សសៃឈាមសេដ្ឋកិច្ចធំមួយតភ្ជាប់ភាគខាងលិចដល់ភាខាងកើតកំពុងពង្រីក

លោកទេសរដ្ឋមន្ត្រី ស៊ុន ចាន់ថុលរដ្ឋមន្រ្តីក្រសួងសាធារណៈការ និងដឹកជញ្ជូនបានមានប្រសាសន៍ ក្នុងពិធីបើកការដ្ឋានពង្រីកផ្លូវនេះថា “ការស្តារ និងអភិវឌ្ឍហេដ្ឋារចនាសម្ព័ន្ធដឹកជញ្ជូន បានឆ្លុះ បញ្ចាំងឱ្យឃើញនូវការយកចិត្តទុកដាក់ខ្ពស់របស់រាជរដ្ឋាភិបាល ក្រោមការដឹកនាំប្រកបដោយគតិបណ្ឌិត របស់សម្តេចតេជោ ហ៊ុន សែន នាយករដ្ឋមន្ត្រីកម្ពុជា ដើម្បីសម្រួល ដល់ការដឹកជញ្ជូនផលិតផលក្រុមហ៊ុនវិនិយោគ និងកសិផលបងប្អូនប្រជាពលរដ្ឋមកពីគ្រប់តំបន់នៅ ទូទាំងប្រទេសទៅកាន់ទីផ្សារក្នុងស្រុក និងជាពិសេសទៅកាន់ទីផ្សារអន្តរជាតិ តាមរយៈច្រកទ្វារព្រំដែន អន្តរជាតិ ប្រកបដោយភាពងាយស្រួល និងចំណាយតិច”។

លោកបន្តថា បន្ទាប់ពីសាងសង់រួចរាល់ កំណាត់ផ្លូវជាតិនេះនឹងក្លាយជាផ្លូវមួយប្រកបដោយសក្តានុពលខ្ពស់សម្រាប់ បម្រើវិស័យសេដ្ឋកិច្ចកម្ពុជា ពិសេសអាចកាត់បន្ថ​យគ្រោះថ្នាក់ និងការកកស្ទះចរាចរណ៍បានយ៉ាងច្រើន ប្រជាពលរដ្ឋតាមដងផ្លូវនេះនឹងមានជីវភាពកាន់តែល្អប្រសើ រតាមរយៈកំណើននៃការអភិវឌ្ឍ វិនិយោគ និងទេសចរណ៍ និងជួយជំរុញការនាំចេញអង្ករកម្ពុជា ទៅកាន់ទីផ្សារអន្តរជាតិពីខេត្តបាត់ដំបង ដែលជាជង្រុកស្រូវដ៏ធំរបស់កម្ពុជាផងដែរ។​

សម្តេចតេជោហ៊ុន សែននាយករដ្ឋមន្រ្តីកម្ពុជា ដែលអញ្ជើញជាអធិបតីបើកការដ្ឋា​ន​ពង្រីកផ្លូវដ៏វែងនេះបានមានប្រសាសន៍ថា ផ្លូវជាតិលេខ៥មួយខ្សែនេះ ប្រហែលជានៅក្នុងរយៈពេល១០ឆ្នាំទៅមុខ  គឺជាផ្លូវតែមួយគត់ដែលល្អជាងគេ ដោយសារចាប់ពីការចេញ​ដំណើរពីទីក្រុងភ្នំពេញ មកដល់ព្រែកក្តាម ក៏នឹងត្រូវបើកជាបួន​គន្លង ហើយ​ចាប់​ពីព្រែកក្តាមរហូតដល់ព្រំដែន កម្ពុជា ថៃ នឹងជាផ្លូវទំហំបួនគន្លងទាំងអស់ ជាពិសេសគឺបាន​មក​ពី​ហិរញ្ញប្បទាន​ពីប្រទេស​ជប៉ុន​តែម្តង។

ឮសម្តេចមានប្រសាសន៍ថា​ “ការអភិវឌ្ឍនេះ កម្ពុជាក៏ត្រូវតែមានការខិតខំដោយខ្លួនឯងផង និងខិតខំ​ទាក់​ទាញ​​មិត្តភក្តិឱ្យផ្តល់ នូវជំនួយឥតសំណងឬកម្ចីឥណទានសប្បទានដែលមានអត្រាការប្រាក់ថោក ដើម្បីយកមកធ្វើ​ការអ​ភិវឌ្ឍ​ប្រទេស ដោយបូកនឹងថវិកាបដិភាគជាច្រើនរបស់រដ្ឋាភិបាលកម្ពុជា សម្រាប់ការបោះសំអា​តគ្រាប់​យុទ្ធ​ភណ្ឌ​មិន​ទាន់ផ្ទុះ និង​​ដោះ​​​​ស្រាយ​​ផល​​ប៉ះពាល់”។

សម្តេចតេជោបានបន្តថា គម្រោងអភិវឌ្ឍន៍កាន់តែច្រើន ថវិកាបដិភាគរបស់កម្ពុជាក៏កាន់តែច្រើនផងដែរ  សម្រាប់ការដោះស្រាយ​​​ផល​​​ប៉ះពាល់ ហើយត្រង់ចំណុចនេះស   ម្តេចថា បញ្ហានេះក៏ផ្តើមចេញពីចិត្តធម៌ របស់រដ្ឋាភិបាលទាំងរដ្ឋាភិបាលមុនៗ ក៏ដូច​ជារាជ​រដ្ឋាភិ​​បាល​​​​​នៅក្នុងដំណាក់កាលក្រោយ ដោយសម្តេចចង់សំដៅទៅលើបញ្ហាដីចំណីផ្លូវ ដែលតាមពិត ដីចំណីផ្លូវត្រូវ​បាន​ចែង​នៅក្នុ​ង​អនុក្រិត្យរួចមកហើយ ឱ្យទុកដីចំណីផ្លូវចម្ងាយពី២៥ម៉ែត្រទៅ៣០ម៉ែត្រ  មិនអនុញ្ញាត​ឱ្យប្រជាពលរដ្ឋប្រើ​ប្រាស់កាន់កាប់នោះទេ៕