ការ​រីកចម្រើន​អចលនទ្រព្យ​បាន​ធ្វើឲ្យ​ការ​ប្រមូល​ពន្ធ​ដា​របស់​ខេត្តកំពត​មា​នកំនើន​ខ្ពស់​

1

​ដោយ​ ​វិសេស​

​កំពត​៖​ ​មន្រ្តី​ជំនាញ​និង​ថ្នាក់ដឹកនាំ​ខេត្តកំពត​បាន​អះអាង​ថា​ ​ការី​ក​ចម្រើន​សេដ្ឋកិច្ច​និង​សង្គម​ ​ពិសេស​វិស័យ​ការ​រីកចម្រើន​អចលនទ្រព្យ​ក្នុង​ខេត្ត​ ​បាន​ធ្វើឲ្យ​ការ​ប្រមូល​ពន្ឋ​របស់​ពន្ឋ​ដា​ខេត្តកំពត​មានការ​កើនឡើង​យ៉ាង​ល្អ​ប្រសើរ​។​

​យោង​តាម​របាយការណ៍​របស់​សា​ខា​ពន្ឋ​ដា​ខេត្តកំពត​ ​បាន​ឲ្យដឹង​កាលពី​ព្រឹក​ថ្ងៃទី១៣​ ​មិនា​កន្លងមក​បាន​ឲ្យដឹង​ថា​ ​ការ​ប្រមូល​ពន្ធ​ដា​របស់​សាខា​ពន្ធ​ដា​ខេត្តកំពត​ ​នៅក្នុង​ឆ្នាំ២០១៨​ ​ប្រមូល​បាន៣២ពាន់​លាន​រៀល​ ​គឺ​កើន​ឡើង​ទ្ធេរ​ដង​ ​បើ​ធៀប​នឹង​ឆ្នាំមុន​ ​ដែល​មាន​ចំនួន១៦ពាន់​លាន​រៀល​។​ ​ការ​កើនឡើង​នេះ​ ​ដោយសារ​ខេត្ត​មានការ​អភិវឌ្ឍ​រីកចម្រើន​ ​ពិសេស​ចរន្ត​នៃ​ការ​កាន់កាប់​ ​ផ្លាស់​ប្តូរ​ម្ចាស់​អចលនទ្រព្យ​មានដំណើរ​ការ​ល្អ​។​

​ប្រធាន​សាខា​ពន្ធ​ដា​ខេត្តកំពត​ ​លោក​ ​អ៊ូច​ ​គឹ​ម​ស៊ាន​ ​បាន​មានប្រសាសន៍​ឲ្យដឹង​នៅក្នុង​ជំនួប​ជាមួយ​គណៈប្រតិភូ​គណៈ​កម្ម​ការ​​សេដ្ឋកិច្ច​ ​ហិរញ្ញវត្ថុ​ ​ធនាគារ​ ​និង​សវនកម្ម​ ​នៃ​ព្រឹទ្ធសភា​ ​(​គណៈកម្មការ​ទី២​)​ថា​ ​នៅក្នុង​រយៈពេល​ពី​ខែ​ដើម​ឆ្នាំ​២០១៩​នេះ​ ​ការ​ប្រមូល​ពន្ធ​បាន​ចំនួន​ជាង៤ពាន់​លាន​រៀល​ ​បើ​ធៀប​រយៈ​ដូចគ្នា​នៅ​ឆ្នាំ២០១៨​ ​កើន​ឡើង​២៩.៥​ភាគរយ​។​ ​ការ​កើន​ឡើង​នៃ​ការ​ប្រមូល​ពន្ធ​នេះ​ ​ដោយសារ​ចលនា​ ​ឬ​ចរន្ត​នៃ​កា​រប្តូ​ដៃ​ម្ចាស់​អ​លន​ទ្រព្យ​ច្រើន​ ​ពី​ម្នាក់​ទៅ​ម្នាក់​ញឹកញាប់​ជាប់​ជា​ហូរហែរ​។​

​លោក​ ​ជាវ​ ​តាយ​ ​អភិបាលខេត្ត​កំពត​បាន​លើកឡើង​ថា​ ​មូលហេតុ​នៃ​កំណើន​ការ​ប្រមូល​ពន្ធ​នេះ​ ​ដោយសារ​ការ​អភិវឌ្ឍ​រីកចម្រើន​ ​និង​លទ្ធផល​ការងារ​សំ​ខាន់​ៗ​ ​ដែល​រដ្ឋបាល​ខេត្តកំពត​សម្រេច​បាន​ ​ដោយ​អនុវត្ត​តាមកម្ម​វិធី​នយោបាយ​យុទ្ធសាស្ត្រ​ចតុកោណ​ដំណាក់កាល​ទី៤របស់​រាជរដ្ឋាភិបាល​។​ ​ខេត្តកំពត​ ​មាន​សក​ត្តា​នុ​ពល​ច្រើន​ ​និង​មានការ​អ​វិ​ភវ​ឌ្ឍ​យ៉ាង​ឆាប់រហ័ស​លើ​វិស័យ​កសិកម្ម​ ​ឧស្សាហកម្ម​ ​និង​ទេសចរណ៍​។​

លោក​ ​ជាវ​ ​តាយ​ ​អភិបាលខេត្ត​កំពត

​ជាមួយគ្នា​នេះ​លោក​ ​ជា​ ​ជេដ្ឋ​ ​ប្រធាន​គណៈកម្មការ​ទី២​ ​នៃ​ព្រឹទ្ធសភា​ ​បាន​ថ្លែង​ថា​ ​ខេត្តកំពត​ ​កំពុងតែ​មាន​កិត្តិស័ព្ទ​ល្បី​រន្ទឺ​ ​ហើយ​អ្នក​វិនិយោគ​ជាតិ​ ​និង​បរទេស​កំពុង​ចាប់អារម្មណ៍​យ៉ាង​ខ្លាំង​ ​ហើយ​ពេល​ខាងមុខ​ដ៏​ខ្លី​ខេត្ត​នេះ​ ​រំពឹង​ថា​នឹង​កាន់តែ​រីកចម្រើន​។​ ​បើ​តាម​សិក្សា​ស្វែងយល់​ជាមួយ​អាជ្ញាធរ​ដែនដី​ ​ខេត្ត​ ​ក្រុង​ ​ស្រុក​និង​ ​មន្ទីរ​ជំនាញ​ ​អង្គភាព​ពាក់ព័ន្ធ​ ​ក្នុង​ខេត្ត​កំពត​ស្ដីពី​ ​ការងារ​អនុវត្តន៍​ថវិកា​ការងារ​អភិវឌ្ឍន៍​មូលដ្ឋាន​ ​និង​ការ​ផ្ដល់​សេវា​សាធារណៈ​ ​នៅ​ថ្នាក់ក្រោម​ជាតិ​មាន​ភាព​ល្អ​ប្រសើរ​៕​

1 COMMENT

LEAVE A REPLY

Please enter your comment!
Please enter your name here