រដ្ឋមន្រ្តីសេដ្ឋកិច្ច ៖ កម្ពុជាកំពុងកែលម្អរបន្ថែននូវបរិយាកាសធុរកិច្ចនៅកម្ពុជា

1

ដោយ ​៖ គង់ សូរិយា

ភ្នំពេញ ៖ រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុលោកបណ្ឌិត អូន ព័ន្ឋមុនីរ័ត្ន បាន​ថ្លែងថា កម្ពុជាកំពុងកែលំអរបរិយាកាសធុរកិច្ចបន្ថែមទៀត ដើម្បីទាក់ទាញអ្នក​វិនិយោគ​អន្តរជាតិមកវិនិយោគកាន់តែច្រើននៅកម្ពុជា។

ក្នុងជំនួបជាមួយលោក Tatsuo YAMAZAKI អតីតអនុរដ្ឋមន្រ្តីក្រសួងហិរញ្ញវត្ថុជប៉ុន លោកបណ្ឌិត អូន ព័ន្ឋមុនីរ័ត្ន បានមានប្រសាសន៍ថា ជប៉ុននៅតែជាដៃគូប្រតិបត្តិការ​ឈានមុខគេ និងជាដៃគូអភិវឌ្ឍន៏ដ៏សំខាន់របស់កម្ពុជា ក្នុងក្របខណ្ឌកិច្ចសហប្រតិ​បត្តិការ​អភិវឌ្ឍន៏ផ្លូវការ ដែលកិច្ចសហប្រតិបត្តិការនេះ បានរួមចំណែកធ្វើឲ្យកម្ពុជា​ទទួលបាននូវការរីកចម្រើនលើគ្រប់វិស័យ ពិសេសបានក្លាយទៅជា​ប្រទេសមាន​ចំណូលមធ្យមកម្រិ​តទាប និងមានគោលដៅប្រាកដនិយម ដើម្បីឈានឆ្ពោះទៅ​ជា​ប្រទេសមានចំណូល មធ្យមកម្រិតខ្ពស់នៅឆ្នាំ២០៣០ និងជាប្រទេសចំណូលខ្ពស់​នៅឆ្នាំ២០៥០។

លោកបន្តថា “រាជរដ្ឋាភិបាលកម្ពុជា បានរៀបចំគោលនយោបាលគាំទ្រធុរកិច្ច ដោ​យបាន និងកំពុងខិតខំបន្ថែមទៀត ក្នុងការកែលម្អ និងរៀបចំបរិយាកាសធុរកិច្ច​អំណោយផលគាំទ្រវិនិយោគគិនទាំងអស់ ឲ្យអ្នកមកបណ្តាក់ទុនវិនិយោគ”។

លោករដ្ឋមន្រ្តីបានបន្តថា រាជរដ្ឋាភិបាលជប៉ុន បានបំពេញតួនាទីយ៉ាងសំខាន់ចូល​រួមវិភាគទានយ៉ាងធំធេង ដល់ការស្តារនិងអភិវឌ្ឍប្រទេសកម្ពុជា  នៅក្នុងរយៈពេល​ជាង ២០ឆ្នាំមកនេះ គឺចាប់តាំងពីកិច្ចការបង្រួបបង្រួមជាតិកម្ពុជាការស្តារឡើងវិញ និងរហូតដល់ដំណាក់កាល នៃការអភិវឌ្ឍកម្ពុជានាពេលបច្ចុប្បន្ន។

អតីតអនុរដ្ឋមន្រ្តីក្រសួងហិរញ្ញវត្ថុជប៉ុន លោក Tatsuo YAMAZAKI  បានទទួល​ស្គាល់​ពី​កា​រ​រីក​ចម្រើន និងផ្លាស់ប្តូរគួរឲ្យកត់សម្គាល់របស់កម្ពុជាក្នុងពេលបច្ចុប្បន្ន ជាមួយការអភិវឌ្ឍ និងកត្តាសុខសន្តិភាពពេញលេញ និងកំណើនសេដ្ឋកិច្ចរឹងមាំ​ក្នុងរង្វង់៧ភាគរយក្នុងរយៈពេល២ទសវត្សរ៍កន្លងមកនេះ។

លោកបញ្ជាក់ថា  ផ្អែកលើកំណើនសេដ្ឋកិច្ច និងការអភិវឌ្ឍទាំងនេះ លោកក៏ដូចជា​អ្នក​វិនិ​យោគិន​ជប៉ុន មានចំណាប់អារម្មណ៍យ៉ាងខ្លាំង ចំពោះការមកដាក់ទុន​វិនិយោគ​នៅកម្ពុជា និងបានចាត់ទុកប្រទេសកម្ពុជា ជាប្រទេសដែលមានទីផ្សារបើកចំហរ​ខ្លាំង​និងមា​ន​បរិយាកាសវិនិយោគអំណោយផលច្រើន ដែលជាកត្តាជំរុញ និងលើកទឹកចិត្ត​អ្នកវិនិយោ​គ​បរទេសទាំងអស់ មិនថាតែជប៉ុនឲ្យមកបណ្តាក់ទុននៅកម្ពុជា ដើម្បី​ចំណែក​ធ្វើឲ្យសេដ្ឋកិច្ច កម្ពុជាកាន់តែមានសន្ទុះខ្លាំងក្លាថែមទៀត៕

1 COMMENT

  1. ព័ត៌មានបែបនេះបានល្អនាំឲ្យមានការអភិវឌ្ឍ និងភាពរីកចំរើននៅក្នុងប្រទេសជាតិ

LEAVE A REPLY

Please enter your comment!
Please enter your name here