ដំណឹងល្អសម្រាប់អ្នកខេត្តកំពង់ឆ្នាំងបន្ទាប់ពីរដ្ឋាភិបាលសម្រេចឲ្យបុណ្យទន្លេ

0

ដោយ វុត្ថា

ភ្នំពេញ៖ ដំណឹងល្អសម្រាប់អ្នកខេត្តកំពង់ឆ្នាំង ដែលការប្រារពពិធីបុណ្យទន្លេឆ្នាំ២០១៩ នឹងធ្វើឡើងនៅខត្តកំពង់ឆ្នាំង បន្ទាប់ពីការសម្រេចជាផ្លូវការពីណឹងល្អសម្រាប់អ្នកខេត្តកំពង់ឆ្នាំង ដែលការប្រារពពិធីបុណ្យទន្លេឆ្នាំ២០១៩ នឹងធ្វើឡើងនៅខត្តកំពង់ឆ្នាំង បន្ទាប់ពីការសម្រេចជាផ្លូវការសម្រាប់គម្រោងបុណ្យទន្លេនៅខេត្តកំពង់ឆ្នាំងនាឆ្នាំ២០១៩ខាងមុខនេះ។

ក្នុងលិខិតជូនដំណឹងរបស់ទីស្តី ការគណៈរដ្ឋមន្ត្រីជម្រាបជូនរដ្ឋមន្ត្រីក្រសួ​ងទេសចរណ៍ និងអភិបាលខេត្តកំពង់ឆ្នាំង ដែលទើបបានចេញផ្សាយកាលពីថ្ងៃទី២១ ខែមីនា ឆ្នាំ២០១៨បានបញ្ជាក់ថា ការសម្រេចយកខេត្តកំពង់ឆ្នាំងធ្វើជាម្ចាស់ផ្ទះរៀបចំបុណ្យទន្លេលើកទី៥ នៅឆ្នាំ២០១៩ខាងមុខនេះ គឺយោងតាមចំណារបស់សម្តេចតេជោ ហ៊ុនសែន នាយករដ្ឋមន្ត្រី។

ប្រធាននាយកដ្ឋានអភិវឌ្ឍន៍ទេសចរណ៍ នៃក្រសួងទេសចរណ៍លោក ជក់ ជំនោ បានលើកឡើងថា រាជរដ្ឋាភិបាលសម្រេចធ្វើបុណ្យទន្លេជារៀងរាល់ឆ្នាំដោយធ្វើការផ្លាស់ប្តូរខេត្ត ដែលជាប់តាមដងទន្លេផ្សេងៗគ្នា ដើម្បីបង្ហាញពីសក្តានុពលទេសចរណ៍នៅតាមដងទន្លេនៃប្រទេសកម្ពុជា។

លោកបន្តថា “ក្រសួងទេសចរណ៍ទទួលបានបទពិសោធន៍ជោគជ័យច្រើនពីការរៀបចំបុណ្យទន្លេលើកទី៤ នៅខេត្តកណ្តាលកន្លងមក ដូចជាការពង្រឹងសន្តិសុខល្អ ការរៀបចំព្រឹត្តិការណ៍កីឡាលើទឹក ការតាំងពិព័រណ៍ផលិតផលខ្មែរ និងការថែរក្សាបរិស្ថានជាដើម”។ លោកសង្ឃឹមថា “យើងនឹងយកបទពិសោធន៍នេះទៅអនុវត្តន៍នៅក្នុងពិធីបុណ្យទន្លេ ដែលរៀបចំនៅខេត្តកំពង់ឆ្នាំងនៅឆ្នាំ២០១៩ ខាងមុខឱ្យកាន់តែទទួលបានជោគជ័យថែមទៀត”។

ចូលរួមបើកពិធីបុណ្យទន្លេលើកទី៤ នៅក្រុងតាខ្មៅខេត្តកណ្តាលកាលពីថ្ងៃទី១០ ខែមីនា ឆ្នាំ២០១៨នោះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីកម្ពុជា សម្តេចបានចាត់ទុកថា ការរៀបចំឱ្យមានពិធីបុណ្យទន្លេ មិនត្រឹមតែជួយទាក់ទាញភ្ញៀវទេសចរប៉ុណ្ណោះទេ តែក៏បានជួយផ្សព្វផ្សាយផលិ​តផល កសិផល និងវប្បធម៌របស់ខ្មែរផងដែរ។ ក្រសួងទេសចរណ៍បង្ហាញថា បុណ្យទន្លេឆ្នាំ២០១៨ នៅក្រុងតាខ្មៅ ខេត្តកណ្តាល ទទួលបានអ្នកចូលទស្សនាជាង១លាននាក់។

នាឳកាសនោះសម្តេចតេជោហ៊ុន សែនក៏បានផ្តល់អនុសាសន៍ឲ្យក្រសួ​ងទេសចរណ៍ និងថ្នាក់ដឹកនាំខេត្តនិមួយៗនៅជុំវិញបឹងទន្លេសាប រៀបចំបុណ្យទន្លេឲ្យបានជាប់ជាប្រចាំ តាមរយៈការវិលជុំនៃការរៀបចំកម្មវិធីនេះផងដែរ៕

- Advertisement -
ចែករំលែក