ធនាគារស្ថាបនាចាប់ផ្តើមពង្រីកមូលដ្ឋានទីផ្សាររបស់ខ្លួន

0

ដោយគង់ សូរិយា

ភ្នំពេញ៖ ធនាគារស្ថាបនាបានចាប់ផ្តើមពង្រីកមូលដ្ឋានប្រតិបត្តិការរបស់ខ្លួន ដោយគ្រោងដាក់ម៉ាស៊ីនអេធីអ៊ឹមថ្មី ចំនួន៥០គ្រឿងទៀតនៅឆ្នាំនេះ ដើម្បីសម្រួលដល់អតិថិជនរបស់ខ្លួន កាន់តែមានភាពងាយស្រួល នៅតាមទីសាធារណៈសំខាន់ៗទូទាំងប្រទេសកម្ពុជា។

ប្រធាននាយកប្រតិបត្តិធនាគារ​ស្ថាបនា លោក Norihiko Kato បានមានប្រសា​សន៍ឲ្យដឹងក្នុងពិធីសម្ភោធដាក់ឲ្យប្រើ​ប្រាស់ទូATMរបស់ខ្លួន នាព្រឹកថ្ងៃទី៨ ឧសភា ២០១៨នេះថា ធនាគារស្ថាបនាកំពុងតែធ្វើការវិនិយោគ លើបច្ចេកវិទ្យាទំនើបចុងក្រោយបំផុតមាន ដូចជាម៉ាស៊ីនអេធីអឹម ជាដើមដើម្បីផ្តល់ជូនអតិថិជនរបស់ខ្លួន នូវសេវាកម្មធនាគារដែលមានភាព ងាយស្រួលរហ័សទាន់ចិត្ត និងមានសុវត្ថិភាពក្នុងការប្រើប្រាស់នៅទូទាំងព្រះរាជាណាចក្រកម្ភុជា។

លោកបន្តថា ម៉ាស៊ីនអេធីអឹមថ្មីនេះ អតិថិជនអាចដាក់ប្រាក់ចូលក្នុងគណ​នីរបស់ពួកគេបានគ្រប់ពេលវេលា មិនថាក្រៅម៉ោងធ្វើការងារ ថ្ងៃចុងសប្តាហ៍ឬថ្ងៃបុណ្យជាតិឡើយ។ ម៉ាស៊ីនអេធីអឹមថ្មីរបស់ស្ថាបនានេះ អាចទទួលយកចំនួនក្រដាសប្រាក់ ដែលត្រូវដាក់បញ្ចូលបានចំនួនដ៏ច្រើន ជាមួយនឹងប្រព័ន្ធបច្ចេកវិជ្ជាដ៏ទំនើបបំផុត។

លោក Kokichi Murayama នាយកប្រតិបត្តិប្រតិបត្តិការ និងអ្នកគ្រប់គ្រងទូទៅក្រុមពាណិជ្ជ កម្មសកលនៃក្រុមហ៊ុន Hitachi-Omron Terminal Solutions, Corp បានមានប្រសាសន៍ថា នេះគឺជាលើកទី១ហើយដែលយើងណែនាំ ផលិតផលរបស់យើងនៅកម្ពុជា។ លោកពិតជាមានកិត្តិយសណាស់ ដែលបានធ្វើជាដៃគូជាមួយធនាគារ ស្ថាបនា ដើម្បីនាំមកនូវ ម៉ាស៊ីន អេធីអឹម និងសេវាកម្មផ្សេងៗទៀតចូលមកក្នុងទីផ្សារកម្ពុជា។

លោកបន្តថា ពិធីសម្ភោធបើកដំណើរការម៉ាស៊ីន អេធីអឹមថ្មីនេះ គឺជាគំនិតផ្តួចផ្តើមមួយរបស់ធនាគារ ស្ថាបនា ក្នុងការនាំយកបច្ចេកវិទ្យាធនាគារ ដ៏ទំនើបចុងក្រោយបំផុតចូលមកក្នុងទីផ្សារដើម្បី ផ្តល់ជូនអតិថិជននូវសេវាកម្មធនាគារប្រកបដោយសុវត្ថិភាព និងភាពងាយស្រួល៕

LEAVE A REPLY

Please enter your comment!
Please enter your name here