ដោយ វុត្ថា
ភ្នំពេញ៖ ប្រទេសថៃជាប្រទេសមួយ ក្នុងតំបន់អាស៊ានមានសេដ្ឋកិខ្ចលូតលាស់ខ្លាំងសមរម្យក្នុងចំណោមប្រទេសដទៃទៀត និងជាប់លំដាប់ដែលមានសេដ្ឋកិច្ចធំទី២ក្នុងតំបន់ ហើយក៏ទទួលបានកំនើនទេសចរណ៍ និងអ្នកវិនិយោគយ៉ាងច្រើនផងដែរ។
ប្រទេសមួយនេះ ក៏បានសាងសង់រចនាសម្ព័ន្ធអគារខ្ពស់ៗជាច្រើនផងដែរ ដើម្បីទាក់ទាញវិនិយោគ និងអ្នកទេសចរណ៍ដែលមានបំណងទៅលេងក្នុងប្រទេសថៃ។ បន្ថែមពីនេះ គេហទំព័រ propertyarea.asia នឹងបន្តលើកយកអគារមួយទៀត ក្នុងប្រទេសថៃយកមកចុះផ្សាយទុក គ្រាន់បានស្វែងយល់ពីសក្តានុពលសំណង់អគារ និងសេដ្ឋកិច្ចក្នុងប្រទេសថៃដែលជាប្រទេសនៅជាប់របងនៃប្រទេសកម្ពុជា។
អាគារ State Tower ឬ អគាររដ្ឋ គឺជាអគារដែលខ្ពស់កប់ពពកស្ថិតនៅក្នុងសង្កាត់ដែលមានសេដ្ឋកិច្ចលូតលាស់ Bang Rak ក្នុងទីក្រុងបាងកក ប្រទេសថៃដែលត្រូវបានសាងសង់បញ្ចប់នៅក្នុងឆ្នាំ២០០១។ អគារនេះ គឺជាងគារដ៏ធំបំផុតក្នុងតំបន់អាស៊ីអាគ្នេយ៍ ដែលសាងសង់នៅលើទំហំផ្ទៃដី៣០០,០០០ម៉ែត្រការ៉េ ។
អគារដ៏អស្ចារ្យនេះ មានកម្ពស់៦៨ជាន់ និងកំពស់២៤៧ម៉ែត្រ ជាអគារខ្ពស់លំដាប់ទី៣ក្នុងប្រទេសថៃ គិតត្រឹមឆ្នាំ២០១១ ហើយជាអគារខ្ពស់លំដាប់ទី១៣៩ ក្នុងពិភពលោក។ អគារនេះ ត្រូវបានគេសាងសង់ឡើងសម្រាប់ប្រើប្រាស់រួម។
អាគារState Tower នេះ ត្រូវបានរចនាប្លង់ដោយ សាស្ត្រាចារ្យជនជាតិថៃ លោក Rangsan Torsuwan ក្នុងឆ្នាំ១៩៩០។ អគារនេះ ត្រូវបានគេរចនាកំពូលរបស់ដូចជាមាស ហើយមានរានហាលសម្រាប់ទស្សនាផងដែរ ។ អគារនេះ កាលពីតំបូងត្រូវបានគេដាក់ឈ្មោះថា Silom Precious Tower បន្ទាប់មកទៀតគេដាក់ឈ្មោះ Royal Choen Krung Tower រហូតដល់បច្ចុប្បន្នជាអគារ State Tower។
State Tower ត្រូវបានប្រើប្រាស់សម្រាប់សកម្មភាពពាណិជ្ជកម្មចម្រុះរួមមានទាំង ខុនដូ អាផាតម៉ិននិងការិយាល័យធ្វើការ ។ មិនតែប៉ុណ្ណោះអាគារនេះ មានទាំងសណ្ឋាគារលំដាប់ផ្កាយ៥ឈ្មោះLebua។
នៅជាន់ទី ៦៤ មានភោជនីយដ្ឋានលើអាកាសឈ្មោះថាSirocco ដែលអាចអោយអ្នកដែលមកទទួលអាហារនៅទីនេះ អាចមើលទេសភាពទីក្រុងបាងកកទាំងមូលបាន មិនត្រឹមតែប៉ុណ្ណោះអាគារនេះ ទទួលបានពានជាច្រើនប្រភេទពីស្ថាប័នជាតិ និងអន្តរជាតិចាប់តាំងពីឆ្នាំ ២០១២ រហូតដល់ឆ្នាំ២០១៧ មានចំនួនជាង១០ពានរង្វាន់។
អគារនេះត្រូវបានវិនិយោគ និងគ្រប់គ្រងដោយក្រុមហ៊ុន Challenge Group តែយ៉ាងណាក៏ដោយ ការចំណាយទៅលើការសាងសង់អគារនេះ មិនត្រូវបានគេដឹងថា អស់ថវិការចំនួនប៉ុន្មាននោះទេ៕
