លោកបណ្ឌិត គីម ហ៊ាង ប្រាប់វិធីសាស្រ្តវិនិយោគលើអចលនទ្រព្យ

0

ដោយ គង់ សូរិយា

ភ្នំពេញ៖ មានការលើកជាចំងល់ថា តើគួរវិនិយោគលើអចលនទ្រព្យបែណា ដើម្បីទទួលបានផលចំណេញ ខណៈលទ្ឋភាពពួកគេមានការខុសៗគ្នា តាមបុគ្គ​លម្នាក់ៗ។

លោកបណ្ឌិត គីម ហ៊ាង ប្រធានសមាគមអ្នកវាយតម្លៃ និងភ្នាក់ងារអចលន​វត្ថុកម្ពុជា បានមានប្រសាសន៍ឲ្យដឹងកាលពីថ្ងៃម្សិលម៉ិញនេះថា ការវិនិយោគអច​លនទ្រព្យអាចធ្វើបានអាស្រ័យតាមលទ្ឋភាពរបស់អ្នក។ ប្រសិនជាអ្នកចំណា​យ ក្នុងគ្រួសារប្រចាំខែហើយ នៅសល់១០០០ដុល្លារក្នុងមួយខែ អ្នកគួរវិនិយោគលើដីនៅតំបន់ជាយក្រុង ដែលមានចម្ងាយ៣០គីឡូម៉ែត្រជុំវិញទៅក្រុង។ ប្រសិនបើលោកអ្នក​មានប្រាក់ក្នុងរង្វង់៦ម៉ឺនដុល្លារ លោកអ្នក គួរវិនិយោគទិញដីសម្រាប់ពុះឡូត៍លក់ ព្រោះវាផ្តល់ប្រាក់ចំណេញច្រើន ប៉ុន្តែជោគជ័យឬមិនជោគជ័យអា​ស្រ័យលើយុទ្ឋ​សាស្រ្តនៃការធ្វើជំនួញរបស់ខ្លួន។

លោកបណ្ឌិតបានបន្តថា ប្រសិនជាមានលុយ១០ម៉ឺនដុល្លារ លោក អ្នកគួរស្វែងរកទិញដីជាយក្រុង ដែលស្ថិតនៅជាប់តំបន់ឧស្សាហកម្ម ដើម្បីសាងសង់​ផ្ទះ​ជួលសម្រាប់​កម្មករ កម្មការិនី ដែលលោកអ្នកអាចយកប្រាក់ត្រលប់ពីការវនិយោគ១០ភាគរយក្នុងមួយឆ្នាំ។វាជាការវិនិយោគដ៏ល្អមួយ។ លោកបន្តថា ប្រសិ​នជាអ្នកមានប្រាក់​ចន្លោះពី៤០ទៅ៥០ម៉ឺនដុល្លារ អ្នកគួរវិនិយោគសាងសង់​ផ្ទះសម្រាប់លក់ ព្រោះការសាងសង់ផ្ទះលក់ និងលក់ក្នុងតម្លៃ៣ទៅ៥ម៉ឺនដុល្លារអាស្រ័យមានទីផ្សារល្អ។

រីឯអ្នកមានលុយចាប់ពី១លានដុល្លារឡើងទៅ អាចវិនិយោគសាងសង់ខុនដូ ឬបុរី ឬសាងសង់អាផាតម៉ិនសម្រាប់ជួល ពិសេសខុនដូដែលមានតម្លៃចន្លោះពី​៤ទៅ៦ម៉ឺនដុល្លារ ជាខុនដូមានតម្រូវការច្រើន ព្រោះប្រជាជនមានប្រាក់ចំណូល​មធ្យមកើនឡើង ហេតុនេះបើពួកគេយកលុយក្នុងចំនួននេះ ទៅទិញផ្ទះនៅក្នុងក្រុង ក៏មិនអាចទិញផ្ទះបាននៅជាន់ផ្ទាល់ដីដែរ គឺអាចទិញជាន់ទី២ឬទី៣ ដែលជាផ្ទះចាស់ នឹងមិនមានបំពាក់សេវាកម្មជណ្តើរយន្ត និងសេវាកម្មនានា។ ហេតុនេះ​បើវិនិយោគខុនដូក្នុងតម្លៃខាងលើនេះ នឹងទទួលបានជោគជ័យមិនខាន។លោកគីម ហ៊ាងបញ្ជាក់ឲ្យដឹង។

លោកបន្តថា “ទោះជាយ៉ាងណាការវិនិយោគលើវិស័យទាំងអស់នេះ ទាម ទារឲ្យលោក អ្នកមានជំនាញ ហើយប្រសិនជាគ្មានជំនាញពួកគេអាចប្រឹក្សាជា​មួយក្រុមហ៊ុនជំនាញអចលនទ្រព្យ ដើម្បីបញ្ចៀសហានិភ័យ”៕

LEAVE A REPLY

Please enter your comment!
Please enter your name here