PH POLARIS F&B បណ្តុំភោជនីយដ្ឋាន និងអាហារដ្ឋានល្បីៗ លើដងវិថីតែមួយ

ភ្នំពេញ : បច្ចុប្បន្នតំបន់ភាគខាងត្បូងឈៀងខាងកើតទីក្រុងភ្នំពេញ បាននឹងកំពុងបង្ហាញនូវការរីកចម្រើនក្នុងតំបន់គួរអោយកត់សម្គាល់ ។ តំបន់ភាគខាងត្បូងឈៀងខាងកើតរាជធានីភំ្នពេញ ពិសេស តាមបណ្តោយផ្លូវជាតិលេខ១នេះ គឺជាតំបន់ដ៏ល្អបំផុតសម្រាប់រស់នៅ និងកំពុងតែមានសន្ទុះកើនឡើងខ្លាំងនៃប្រជាជនដែលមកបោះទីលំនៅនៅតំបន់នោះ ជាពិសេស តំបន់បឹងស្នោរ ដែលមានការសាងសង់បុរីលំនៅដ្ឋានជាច្រើន។

សេវាម្ហូបអាហារ និងភេសជ្ជៈ ក៏ជាតម្រូវការចាំបាច់ប្រចាំថ្ងៃ សម្រាប់អ្នករស់នៅក្នុងតំបន់ ដើម្បីឆ្លើយតបចំពោះកំណើនទាំងនោះ។ បច្ចុប្បន្ននេះ មនុស្សតែងតែស្វែងរក រសនិយមអាហារផ្សេងៗគ្នា។ ប៉ុន្តែសម្រាប់អ្វីដែលដូចគ្នា នោះគឺ ទីកន្លែងដែលមានផាសុកភាព អនាម័យ និងរសជាតិឆ្ងាញ់នៃអាហារ សុទ្ធតែជាការចង់បានរបស់មនុស្ស។

ដោយសារតែមានតម្រូវការ និងភាពចាំបាច់នេះហើយ ទើប បុរី ប៉េង ហួត បានបង្កើត PH POLARIS F&B ឡើង ដែលជាបណ្តុំភោជនីយដ្ឋាន និងអាហារដ្ឋាន លើដងវិថីតែមួយ ដែលបានលេចរូបរាងឡើង នាតំបន់បឹងស្នោរ។ PH POLARIS F&B បាននាំយករសនិយមនៃអាហារ ដែលលោកអ្នកពេញចិត្ត ជាច្រើនជម្រើសផ្សេងៗគ្នា ដែលមានដូចជា The Pizza Company, Bread Talk, Koi, Street Café, Kochinashi Japanese Buffet, Lucky Burger, Zongkong Restaurant និង Congee King Restaurant ជាដើម សម្រាប់បំពេញតម្រូវការសម្រាប់អ្នករស់នៅក្នុងតំបន់នេះផ្ទាល់ ដែលកំពុងតែមានកំណើនខ្លាំង។

PH POLARIS F&B នឹងក្លាយជាគោលដៅកំសាន្ត និងលំហែកាយ មួយ សម្រាប់លោកអ្នករស់នៅតាមបណ្តោយផ្លូវជាតិលេខ១ ក្នុង តំបន់ច្បារអំពៅ តំបន់បឹងស្នោរ និងតំបន់ព្រែកឯង ដែលចង់បានបរិយាកាសស្រស់ស្រាយ រសជាតិអាហារឆ្ងាញ់ និងសំបូរបែប នាពេលចុងសប្តាហ៍ ដោយមិនចាំបាច់ឆ្លងស្ពានព្រះមុនីវង្ស ចូលក្នុងតំបន់ទីប្រជុំជនធំៗ នាំអោយស្ទះចរាចរណ៍ នោះទេ។
PH POLARIS F&B មានទីតាំងស្ថិតនៅតាមបណ្តោយផ្លូវជាតិលេខ១ ប្រមាណជា២ គីឡូម៉ែត្រ ពីស្ពានព្រះមុនីវង្ស ច្រកចូលមន្ទីរពេទ្យជោរៃ ភ្នំពេញ។