ដោយ វុត្ថា
ភ្នំពេញ៖ លោក អ្នកប្រហែលជាដឹងហើយពីអាគារខ្ពស់ជាងគេនៅលើពិភពលោក ស្ថិតក្នុងប្រទេសណា ប៉ុន្តែប្រហែលមិនទាន់ដឹងពីភាពអស្ចារ្យនៃអាគារនេះនៅឡើយទេ។ ការពិតអាគារនេះជាអាគារមិនត្រឹមតែខ្ពស់ទេ តែជាអាគារអ ស្ចារ្យបំផុតនៅប្រទេសអារ៉ាប់មានឈ្មោះថា Burj Khalifa ឬហៅថា ប៉ម Khalifa ដែលមានកំពស់ប្រមាណជា៨២៩.៨ ម៉ែត្រ។
អគារមួយនេះគឺជាអាគារខ្ពស់ជាងគេនៅលើលោក។ អគារនេះដ៏អស្ចារ្យមួនេះ បានបំបែកកំណត់ត្រាពិភពលោកជាច្រើនដែលមានប៉មខ្ពស់ជាងគេនៅលើពិភពលោក។
ការសាងសង់អគារ Burj Khalifa បានចាប់ផ្តើមនៅឆ្នាំ២០០៤ ដែលចំណាយពេលប្រមាណជា៥ឆ្នាំ ហើយបានបញ្ចប់ទាំងស្រុងនៅក្នុងឆ្នាំ ២០០៩ ព្រមទាំងត្រូវគេបានបើកដំណើរការជាផ្លូវការនៅក្នុងឆ្នាំ ២០១០ ។ អគារនេះ វាជាផ្នែកមួយនៃការអភិវឌ្ឍនៃទីក្រុងឌូបៃ (Downtown Dubai) ។ ការសម្រេចចិត្តសាងសង់អាគារនេះ ត្រូវបានគេនិយាយថាគឺការសម្រេចចិត្តរបស់រដ្ឋាភិបាល ក្នុងការធ្វើពិពិធកម្មពីវិស័យប្រេងកាត និងសម្រាប់អោយបរទេសទទួលស្គាល់ជាអន្តរជាតិ។ អាគារនេះត្រូវបានគេដាក់ឈ្មោះមុនដំបូងថា Burj Dubai ប៉ុន្តែក្រោយមកត្រូវបានប្តូរឈ្មោះទៅវិញ ដើម្បីជាការផ្តល់កិត្តិយដល់អ្នកគ្រប់គ្រង គឺលោគ អាប៊ូដាប៊ី និងប្រធានាធិបតី អេមីរ៉ាតអារ៉ាប់រួម ឈ្មោះថា Khalifa bin Zayed Al Nahyan ។
អគារ Burj Khalifa ត្រូវបានរចនាឡើងដោយ លោក Adrian Smith បន្ទាប់មកគឺ លោក Skidmore, Owings & Merrill (SOM) ដែលក្រុមហ៊ុនរបស់ពួកគេបានកសាងអគារ Willis Tower និង One World Trade Center ។
ក្រុមហ៊ុន Hyder Consulting ត្រូវបានជ្រើសរើសក្នុងការត្រួតពិនិត្យនៃអាគារទាំងមូល ហើយក្រុមហ៊ុនNORR Group Consultants International Limited ក៏ត្រូវបានជ្រើសរើសត្រួតពិនិត្យគម្រោងស្ថាបត្យកម្មផងដែរ។ រចនាបទមួយចំនួនត្រូវបានគេចំលងមកពីស្ថាបត្យកម្មវិហារឥស្លាម ដូចជា យកមកពីវិហារអ៊ីស្លាមសាម៉ារ៉ា។ ធរណីមាត្រត្រីកោណនៃអាគារនេះមានរាងY ត្រូវបានរចនាឡើង ដើម្បីបង្កើនប្រសិទ្ធភាពបន្ទប់ស្នាក់នៅ និងសណ្ឋាគារ។ ស្នូលកណ្តាលនិងស្លាបសង់ខាងត្រូវបានប្រើដើម្បីទ្រទ្រង់កំពស់នៃអាគារ។
រចនាសម្ព័ន្ធនៃអគារនេះ ក៏មានលក្ខណៈពិសេសដែលត្រូវបានរចនាឡើង ដើម្បីទប់ទល់នឹងសីតុណ្ហភាពក្តៅនៅ រដូវក្តៅរបស់ទីក្រុងឌូបៃ។ វាមានជណ្តើរយោងចំនួនសរុប៥៧ និង ជណ្ឌើរយន្តចំនួន៨។ អគារ Burj Khalifa ជាទូទៅមានវិជ្ជមានសម្រាប់ទទួលស្វាគមន៍ភ្ញៀវទូទៅ ហើយអគារនេះបានទទួលពានរង្វាន់ជាច្រើន។
នៅក្នុងអគារ Burj Khalifa មានផ្ទះចំនួន៣០,០០០យូនីត សណ្ឋាគារចំនួន៩ សួនឧទ្យានចំនួន៣ហិកតា ប៉មលំនៅដ្ឋានចំនួន១៩ ផ្សារទំនើប និងមានអាងទឹកនទំហំ១២ហិកតា៕
