ដោយ គង់ សូរិយា
ភ្នំពេញ៖ ការបើកដំណើរការរភ្លើងភ្នំពេញ ខេត្តព្រះសីហនុជារឿងអបអរមួយ ប៉ុន្តែការរត់លើផ្លូវដែកនៃទូររថភ្លើងដវែងនោះ ហាក់យឺតជាងអ្វីដែលយើងគិត។ តើហេតុអ្វីបានជាទូររថភ្លើងរបស់យើងរត់យឺតបែបនេះ?
មន្ត្រីអ្នកនាំពាក្យក្រសួងសាធារណៈការ និងដឹកជញ្ជូនលោកវ៉ា ស៊ីមសូរិយាបានមានប្រសាសន៍ពន្យល់ឲ្យដឹងតាមទូរស័ព្ទនាព្រឹកថ្ងៃទី២០ មិនានេះថា តាមពិតផ្លូវរថភ្លើងរបស់យើង អាចអនុញ្ញាត្តឲ្យរថភ្លើងរត់បានក្នុងល្បឿន៦០គីឡូ ម៉ែត្រក្នុងមួយម៉ោង ប៉ុន្តែដើម្បីបង្ការគ្រោះថ្នាក់ និងដោយសារមានផ្លូវឆ្លងកាត់ច្រើនផង ទើបមិនអនុញ្ញាត្តឲ្យរថភ្លើងរត់បានតាមល្បឿនកំណត់ទេ។លោកបន្តថា បច្ចុប្បន្នខ្សែរថភ្លើងនៃក្រុមហ៊ុន Toll Railway អាចរត់ក្នុងល្បឿន៣០គីឡូម៉ែត្រក្នុងមួយម៉ោងប៉ុណ្ណោះ។
លោកបន្តថា “នៅក្នុងខ្សែរថភ្លើងប្រវែង២៦៦គីឡូម៉ែត្រនេះ មានផ្លូវឆ្លងកាត់ជាង៤០០កន្លែង នេះជាមួលហេតុមិនអាចឲ្យរថភ្លើងរត់បានលឿន និងមួយផ្នែកទៀតគឺផ្លូវឆ្លងកាត់ភាគច្រើនមិនមានរបងទេ។លោកបន្តថា “បច្ចុប្បន្នបើចង់ទៅកាន់ខេត្តព្រះសីហនុ ត្រូវចំណាយពេលប្រមាណ៧ម៉ោង ទើបទៅដល់គោលដៅ។
លោកវ៉ា ស៊ីមសូរិយាបានបន្តថា បច្ចុប្បន្នក្រុមហ៊ុន Toll Railway កំពុងដំនើរការដឹកជញ្ជូនទំនិញ និងអ្នកដំណើរជាប្រចាំរវាងខេត្តព្រះសីហនុ និងក្រុងភ្នំពេញ
ដោយខ្សែរថភ្លើងនេះឆ្លងកាត់ខេត្តកំពត និងខេត្តកែបផងដែរ មុនទៅដល់ខេត្តព្រះសីហនុ៕