ដំណឹងល្អ! ផ្សារទំនើបក្នុងស្រុកចំនួន៥ទៀតនឹងបើកដំណើរការនៅឆ្នាំនេះ

0

ដោយ គង់ សូរិយា

ភ្នំពេញ កំលាំងនៃការទិញកើនឡើង ស្របពេលនឹងកំនើនប្រាក់ចំណូល​របស់ប្រជាពលរដ្ឋ អ្នកវិនិយោគក្នុងស្រុកបានចាប់យកចំណែកខុសៗគ្នា ដើម្បី​ទាក់ទាញយកអតិថិជន ជាក់ស្តែងផ្សារទំនើបចំនួន៥ទៀត នឹងបើកដំណើរការនៅឆ្នាំនេះ។

ផ្សារទំនើបទាំង៥នោះរួមមាន ផ្សារទំនើបបែបសហគមន៍ឈ្មោះ The Park ស្ថិតនៅតាមបណ្តោយផ្លូវជាតិលេខ១ ផ្សារទំនើប Noro Mall ស្ថិតនៅលើមហាវិថីព្រះនរោត្តម ផ្សារទំនើប The Commune ស្ថិតនៅតំបន់ទួលគោក ផ្សារទំនើប Downtown93 ស្ថិតនៅមហាវិថីព្រះមុនីវង្ស និងផ្សារទំនើប Olympia Plaza Mallស្ថិតនៅ​ក្នុងគំរោង Olympia City ស្ថិតនៅទល់មុខវត្តសំពៅមាស។

នាយិកាប្រចាំប្រទេសនៃក្រុមហ៊ុន CBRE Cambodia អ្នកនាងអាន សុធីតាបានថ្លែងឲ្យដឹងតាមទូរស័ព្ទកាលពីចុងសប្តាហ៍មុនថា ទីផ្សារទំនើបនៅកម្ពុជានៅ​តែមានសញ្ញាល្អប្រសើរ បើទោះជាផ្សារទំនើបកើនឡើងក្តី ប៉ុន្តែផ្សារទាំងនោះបាន​ចាប់យកចំណែកទីផ្សារខុសៗគ្នា ព្រោះផ្សារទាំងនោះស្ថិតនៅទីតាំងខុសៗគ្នា និងមានគោលដៅអតិថិជនខុសៗគ្នាផងដែរ។

អ្នកនាងបន្តថា “អំណាចនៃការទិញកើនឡើងនៅកម្ពុជា បានធ្វើឲ្យផ្សារទំនើ​បនានាកំពុងកើនឡើង ហើយនិន្នាការប្រជាពលរដ្ឋ កំពុងផ្លាស់ប្តូរពីការដើរ​ផ្សារបែបប្រពៃណី មកកាន់ផ្សារទំនើបកាន់តែច្រើន”៕

- Advertisement -
ចែករំលែក