ហុងកុងទទួលបានអតិរេកសារពើពន្ធពីការរីកចំរើនអចលនទ្រព្យ

0

ដោយ វុត្ថា

ភ្នំពេញ៖ រដ្ឋបាលពិសេសក្រុងហុងកុងត្រូវបានព្យាករថា ខ្លួននឹងទទួលបានអតិរេកថវិកាចំនួន១៦៨ពាន់លានយ៉េន ដែលស្មើរនឹង៣០,៨ ពាន់លានដុល្លារពីសារពើពន្ធរយៈពីរឆ្នាំ២០១៧ ២០១៨ ដោយសារតែមានការរីកចំរើនក្នុងទីផ្សារអចលនទ្រព្យ និងផ្សារហ៊ុននៅក្នុងប្រទេសចិន។ នេះ បើយោងតាមទិន្នន័យចេញផ្សាយដោយក្រុមហ៊ុនគណនេយ្យ PwC ដែលយកមកចុះផ្សាយដោយ Bloomberg។

ប្រាក់ចំណូលខ្ពស់ជាងការរំពឹងទុក ពីការលក់ដីធ្លី និងពន្ធលើអចលនទ្រព្យផ្សេងទៀត បានរុញច្រានសារពើពន្ធរបស់រដ្ឋាភិបាលបានកើនឡើង១០ដង ធៀបនឹងការព្យាករកាលពីមុនមានត្រឹមតែ១៦,៣ពាន់លានយ៉េន។ អតិរេកនេះតំណាងឱ្យ៨,៦ភាគរយ នៃផលិតផលក្នុងស្រុកសរុបរបស់ហុងកុង នៅក្នុងត្រីមាសទី៣ ឆ្នាំ២០១៧ ដែលជាតួលេខខ្ពស់បំផុតប្រចាំត្រីមាស សម្រាប់ហុងកុងគិតចាប់តាំងពីឆ្នាំ១៩៩៩មក។

ប្រធានប្រតិបត្តិរបស់ទីក្រុងហុងកុង លោកស្រី Carrie Lam បានច្រានចោលផែនការសម្រាប់ការចំណាយច្រើន ទោះជាអ្នកវិភាគបានដាក់សំណើលើមធ្យោ​បាយសមធម៌សម្រាប់ការចំណាយ។

វិទ្យាស្ថានពន្ធដារហុងកុងបានស្នើឡើង ឲ្យទីក្រុងរដ្ឋបាលពិសេសហុងកុ អាចប្រើអតិរេកនេះ ដើម្បីលុបចោលពន្ឋផ្នែកខ្លះ សម្រាប់អ្នកទិញផ្ទះលើកដំបូង ដែលចង់ទិញអចលនទ្រព្យនៅក្រោម ៦លានដុល្លារហុងកុង។ អ្នកផ្សេងទៀត ដូចជា ក្រុមហ៊ុន PwC បានអំពាវនាវឱ្យរដ្ឋាភិបាល ពង្រីកប្រាក់ឈ្នួលពន្ធ និងបង្កើនការកាត់បន្ថយប្រាក់ឧបត្ថម្ភកុមារ។

លោក Mahamoud Islam សេដ្ឋវិទូនៅ Euler Hermes បានប្រាប់ទីភ្នាក់ងារព័ត៌មាន Bloombergថា រដ្ឋាភិបាលអាចប្រើប្រាស់គោលនយោបាយ ដើម្បីគាំទ្រកំណើនសេដ្ឋកិច្ចក្នុងរយៈពេលវែង។

លោកបានបន្ថែមថា “ការវិនិយោគភ្លាមៗ អាចជាការជំរុញការស្រាវជ្រាវ និងការអភិវឌ្ឍន៍ ដោយផ្តោតលើការដាក់ទីក្រុងនេះ ស្របតាមគំនិតផ្តួចផ្តើមខ្សែក្រវ៉ាត់មួយនិងផ្លូវរបស់ចិន”។

លេខាធិការហិរញ្ញវត្ថុហុងកុងលោក Paul Chan បានប្រាប់អ្នកយកព័ត៌មានកាលពីដើមខែនេះផងដែរថា ចំពោះតម្រូវការរយៈពេលវែង គំនិតច្នៃប្រឌិត និងបច្ចេកវិទ្យា គឺជាវិស័យមួយដែលយើងនឹងពិចារណាឱ្យបានម៉ត់ចត់ ព្រោះវានឹងជួយដល់ឧស្សាហកម្មជាច្រើន ក្នុងការបង្កើនការប្រកួតប្រជែងរបស់ខ្លួន៕

- Advertisement -
ចែករំលែក