ដោយ វុត្ថា
ភ្នំពេញ៖ យោងតាមការចុះផ្សាយរបស់កាសែតបាងកកប៉ុស្តិ៍ ដោយបានដកស្រង់ទិន្នន័យពីមជ្ឈមណ្ឌលព័ត៌មានអចលនទ្រព្យ (Real Estate Information Center)តម្លៃដីធ្លីជាមធ្យម ក្នុងទីក្រុងបាងកករបស់ប្រទេសថៃ បានកើនឡើង៣២,៣ភាគរយក្នុងត្រីមាសទី២ នៃឆ្នាំ២០១៨នេះ។
កាសែតនេះក៏បានរំលេចទៀតថា តម្លៃដីធ្លីកើនឡើងយ៉ាងលឿងនៅក្នុងតំបន់មួយចំនួននៅជុំវិញអនាគតទីក្រុង និងនៅតាមផ្លូវចេញចូលព្រលានយន្តហោះ និងរថភ្លើង។ ដីធ្លីនៅតាមបណ្តោយផ្លូវរថភ្លើង BTS Skytrain ដែលបានចុះបញ្ជីរួចហើយនោះ បានកើនឡើងជាមធ្យមរហូតដល់២៦,៨ ភាករយក្នុងត្រីមាសទី២ ក្នុងឆ្នាំ២០១៨នេះ។
ចំណែកនៅតំបន់នៅជិតខ្សែរថភ្លើងOrange នៃមជ្ឈមណ្ឌលវប្បធម៌ថៃ(Thailand Cultural Centre) ទៅMin Buri បានកើកឡើងរហូតដល់២៣,៥ ភាករយ និងតំបន់ជិតខ្សែរថភ្លើង Dark Red តភ្ជាប់ទៅខ្សែររថភ្លើង Hua Lamphong និង Maha Chai បានកើនឡើងរហូតដល់២១ភាគរយ។
តំបន់ដែលបានកត់សម្គាល់ថា តំបន់ជុំវិញផ្លូវរថភ្លើង Blue Line ក៏បានកើនឡើងផងដែរ។ នៅក្បែរតំបន់នេះ គឺតំបន់ផ្លូវរភ្លើង BTS Silom Line បានកើនកើនឡើង២១,២ ភាគរយ។ ចំណែកតំបន់ដែលមានដីធ្លីកើនឡើងខ្លាំងនោះ គឺតំបន់ដែលគេគ្រោងសាងសង់ផ្លូវរថភ្លើង បានកើនឡើងរហូតដល់៥២,១ភាគរយ ខ្ពស់ជាងតំបន់ដែលគ្មានគម្រោងសាងសង់ផ្លូវរថភ្លើង។ តំបន់ដែលកំពុងសាងសង់ផ្លូវរថភ្លើង បានកើនឡើង៣២,១ភាគរយ ខណៈដែលតំបន់ដែលមានផ្លូវរថភ្លើងរួចហើយ បានកើនឡើងរហូតដល់២៤,២ភាគរយ ខ្ពស់ជាងតំបន់ដែលគ្មានផ្លូវរថភ្លើង។
ចំណែកដីធ្លីនៅតំបន់ Phra Khanong-Bang Na-Suan Luang –Prwet ដែលបានចុះបញ្ជីរួចហើយ មានតម្លៃថ្លៃជាងគេក្នុងទីក្រុងទាំងមូល ដោយបានកើនឡើង៥៣ ភាគរយ។ ចំណែកតំបន់ Nakhon Pathom បានកើនឡើងជាមធ្យម៣៩,១ ភាគរយនៅឆ្នាំនេះ ដោយតាមទាន់តំបន់Ratburana-Bang Khun Tien-Thung Khru-Bang Bon-Jom Thongបានកើនឡើងត្រឹមតែ៣៨,២ភាគរយ។ តំបន់ទី ៤ គឺតំបន់ Samut Sakhon បានកើនឡើង២៧,៤ ភាគរយផងដែរ៕
