កម្ពុជា​ចាំបាច់​ត្រូវ​ធ្វើ​ពិពិធ​កម្ម​លើស​កម្ម​ភាព​សេដ្ឋកិច្ច​នានា​ដើម្បី​សម្រេច​បាន​នូវ​កំណើន​សេដ្ឋកិច្ច​ខ្ពស់

0

​ដោយ​ ប៊ី​

ភ្នំពេញ​៖ មន្ត្រី​ជាន់ខ្ពស់​ក្រសួង​ឧស្សាហកម្ម​ និង​សប្ប​កម្ម​ ឲ្យដឹង​ថា​ កម្ពុជា​ចាំបាច់​ត្រូវ​ធ្វើ​ពិពិធ​កម្ម​លើស​កម្ម​ភាព​សេដ្ឋកិច្ច​នានា​ដើម្បី​សម្រេច​បាន​នូវ​កំណើន​សេដ្ឋកិច្ច​ខ្ពស់​ ខណៈ​កម្ពុជា​ជំរុញ​ការអភិវឌ្ឍន៍​ឧស្សាហកម្ម​ និង​ការ​វិនិយោគទុន​បរទេស​នៅ​កម្ពុ​ជា​ដើម្ពីលើ​កស្ទួយ​ដល់​សកម្មភាព​នាំចេញ​។

កម្ពុជា​ចាំបាច់​ត្រូវ​ធ្វើ​ពិពិធ​កម្ម​លើស​កម្ម​ភាព​សេដ្ឋកិច្ច​នានា​ និង​ជំរុញ​ការនាំចេញ​ឲ្យបាន​ច្រើន​ ដើម្បី​សម្រេច​បាន​នូវ​កំណើន​សេដ្ឋកិច្ច​ខ្ពស់​ ដែល​ប្រកបដោយ​និ​រន្ដ​ភាព​ និង​អភិវឌ្ឍន៍​ផលិតផល​ដែល​បន្ថែម​ លើ​តម្លៃ​ឲ្យ​កាន់តែ​ខ្ពស់​។ នេះ​បើ​យោង​តាម​ប្រសាសន៍​របស់​លោក​ សុន​ សេង​ហួត​ អនុរដ្ឋ​លេខាធិការ​ ក្រសួង​ឧស្សាហកម្ម​ និង​សប្ប​កម្ម​។

ការ​លើកឡើង​បែបនេះ​ របស់​ឯកឧត្តម​ សុន​ សេង​ហួត​ ធ្វើឡើង​ក្នុង​ឱកាស​ ដែល​លោក​អញ្ជើញ​ចូលរួម​ ក្នុង​កម្មវិធី​ «ពិព័រណ៍​ឧស្សាហកម្ម​សម្លៀកបំពាក់​ និង​វាយនភណ្ឌ​អន្ដរ​ជាតិ​កម្ពុជា​ ឆ្នាំ២០១៩​» នៅ​ថ្ងៃទី២២​ ខែសីហា​ ឆ្នាំ២០១៩​។

លោក​ សុន​ សេង​ហួត​ បាន​ថ្លែង​ឲ្យដឹង​ថា​ ជា​ការពិត​ណាស់​ការរៀបចំ​វេទិកា​ក្នុងថ្ងៃនេះ​ នឹង​ជំរុញ​វិស័យ​សេដ្ឋកិច្ច​នៅ​កម្ពុជា​ និង​ជំរុញ​ការអភិវឌ្ឍន៍​ឧស្សាហកម្ម​ និង​ការ​វិនិយោគទុន​បរទេស​នៅ​កម្ពុជា​ ពិសេស​លើកស្ទួយ​ដល់​សកម្មភាព​នាំចេញ​ និង​នាំចូល​ព្រមទាំង​បង្កើត​ឱកាស​ សម្រាប់​បណ្ដា​ឧស្សាហករ​ និង​ឱកាស​ធុរ​កិ​ច្ច​ថ្មី​ៗ។

លោក​ បញ្ជាក់​ថា​ “ការ​តាំងពិព័រណ៍​នេះ​ ជា​វេទិកា​ល្អ​បំផុត​ និង​មានប្រយោជន៍​សម្រាប់​បណ្ដា​ផលិតករ​ ពាណិជ្ជករ​ និង​ធរ​ជន​កម្ពុជា​”។

លោក​ បន្ដ​ថា​ រាជរដ្ឋាភិបាល​កម្ពុជា​ ចាត់ទុក​វិស័យ​ឧស្សាហកម្ម​កម្ពុជា​ ជាស​សរ​ដ៏​រឹងមាំ​នៃ​ការអភិវឌ្ឍន៍​សេដ្ឋកិច្ច​កម្ពុជា​។លោក​ បាន​បន្ថែម​ថា​ “ផ្នែក​ឧស្សាហកម្ម​បាន​ដើរតួ​នាទី​យ៉ាង​សំខាន់​ ក្នុង​ការជំរុញ​កំណើន​សេដ្ឋកិច្ច​ នៅពេលអនាគត​របស់​កម្ពុជា​។

បណ្ដាល​ឧស្សាហកម្ម​ធុន​តូច​ និង​មធ្យម​ជា​ចំណុច​សំខាន់​ ដើម្បី​ផ្ដោត​លើក​ការអភិវឌ្ឍន៍​ វិស័យ​ឧស្សាហកម្ម​កម្ពុជា​ ពិសេស​ឧស្សាហកម្ម​គ្រឿងម៉ាស៊ីន​ ដែល​កំពុង​បម្រើការ​ដល់​ផលិតកម្ម​នានា​នោះ​ ត្រូវ​បាន​ចាត់ទុកថា​ ជា​តួនាទី​សំខាន់​សម្រាប់​កម្ពុជា​ ក្នុង​ការ​ទ្រទ្រង់​ពាណិជ្ជកម្ម​សេរី​ និង​ចំណុច​នានា​នៃ​ការ​ធ្វើស​មា​ហរ​ណកម្ម​សេដ្ឋកិច្ច​”។

លោក​ ងួន​ ម៉េ​ងតិច​ អគ្គនាយក​សភា​ពាណិជ្ជកម្ម​កម្ពុជា​ បាន​ឲ្យដឹង​ថា​ កម្មវិធី​តាំងពិព័រណ៍​នេះ​រៀបចំឡើង​ជា​លើក​ទី៨ហើយ​ និង​ជា​វេទិកា​ដ៏​មាន​ឥទ្ធិពល​បំផុត​ ដែល​គ្រប់​ដណ្ដប់​លើ​វិស័យ​ឧស្សាហកម្ម​ជាច្រើន​ដូចជា​៖ ជ័រ​ប្លាស្ទិក​ និង​កៅស៊ូ​ ផ្នែក​បោះ​ពុម្ភ​ និង​វេច​ខ្ចប់​ ផ្នែក​កែច្នៃ​ម្ហូបអាហារ​ ផ្នែក​កសិ​កកម្ម​ ផ្នែក​អគ្គិសនី​ និង​ការ​បំភ្លឺ​ ផ្នែក​គ្រឿងបន្លាស់​ជាដើម​។

លើស​ពីនេះ​នឹង​មានការ​បង្កើត​ទំនាក់ទំនង​ ជូន​អ្នកចូលរួម​ទស្សនា​ទាំងអស់​ ដើម្បី​ជួប​ផ្ទាល់​ជាមួយ​ម្ចាស់​រោងចក្រ​ ក្នុង​ការ​ចាប់ដៃ​គូ​ពាណិជ្ជកម្ម​នា​ពេល​អនាគត​។

លោក​ បន្ថែម​ថា​ “ខ្ញុំ​ជឿជាក់​ថា​យើង​អាច​សហការ​គ្នា​ ជំរុញ​កំណើន​ទំហំ​ពាណិជ្ជកម្ម​ ដែល​បាន​បង្កើត​រួមគ្នា​នា​ពេល​កន្លងមក​ សភា​ពាណិជ្ជកម្ម​កម្ពុជា​ និង​ក្រុមហ៊ុន​ Yorkers​ Trade​ &​ Marketing​ Service​ Co​,.Ltd​ បាន​សហការ​ជាមួយគ្នា​យ៉ាង​ជិត​ស្និត​ ក្នុង​ការជំរុញ​ពាណិជ្ជកម្ម​ និង​ការ​វិនិយោគ​។

ជា​រៀងរាល់២ឆ្នាំ​ម្ដង​យើង​បាន​រៀបចំ​កម្មវិធី​ តាំងពិព័រណ៍​ដ៏​អស្ចារ្យ​នេះ​ ដើម្បី​ធានា​ឲ្យ​មាន​លំហូរ​ធុរកិច្ច​ និង​វិនិយោគ​ប្រកបដោយ​និ​រន្ដរ​ភាព​”។

លោក​ បាន​បន្ដ​ថា​ “ខ្ញុំ​សូម​លើកទឹកចិត្ត​ដល់​ធុរកិច្ច​ជន​ទាំងអស់​ ចូលរួម​ឲ្យបាន​សកម្ម​ និង​ស្វែងរក​ដៃគូ​ឲ្យ​មាន​អត្ថ​ប្រយោជន៍​ និង​ផ្លែផ្កា​នៅពេលអនាគត​។ ក្នុងនាម​សភា​ពាណិជ្ជកម្ម​កម្ពុជា​ ខ្ញុំ​នឹង​បន្ដ​ផ្សព្វផ្សាយ​ពី​ វិស័យ​ឧស្សាហកម្ម​យាន​យន្ដ​ ឧស្សាហកម្ម​វាយនភ័ណ្ឌ​កាត់ដេរ​សម្លៀកបំពាក់​នេះ​ ដល់​សមាជិក​សមាជិក​ការ​ ឲ្យបាន​ទូលំទូលាយ​បន្ថែម​ទៀត​”៕

អានបន្ត៖ រយៈពេល៧ខែ​ដើមឆ្នាំ២០១៩ កម្ពុជា​ធ្វើការ​នាំចេញ​កសិផល​ទៅកាន់​ទីផ្សារបរទេស​ជាង ២,៥លាន​តោន

LEAVE A REPLY

Please enter your comment!
Please enter your name here