អស្ចារ្យៈទីក្រុងញួវយ៉កកំពុងសាងសង់អគារលំនៅដ្ឋានខ្ពស់លំដាប់ពិភពលោក

0

ដោយ : វុត្ថា
ភ្នំពេញ : ទីក្រុងញូវយ៉កកំពុងចាប់ផ្តើមសាងសង់ អគារស្នាក់នៅខ្ពស់លំដាប់ពិភពលោក ដែលសាងសង់ដោយក្រុមហ៊ុនអភិវឌ្ឍន៍អចលនទ្រព្យ Extell ជាមួយ ក្រុមហ៊ុនSMI ក្នុងតម្លៃជាង៤ពាន់លានដុល្លារ ដែលជាគម្រោងថ្លៃបំផុតនៅក្នុងទីក្រុងញូវយ៉ក។
អគារនេះថ្មីនេះត្រូវបានគេដឹងថា មានកម្ពស់១,៥៥០ហ្វីត ខ្ពស់ជាងអគារ Manhattan បច្ចុប្បន្ន ដែលស្ថិតនៅតាមបណ្តោយផ្លូវ57th និង Columbus Circle ។ អាគារខ្ពស់លំនៅដ្ឋាននេះត្រូវបានគេរំពឹងថា នឹងសាងសង់បញ្ចប់នៅក្នុងឆ្នាំ ២០១៩។
ការសាងសង់អគារលំនៅដ្ឋានខ្ពស់ជាគេនេះ ទទួលបានទឹកប្រាក់ហិរញ្ញប្បទានចំនួន១,១៣៥ពាន់លានដុល្លារ កាលពីខែមករាឆ្នាំ២០១៨នេះ ពីធនាគារ Central Park Tower។


ប្រធាន និងជាសហស្ថាបនិកក្រុមហ៊ុន Extell Development Company លោកGary Barnetបានអោយដឹងថា ក្រុមហ៊ុនអាចលនទ្រព្យ Extel មានកិត្តិនាមល្បីល្បាញ ដែលមានសហគមន៍វិនិយោគ និងកម្ចី ហើយការសាងសង់អគារនេះ គឺដើម្បីតម្រូវការទីផ្សារលំនៅដ្ឋាន ព្រោះថាទីក្រុងញូវយ៉ក មិនដែលមានអគារលំនៅដ្ឋានខ្ពស់ដូចនេះទេ។
ចំពោះរចនាអគារនេះ គឺជាភារកិច្ចរបស់លោក Adrian Smith + Gordon Gill ជាស្ថាបត្យករល្បីល្បាញ ដែលរចរនាប្លង់បែបបទអគារ Burj Khalifa នៅទីក្រុងឌូបៃ និង Kingdom Tower ប្រទេសអារ៉ាប៊ីសាអ៊ូឌីត។
បើទោះបីជាអគារនេះមានកម្ពស់បន្តិចមែន តែអគារនេះមានលំនៅដ្ឋាន ១៧៩យូនីត ដែលដាក់លក់ក្នុងតំលៃ២២លានដុល្លារ។ នៅក្នុងអគារនេះ មានទាំងក្លឹបនៅជាន់លើបំផុត កន្លែងលក់ឥវាន់ និងហាងល្បីជាច្រើនផងដែរ៕

LEAVE A REPLY

Please enter your comment!
Please enter your name here