ក្រុមហ៊ុន​យក្ស​ជប៉ុន​ Mitsubishi​ គ្រោង​ចូលរួម​អភិវឌ្ឍន៍​នៅ​ខេត្តសៀមរាប​

0

ដោយ​ នៅ​ វឌ្ឈ​នា​

សៀម​រា​បៈ​ ក្រុមហ៊ុន​យក្ស​របស់​ប្រទេស​ជប៉ុន​ Mitsubishi​ Corporation​ គ្រោង​ចូលរួម​ចំណែក​អភិវឌ្ឍន៍​ខេត្តសៀមរាប​ លើ​គំរោង​មួយចំនួន​ដើម្បី​ជំរុញ​ការ​អភិវឌ្ឍ​ខេត្ត​ដ៏​ល្បីល្បាញ​នេះ​ប្រកបដោយ​និរន្តរភាព​។

ក្នុង​ជំនួប​ជាមួយ​លោក​ទៀ​ សីហា​អភិបាលខេត្ត​សៀមរាប​កាលពី​ថ្ងៃទី១១​ មិថុនា​កន្លងមក​ លោក​ Yogo​ Kanda​ ប្រធាន​ក្រុមហ៊ុន​ Mitsubishi​ Corporation​ ប្រចាំ​នៅ​កម្ពុជា​បាន​ឲ្យដឹង​ថា​ គោលបំណង​របស់​ក្រុមហ៊ុន​ មី​តស៊ូ​បី​ស៊ី​ ​ខបភើ​រ៉េ​សី្សន​ មកកាន់​រដ្ឋបាល​ខេត្តសៀមរាប​ ដើ​មី្ប​ធ្វើ​យ៉ាងណា​ឲ្យបាន​ចូលរួម​ ក្នុង​កិច្ច​អភិវឌ្ឍន៍​នៅ​ខេត្តសៀមរាប​ទៅលើ​គម្រោម​ណាមួយ​ ដែល​ខេត្ត​ត្រូវការ​ចាំបាច់​ ព្រមទាំង​បាន​ធ្វើការ​បង្ហាញ​អំពី​ផលិតផល​របស់​ក្រុមហ៊ុន​ ដែល​ជា​ក្រុមហ៊ុន​មាន​ភាព​ល្បីល្បាញ​នៅ​លើស​កល​លោក​ ក្នុង​ការបម្រើ​នូវ​តម្រូវការ​របស់​អតិថិជន​ ពាក់ព័ន្ធ​ទៅលើ​រថយន្ត​ ជណ្តើរ​យន្ត​ និង​វិស័យ​កាត់ដេរ​សម្លៀកបំពាក់​ និង​ផ្នែក​អភិវឌ្ឍ​ន៍​ផ្សេង​ៗ ដែល​ស្ថិតនៅ​ក្រោម​ការគ្រប់គ្រង​របស់​ក្រុមហ៊ុន​។

លោក​ក៏បាន​លើកឡើង​ពី​គម្រោង​មួយចំនួន​ដែល​អាជ្ញាធរ​ខេត្ត​ បាន​ធ្វើការ​ជាមួយ​រដ្ឋាភិបាល​ប្រទេស​ជប៉ុន​ និង​តាមរយៈ​ទីភ្នាក់ងារ​សហប្រតិបត្តិ​ការអន្តរជាតិ​ នៃ​ប្រទេស​ជប៉ុន​ប្រចាំ​នៅ​កម្ពុជា​ (ចាយ​កា​)ក្នុង​កិច្ចការ​សង្គម​ ។ លោក​បន្ត​ទៀត​ថា​ ការ​ចូល​ជួប​សម្តែង​ការគួរសម​នា​ពេលនេះ​ ក្នុង​គោលបំណង​សិក្សា​ ស្វែងយល់​អំពី​តម្រូវការ​ចាំបាច់​ ក៏​ ដូច​កង្វះខាត​ណា​មួយ​របស់​រដ្ឋបាល​ខេត្តសៀមរាប​ ក្នុង​កិច្ច​អភិវឌ្ឍន៍​ខេត្ត​ ​ហើយក៏​ជា​ការបង្កើត​នូវ​ភាព​ស្និត​ស្នាល​រវាង​វិស័យ​ឯកជន​ និង​រដ្ឋ​ទៀតផង​ ។

លោក​ Yogo​ Kanda​ បាន​ឲ្យ​ដឹង​វថា​ ក្រុមហ៊ុន​របស់​លោក​ក៏​គ្រោង​ចូលរួម​អភិវឌ្ឍន៍​នៅ​ខេត្ត​នេះ​ ដើ​មី្ប​ឲ្យ​ទីក្រុង​ប្រវត្តិសាស្ត្រ​សៀមរាប​ ក្លាយជា​ក្រុង​វៃឆ្លាត​ ប្រកបដោយ​ សន្តិសុខ​ សុវត្ថិភាព​ តាមរយៈ​ការរៀបចំ​គម្រោង​ ក្នុង​ការ​ភ្លើង​ចរាចរណ៍​ ក្នុង​ការកាត់បន្ថយ​គ្រោះថ្នាក់​ចរាចរណ៍​ និង​ ការ​ កកស្ទះ​ចរាចរណ៍​ក្នុង​ក្រុង​ជាដើម​។

លោក​ក៏​មាន​ចំណាប់​អារម្មណ៍​ក្នុង​វិស័យ​កសិកម្ម​ ដោយក្រុម​ហ៊ុន​លោក​ ជា​អ្នក​ផលិត​គ្រឿងយន្ត​កសិកម្ម​ ព្រមទាំង​ការគ្រប់​គ្រង​កាកសំណល់​ (សម្រាម​ ) និង​ទឹក​កង្វក់​នៅក្នុង​ក្រុង​ រួម​ទាំង​ការ​ គ្រប់គ្រង​រថយន្ត​ពន្លត់​អគ្គិភ័យ​ ។ ក្នុង​នោះ​ដែរ​លោក​ក៏បាន​លើក​ផង​ដែរ​ ចំពោះ​គម្រោង​ ក្នុង​ការពង្រីក​ក្រុង​ថ្មី​ គឺ​ទាម​ទា​ដល់​ការសិក្សា​ស្វែងយល់​ និង​ កិច្ច​សហប្រតិបត្តិ​ការ​ជាមួយគ្នា​ជាមួយ​រដ្ឋាភិបាល​ជប៉ុន​ ក៏​ដូច​ក្រុមហ៊ុន​ ដើ​មី្ប​អភិវឌ្ឍន៍​ខេត្ត​។

អភិបាលខេត្ត​សៀមរាប​ លោក​ទៀ​ សីហា​ បាន​ជម្រាប​ដល់​ក្រុមហ៊ុន​ អំពី​តម្រូវការ​ និង​ កង្វះខាត​របស់​ខេត្ត​ គឺ​មាន​ច្រើន​លើ​គ្រប់​វិស័យ​ តែក​ត្តា​សំខាន់​នោះ​ គឺ​ធនធានមនុស្ស​ បច្ចេកទេស​ សម្ភារៈ​បរិ​ក្ខា​ជាដើម​ ។ លោ​កបន្ង​តថា​ ខេត្តសៀមរាប​ជាគោល​ដៅ​ភ្ញៀវ​ទេសចរណ៍​លើ​ពិភពលោក​ ចូល​មក​ទស្សនា​កម្សាន្ត​ តែ​ចំពោះ​ហេដ្ឋារចនាសម្ព័ន្ធ​ក្នុង​វិស័យ​ទេសចរណ៍​ នៅ​មិនទាន់​បាន​បំពេញ​នូវ​តម្រូវការ​ភ្ញៀវ​នៅឡើយ​ ក្រៅពី​ទស្សនា​ប្រាង្គ​ប្រាសាទ​ និង​ រមនីយ​ ដ្ឋាន​ធម្មជាតិ​។

លោក​ក៏បាន​បញ្ជាក់​អំពី​គម្រោង​របស់​ខេត្ត​ ក្នុង​ការពង្រីក​រមនីយ​ដ្ឋាន​ទេសចរណ៍​ គឺ​នៅ​រមណីយ​ដ្ឋាន​ធ្ម​ជាតិ​ភ្នំ​គូលែន​ និង​ បឹងទន្លេសាប​ រួម​ទាំង​ធ្វើការ​ពង្រីក​ក្រុង​រណប​ នៅ​តាម​បណ្តា​ស្រុក​មួយចំនួន​ទៀតផង​។

ការគ្រប់គ្រង​កាកសំណល់​ (សំរាម​) ដោយមាន​ក្រុមហ៊ុន​ប្រមូល​សម្រាម​ក្នុង​ក្រុង​ តែ​ខេត្ត​ខ្វះខាត​នូវ​ក្រុមហ៊ុន​កែច្នៃ​សម្រាម​ ដោយ​ពុំ​ទាន់​មាន​ក្រុមហ៊ុន​ណា​ធ្វើជា​ដៃគូ​នៅឡើយ​ ។ ម៉្យាងទៀត​ខេត្ត​ ក៏​ពុំ​ទាន់​មាន​រថយន្ត​បោសសម្អាត​ នៅ​តាម​ដងផ្លូវ​នៅឡើយ​ ដោយ​ប្រើប្រាស់​កម្លាំង​ពលកម្ម​នៅឡើយ​ ។ ចំពោះ​វិស័យ​កសិកម្ម​ ខេត្ត​ក៏​ទាម​ទា​នូវ​តម្រូវការ​ចាំបាច់​ទាំង​សម្ភារៈ​ និង​ការ​បណ្តុះបណ្តាល​បច្ចេកទេស​ ។

លោក​ទៀ​ សីហា​បាន​សំណូមពរ​មួយចំនួន​ ដល់​ក្រុមហ៊ុន​មី​តស៊ូ​បី​ស៊ី​ ខបភើ​រ៉េ​សី្សន​ ដើ​មី្ប​ជា​ដៃគូ​ក្នុង​កិច្ច​អភិវឌ្ឍន៍​ខេត្តសៀមរាប​ ឲ្យ​ក្លាយជា​ក្រុង​វៃឆ្លាត​ មាន​សោ​ភណ្ឌ​ភាព​ស្រស់​ស្អាត​នៅក្នុង​តំបន់​ទាំងមូល​ផង​ដែរ​៕

LEAVE A REPLY

Please enter your comment!
Please enter your name here