Real Estate Club ផ្តល់វគ្គបណ្តុះទាក់ទងនឹងវិស័យអចលនទ្រព្

0

ដោយដែន ចែងចាំង

ភ្នំពេញ: ក្រុមហ៊ុនKhmerhome បាននិងកំពុងត្រៀមបើកវគ្គបណ្តុះបណ្តាលជាថ្មីលើវិស័យអចលនទ្រព្យ តាមរយៈការជួបជុំបង្កើនភាពជាដៃគូអាជីវកម្ម និងការប្រើប្រាស់បច្ចេកវិទ្យាដើម្បីផ្សព្វផ្សាយពីគំរោងអភិវឌ្ឍន៍របស់ខ្លួន។

ស្ថាបនិកក្រុមហ៊ុន Khmerhome លោកអ៊ិន មាន បានមានប្រសាសន៍ឲ្យដឹងតាមប្រព័ន្ឋតេឡេក្រាមនាថ្ងៃទី២៩ តុលានេះថា កម្មវិធីReal Estate Clubនេះជាការជួបជុំរវាងអ្នកអភិវឌ្ឍន៍ ភ្នាក់ងារអចលនទ្រព្យមានឳកាសជួបជុំ និងផ្លាស់ប្តូរព៌តមានគ្នាទៅវិញ ទៅមក និងទទួលបានការចែករំលែកចំណេះដឹង និងទីផ្សារថ្មីពីអ្នកជំនាញក្នុងវិស័យនេះ។

លោកបន្តថា ដោយឡែក Khmerhome នឹងផ្តល់ចំណេះដឹងទាក់ទងនឹងបច្ចេកវិទ្យា ដែលត្រូវប្រើប្រាស់ ដើម្បីផ្សព្វផ្សាយគំរោងរបស់ខ្លួនដល់ដៃអតិថិជន និងមានប្រសិទ្ឋភាពខ្ពស់។

លោកបន្តថា “កម្មវិធីបណ្តុះបណ្តាលនេះ នឹងចាប់ផ្តើមនៅថ្ងៃទី១វិច្ឆិកាខាងមុខនេះ ហើយអ្នកចូលរួមនឹងទទួលបានទឹកប្រាក់២០ដុល្លារ ដើម្បីផ្សព្វផ្សាយផលិតផលរបស់ខ្លួន”។លោកបន្តថា “កម្មវិធីនេះបានធ្វើជាយូរមកហើយ និងទទួលបានការគាំទ្រខ្ពស់ ប៉ុន្តែកន្លងមកយើងបានផ្អាកមួយរយៈ ដោយសារការបោះឆ្នោតជាតិកាលពីថ្ងៃទី២៩ កក្កដាកន្លងមក”។

បច្ចុប្បន្នសមាគម និងស្ថាប័នជាច្រើនបានចាប់ផ្តើមបណ្តុះបណ្តាលជំនាញទាក់ទងការទិញលក់ និងការផ្តល់សេវាកម្មអចលនទ្រព្យ ដោយសារវិស័យនេះមានការរីកចម្រើនខ្លាំង និងកំពុងមានការចាប់អារម្មណ៍ច្រើនពីប្រជាពលរដ្ឋកម្ពុជា៕

LEAVE A REPLY

Please enter your comment!
Please enter your name here