នុងទីក្រុងហុងកុងកំពុងកើនឡើងយ៉ាងកំហុក

0

ដោយ វុត្ថា

ភ្នំពេញក្រុមហ៊ុនអភិវឌ្ឍន៍នៅទីក្រុងហុងកុង បានពន្លឿនការទិញដីដែលធ្វើឲ្យតម្លៃដីធ្លីបានស្ទុះឡើង ខណៈតម្លៃលំនៅឋាន អាចនឹងធ្លាក់ចុះនាពេលអនា​គត ។ នេះបើតាមក្រុមអ្នកវិភាគបានប្រាប់កាសែត South China Morning Post ។

ក្រុមហ៊ុនអភិវឌ្ឍន៍អចលនទ្រព្យចំនួន៥ បានរកប្រាក់ចំណេញប្រមា​ណ​ជា​ង៤ពាន់លានដុល្លារ ក្នុងរយៈពេល៨ខែចុងក្រោយនេះ ពីការលក់ឡើងវិញនៅក្នុងទីតាំងរបស់រដ្ឋាភិបាល។ការលក់ដីជាបន្តបន្ទាប់បែបនេះ ជាការផ្លាស់ប្តូរដ៏កម្រមួយនៅក្នុងឧស្សាហកម្មអចលនទ្រព្យនៅហុងកុង។

លោក Alvin Cheung Chi-wai នាយករងក្រុមហ៊ុន Prudential Brokerage បានប្រាប់កាសែតថា និន្នាការនេះកំពុងឆ្លុះបញ្ចាំង ពីការចង់បានរបស់អ្នកលក់ក្នុងការរកស៊ីឱ្យបានលឿន តាមដែលអាចធ្វើទៅបាន តាមទស្សនៈថាកំណើនតម្លៃផ្ទះអាចនឹងថយចុះ ក្នុងរយៈពេលប៉ុន្មានឆ្នាំខាងមុខនេះ។

ក្រុមហ៊ុន HNA ដែលមានមូលដ្ឋាននៅ Hainan បានលក់ភាគហ៊ុនចំនួនពីរកន្លែងនៅKai Tak កាលពីខែកុម្ភៈ ដែលមានតម្លៃជិត១៥,៩៥ពាន់លានដុល្លារហុងកុង ដល់ក្រុមហ៊ុន Henderson Land Development ។ ការលក់នេះ ត្រូវបានរកឃើញថា ក្រុមហ៊ុន HNA បានទទួលបានប្រាក់ចំណេញប្រមាណ១,៧ ពាន់លានដុល្លារហុងកុង។

តម្លៃផ្ទះនៅក្នុងប្រទេសចិនត្រូវបានគេព្យាករថា នឹងកើនឡើងក្នុងចន្លោះពី ៥ ទៅ១០ភាគរយនៅឆ្នាំ ២០១៨ ធ្លាក់ចុះពី១៤ភាគរយនៅឆ្នាំ២០១៧ ។

តម្រូវការទិញពីអ្នកវិនិយោគកំពុងធ្លាក់ចុះ ខណៈតម្លៃផ្ទះកើនឡើងខ្ពស់បានធ្វើឱ្យផលចំណេញពីការវិនិយោគ លំនៅដ្ឋានបានធ្លាក់ចុះត្រឹមតែ២ភាគរយប៉ុណ្ណោះ។

លោក Cheung បានថ្លែងថា “វាមិនមែនជាការខុសប្លែកគ្នាខ្លាំង ពីអត្រាការប្រាក់ដែលដាក់បញ្ញើនៅធនាគារនោះទេ”។

លោក Lawrence Poon Wing-cheung សាស្ត្រាចារ្យជាន់ខ្ពស់នៅសាកលវិទ្យាល័យ City Hong Kong នៃនាយកដ្ឋានផ្នែកវិទ្យាសាស្ត្រ និងស្ថាបត្យកម្មបានមានប្រសាសន៍ថា “អ្នកទិញថ្មីនៃទីតាំងទាំងនេះ មានរយៈពេលខ្លីជាងមុន ដើម្បីបញ្ចប់ការអភិវឌ្ឍរបស់ពួកគេ ដែលមានន័យថា “ភាពបត់បែនតម្លៃ”ប្រសិនបើទីផ្សារមានការជួបប្រទះនឹងការធ្លាក់ចុះ៕

LEAVE A REPLY

Please enter your comment!
Please enter your name here