តើអាគារទីស្នាក់ការអង្គការសហប្រជាជាតិ សាងសង់នៅឆ្នាំណា និងមានប្រវត្តិយ៉ាងដូចម្តេច?

អាគារអង្គការសហប្រជាជាតិ (United Nation) គឺជាអាគារខ្ពស់កប់ពពកដែលមានកម្ពស់១៥៤ម៉ែត្រ និងជាថ្នាក់ការកណ្តាលនៃការិយាល័យអង្គការសហប្រជាជាតិដែលស្ថិតនៅក្នុងតំបន់Turble Bay ក្នុងរដ្ឋម៉ានហាតាន់នៅក្នុងទីក្រុងញូវយ៉ក។ ទីតាំងការិយាល័យកណ្តាលនៃអង្គការនេះ ត្រូវបានគេចាត់ទុកថា ជាទឹកដីរបស់អង្គការសហប្រជាជាតិ ទោះបីជាវានៅតែជាផ្នែកមួយ នៃទឹករបស់សហរដ្ឋអាមេរិកក៏ដោយ។

អគារនេះផងដែរ គឺជាអគារខ្ពស់កប់ពពកមុនដំបូងគេងបង្អស់នៅទីក្រុងញូវយ៉ក ដែលប្រើប្រាស់ជញ្ជាំងបាំងជុំវិញអាគារនេះដូចវាំងនន។

អាគារនេះ បានពិធីបើកការដ្ឋានសាងសង់នៅថ្ងៃទី ១៤ ខែកញ្ញាឆ្នាំ១៩៤៨ ។ក្រុមហ៊ុនចំនួន៤បានចុះកិច្ចសន្យាសាងសង់មកពីរដ្ឋ Manhattan និង Queens ត្រូវបានជ្រើសរើសឱ្យសាងសង់នូវអគារនេះ ក្នុងកិច្ចសន្យាទឹកប្រាក់ប្រមាណ ៣០លានដុល្លារអាមេរិក។

អគារអង្គការសហប្រជាជាតិមាន៣៩ជាន់នេះ បានសាងសង់បញ្ចប់នៅក្នុងឆ្នាំ១៩៥២ ។អគារនេះត្រូវបានរចនាឡើង ដោយស្ថាបត្យករជនជាតិប្រេស៊ីល​គឺលោក Oscar Niemeyer និងស្ថាបត្យករជនជាតិស្វីសកាត់បារាំងលោក Le Corbusier ។ អាគារនេះត្រូវបានតភ្ជាប់អគារសន្និសីទ ដែលស្ថិតនៅភាគខាងជើងដែលជាកន្លែង រៀបចំមហាសន្និបាតក្រុមប្រឹក្សាសន្ដិសុខ និងបណ្ណាល័យមួយនៅភាគខាងត្បូង។ អគារនេះ មានតួនាទីជាការិយាល័យរដ្ឋបាលរបស់អង្គការសហប្រជាជាតិ រួមទាំងភារកិច្ចប្រចាំថ្ងៃ ដូចជា កន្លែងហិរញ្ញវត្ថុ និងបកប្រែ។ ផ្នែកមួយនៃអគារអង្គការសហប្រជាជាតិ គឺស្ថិតនៅក្រោមកិច្ចព្រមព្រៀងរវាងអង្គការសហប្រជាជាតិ និងប្រទេសម្ចាស់ផ្ទះរបស់ខ្លួនគឺសហរដ្ឋអាមេរិក។

អគារលេខាធិការដ្ឋានអង្គការសហប្រជាជាតិ ត្រូវបានគេកែលម្អឡើងវិញនៅខែ ឧសភាឆ្នាំ២០១០ ហើយបានបើកអោយដំណើរការឡើងវិញ នៅខែកក្កដាឆ្នាំ២០១២។ នៅថ្ងៃទី ២៩ ខែតុលាឆ្នាំ២០១២ដដែលនេះ បន្ទប់ក្រោមដីនៃបរិវេណអគារនេះ  ត្រូវបានជន់លិចដោយសារព្យុះHurricane Sandy ដែលនាំទៅដល់ការបិទការរិយាល័យរយៈពេល៣ថ្ងៃ និងការផ្លាស់ប្តូរការិយាល័យជាច្រើន។

រចនាបទនៃអគារនេះ បានចម្លងមកពីទីស្នាក់ការកណ្តាលរបស់ក្រុមប្រឹក្សា South Lanark shire នៅក្នុងរដ្ឋHamilton ប្រទេសស្កុតឡែន ដែលត្រូវបានគេស្គាល់ថាជា “អគារខោនធី”៕