ដោយ វុត្ថា
ភ្នំពេញ៖ យោងតាមទិន្ន័យទីភ្នាក់ងារ វិនិយោគបរទេសប្រទេសវៀតណាម Foreign Investment Agency (FIA) បានបង្ហាញថា ប្រទេសវៀតណាមបានទាក់ទាញលំហូរវិនិយោគផ្ទាល់ពីបរទេស ក្នុងទឹកប្រាក់ប្រមាណ៤៨៦លានដុល្លារក្នុងវិស័យអចលនទ្រព្យ ក្នុងត្រីមាសនៃដើមឆ្នាំ ២០១៨នេះ។
លំហូរទុនវិនិយោគផ្ទាល់ពីបរទេស (FDI) វិស័យអចលនទ្រព្យគ្របដណ្តប់៨,៤ភាគរយ នៃលំហូរ FDI ដែលមានទំហំទឹកប្រាក់៥,៨ពាន់លានដុល្លារ ដែលបានហូរចូលក្នុងប្រទេសវៀតណាមក្នុងឆមាសទី១ ឆ្នាំ ២០១។
ជាមួយនឹងការប្តេជ្ញាចិត្តខ្ពស់ ប្រទេសវៀតណាមនឹងបង្កើនទឹកប្រាក់ចំនួន៣,៤៤ពាន់លានដុល្លារ លើការកែច្នៃនិងការផលិតក្នុងទិសដៅធំបំផុត សម្រាប់ការវិនិយោគទុនដោយផ្ទាល់ (FDI) ស្របពេលការលក់ដុំ និងលក់រាយចំពោះអចលនទ្រព្យមានចំនួនទឹកប្រាក់៥៣១លានដុល្លារ។
កូរ៉េខាងត្បូង នៅតែជាប្រភពវិនិយោគផ្ទាល់ដ៏ធំបំផុត របស់វៀតណាមនិងឈរលេខរៀងបន្ទាប់ពីអ្នកវិនិយោគមកទីក្រុងហុងកុង និងសិង្ហបុរី។ លំហូរចូលចុះបញ្ជីរពីកូរ៉េខាងត្បូងបានឈានដល់ ១,៨៤ ពាន់លានដុល្លារ ដែលគ្របដណ្តប់រហូតដល់៣១,៦ ភាគរយនៃការវិនិយោគផ្ទាល់ពីបរទេស។
ក្រុមហ៊ុនអេឡិចត្រូនិក LG Innotek Co ដែលមានមូលដ្ឋាននៅទីក្រុងសេអ៊ូលបានវិនិយោគទឹកប្រាក់ចំនួន ៥០១លានដុល្លារអាមេរិក ទៅក្នុងគម្រោងនៅទីក្រុងHai Phong ។
ទីក្រុង Hai Phong ស្ថិតនៅលំដាប់លេខរៀង២ បន្ទាប់ពីទីក្រុងហូជីមិញដែលជាអ្នកទទួល FDI ធំបំផុតដោយទទួលបាន៩២៥លានដុល្លារ។ ទីក្រុងធំបំផុតរបស់វៀតណាមនេះ ទទួលបាន១,៧ពាន់លានដុល្លារ ខណៈដែលខេត្ត Binh Duong ភាគខាងត្បូងទទួលបាន៥៦៥លានដុល្លារ ដែលជាអ្នកទទួលបាន FDI ធំជាងគេទីបី។
នៅក្នុងកិច្ចសហប្រតិបត្តិការជាមួយធនាគារពិភពលោក ក្រសួងរៀបចំដែនដីវៀតណាម កំពុងធ្វើសេចក្តីព្រាងយុទ្ធសាស្ដ្រ ដើម្បីពង្រីកសក្តានុពលនៃការទាក់ទាញលំហូរ FDI រហូតដល់ឆ្នាំ២០២។ ក្រោមយុទ្ធសាស្ត្រនេះក្រសួងនឹងកំណត់ និងផ្តល់អាទិភាពដល់វិស័យ ដែលមានតម្រូវការខ្ពស់ដូចជា វិស័យសេវាកម្ម កសិកម្ម និងការធ្វើដំណើរ៕