ដំណឹងល្អ! ក្រុមហ៊ុនម៉ូតូកង់បីឥណ្ឌថ្មីមួយទៀតឈានជើងចូលទីផ្សារកម្ពុជា

0

ដោយ វុត្ថា

ភ្នំពេញ៖ ក្រុមហ៊ុនម៉ូតូកង់បីឥណ្ឌាជាច្រើន បានបន្តឈានជើងចូលទីផ្សារកម្ពុជា បន្ទាប់ពីមើលឃើញពីសក្តានុពល ទីផ្សារសេវាដឹកជញ្ជូនមួយនេះមានការរីកចម្រើន និងពេញនិយមសម្រាប់ប្រជាពលរដ្ឋខ្មែរ គ្រប់ស្រទាប់វណ្ណៈ ជាពិសេសអ្នករស់នៅក្នុងទីក្រុងភ្នំពេញ។

ថ្លែងនៅក្នុងសន្នីសីទ្ធសារព័ត៌មាន ស្តីពីកិច្ចព្រមព្រៀងជាដៃគូរវាងក្រុមហ៊ុន ខេមហ្គោ ក្រុមហ៊ុន Three Wheel Motor Service Provider and TVS  នៅថ្ងៃទី ៨ ខែឧសភា ឆ្នាំ ២០១៨នេះ លោក Manoj Varma គណៈគ្រប់គ្រងក្រុមហ៊ុន Three Wheel Motorបានឲ្យដឹថា ការនាំយកម៉ូតូកង់បីឥណ្ឌាមកកាន់ទីផ្សារកម្ពុជា គឺដោយសារប្រទេសនេះ មានតម្រូវការសេវាកម្មដឹកជញ្ជូនដែល មានសុវត្ថិភាព ជឿទុកចិត្ត និងអាចដោះស្រាយការកស្ទះចរាចរណ៍ ។

លោកបន្តថា ដូចដែលអ្នកទាំងអស់គ្នាដឹងហើយនៅគ្រប់បណ្តាទីក្រុងជាច្រើននៅទូទាំងពិភពលោក ដូចជា ទីក្រុងក្នុងប្រទេសកម្ពុជាដែរ មានបញ្ហាខ្លាំងជាងគេ គឺការកកស្ទះចរាចរណ៍ ដូច្នេះបានជាក្រុមហ៊ុនពង្រីកទីផ្សារមកកាន់កម្ពុជាបន្ថែមទៀត ក្នុងការសម្រួលបន្ថែមដល់ការធ្វើដំណើរជូនប្រជាពលរដ្ឋកម្ពុជា។

លោកបន្តថា “ការដាក់អោយដំណើរការក្នុងទីផ្សារកម្ពុជានេះ ក្នុងគោលបំណងផ្តល់ការងារជូនប្រជាពលរដ្ឋខ្មែរ ដែលមានបំណងចង់រត់ម៉ូតូកង់បី ហើយគ្មានលទ្ធភាពក្នុងការទិញនោះក្រុមហ៊ុនអាចផ្តល់ជូនបាន”។

លោក R Dillip អគ្គនាយករងជាន់ខ្ពស់ផ្នែកអាជីវកម្មអន្តរជាតិនៃក្រុមហ៊ុន TVS Motor Company បានថ្លែងថា ក្រុមហ៊ុនរបស់បានជាប់ចំណាត់ថា្នក់លេខ១ ខាងផលិតម៉ូតូកង់បីដែលល្អ និងមានគុណភាព នៅក្នុងប្រទេសឥណ្ឌា ហើយនេះគឺជាលើកទី១ សម្រាប់ដាក់អោយដំណើរការនៅក្នុងប្រទេសកម្ពុជា ដោយរំពឹងថានឹងទទួលបានការគាំទ្រពីប្រជាពលរដ្ឋខ្មែរ។

លោក វ៉ា ចាន់ដូរ៉េ គណៈគ្រប់គ្រងក្រុហ៊ុន Three Wheel Motor បានបញ្ជាក់ដែរថា  ក្រុមហ៊ុនបានដាក់ឲ្យដំណើរការម៉ូតកង់បី ដែលនាំចូលពីឥណ្ឌានេះចំនួន៤២គ្រឿងនាពេលបច្ចុប្បន្ននេះ។ ក្រុមហ៊ុននឹងបន្ថែម៤២ គ្រឿងនៅដើមខែក្រោយនេះ ព្រោះក្រុមហ៊ុនចង់ឃើញម៉ូតូកង់បីម៉ាក់TVSនេះ នឹងផ្តល់សេវានៅគ្រប់ទីកន្លែងនៅក្នុងទីក្រុងភ្នំពេញយ៉ាងហោចណាស់៣០០គ្រឿង។ លោកបន្តថា សម្រាប់ឆ្នាំបន្តបន្ទាប់ទៀតនឹងពង្រីកទីផ្សារបន្ថែមទៀត ទៅកាន់ខេត្តដែលជាគោលដៅទេសចរណ៍ ដូចជា ខេត្តសៀមរាប ខេត្តព្រះសីហនុ និងខេត្តកំពតជាដើម។

បន្ថែមពីនេះក្រុមហ៊ុន បានចុះកិច្ចព្រមព្រៀងជាដៃគូរវាងក្រុមហ៊ុន ខេមហ្គោ ក្នុងការផ្តល់សេវាកម្មតាមប្រព័ន្ធ App ជូនដល់អតិថិជនមានភាពងាយស្រួល ក្នុងទទួលសេវាកម្មធ្វើដំណើរតាមម៉ូតូកង់របស់ក្រុមហ៊ុន៕

- Advertisement -
ចែករំលែក