ក្រុមហ៊ុន​អចល​នព្រទ្យ​ធំៗ​ចំនួន២០​ នឹង​ចូលរួម​នៅក្នុង​ព្រឹត្តិ​ការណ៍​យល់ដឹង​អំពី​វិសាលភាព​អចលនទ្រព្យ​

0

ដោយៈ​ រ៉ា​ណេត​

ភ្នំ​ពេញៈ​ ជា​ការចូលរួម​ចំណែក​នៅក្នុង​ការ​ជួយ​លើកកម្ពស់​ និង​ជំរុញ​កិច្ច​អភិវឌ្ឍ​នៃ​វិស័យ​អចលនទ្រព្យ​នៅ​កម្ពុជា​ឱ្យ​កាន់តែ​មាន​សក្តា​នុ​ពល​ ក្រុមហ៊ុន​អចលនទ្រព្យ​ K H Land​ Co​,.Ltd​ គ្រោង​នឹង​រៀបចំ​មហា​ព្រឹត្តិ​ការណ៍​ដ៏​ធំ​មួយ​ស្ដីពី​ ការយល់​ដឹង​វិសាលភាព​អចលនទ្រព្យ​នៅ​កម្ពុជា​នា​ពេល​បច្ចុប្បន្ន​ និង​ចក្ខុវិស័យ​អចលនទ្រព្យ​នៅពេលអនាគត​ ក្រោម​ការចូលរួម​បង្ហាញ​ពី​បណ្តា​វាគ្មិន​ដែល​មាន​ជំនាញ​ និង​បទពិសោធន៍​ជាច្រើន​ឆ្នាំ​នៅក្នុង​វិស័យ​នេះ​។

តាម​ការ​បញ្ជាក់​របស់​លោក​ ថុន​ បូរ៉ា​ អគ្គនាយក​ប្រតិបត្តិ​នៃ​ក្រុមហ៊ុន​ ខេ​ អេច​ លែន​ ឯ.ក​ កាលពី​ព្រឹក​ថ្ងៃទី២៣​ ខែសីហា​ ឆ្នាំ២០១៩កន្លងមក​បាន​ឲ្យដឹង​ថា​ នៅ​ព្រឹក​ថ្ងៃទី៣​ ខែកញ្ញា​ ខាងមុខនេះ​ក្រុមហ៊ុន​នឹង​មាន​រៀបចំ​មហា​ព្រឹត្តិ​ការណ៍​ដ៏​ធំ​មួយ​ ដើម្បី​ចែករំលែក​នូវ​ចំណេះដឹង​ បទពិសោធន៍​នៅក្នុង​ការ​ធ្វើជំនួញ​អចលនទ្រព្យ​ និង​ការ​ចេះ​វិភាគ​សិក្សា​ទៅលើ​ទិដ្ឋភាព​រួម​នៃ​វិស័យ​អចលនទ្រព្យ​ មុន​ពេល​សម្រេចចិត្ត​ចូលខ្លួន​វិនិយោគ​ ដើម្បី​អាច​ទទួល​បាន​ប្រាក់ចំណេញ​ខ្ពស់​ និង​គេច​ផុត​ពី​ហានិភ័យ​។

នៅក្នុង​កម្មវិធី​ដ៏​ធំ​ប្រចាំឆ្នាំ​ខាងលើ​នេះ​ នឹង​មានការ​ចូលរួម​ពីសំណាក់​បណ្តា​ក្រុមហ៊ុន​វិនិយោគ​ ក្រុមហ៊ុន​អភិវឌ្ឍន៍​ ភ្នាក់ងារ​អចលនទ្រព្យ​ រួម​ជាមួយនឹង​អ្នក​ដែល​ពាក់ព័ន្ធ​នៅក្នុង​វិស័យ​អចលនទ្រព្យ​ ទូទាំង​ប្រទេស​កម្ពុជា​សរុប​ជាង១៥០០នាក់​ ប្រសិនបើ​មិន​មានការ​កែប្រែ​នោះ​ទេ​ នឹង​វត្តមាន​ពីសំណាក់​លោក​អភិបាល​ នៃ​គណៈ​អភិបាលស្រុក​អង្គស្នួល​ ខេត្តកណ្តាល​ជា​អធិបតី​។

លោក​ ថុន​ បូរ៉ា​ បាន​មានប្រសាសន៍​ថា​ “គោលដៅ​ចម្បង​នៅក្នុង​ការរៀបចំ​មហា​ព្រឹត្តិ​ការណ៍​ដ៏​ធំ​ប្រចាំឆ្នាំ​នា​ពេលនេះ​ គឺ​ក្រុមហ៊ុន​អចលនទ្រព្យ​ KH​ Land​ Co​,.Ltd​ មានបំណង​ចង់​ផ្សព្វផ្សាយ​ឱ្យ​បាន​ទូលាយ​ពី​ស្ថានភាព​ និង​វិសាលភាព​នៃ​វិស័យ​អចលនទ្រព្យ​នៅ​កម្ពុជា​នា​ពេល​បច្ចុប្បន្ន​នេះ​ ក៏ដូចជា​នៅ​ថ្ងៃ​អនាគត​ផង​ដែរ​”។

​លោក​បាន​បន្ត​ទៀត​ថា​ សម្រាប់​អ្នកចូលរួម​នៅក្នុង​កម្មវិធី​ នឹង​ទទួល​បាន​ព័ត៌មាន​សំ​ខាន់​ៗជាច្រើន​ ពាក់ព័ន្ធ​ទៅ​នឹង​ហេតុផល​នៃ​ការ​កើនឡើង​នៃ​អ្នក​វិនិយោគ​ ជាពិសេស​បានដឹង​ពី​ស្ថានភាព​សេដ្ឋកិច្ច​ និង​ទីផ្សារ​អចលនទ្រព្យ​យ៉ាង​ច្បាស់​ ក្រោម​ការ​ពន្យល់​ពីសំណាក់​អ្នកជំនាញ​នៅក្នុង​វិស័យ​មួយ​នេះ​ ដែល​នឹង​ត្រូវ​បាន​អញ្ជើញ​ជា​វាគ្មិន​សម្រាប់​ពន្យល់​ និង​បកស្រាយ​រាល់​ចម្ងល់​ពាក់ព័ន្ធ​នានា​ នៅក្នុង​វិស័យ​អចលនទ្រព្យ​ ដើម្បី​លើកកម្ពស់​ចំណេះដឹង​បន្ថែម​។

កម្មវិធី​នៃ​មហា​ព្រឹត្តិ​ការណ៍​ “យល់ដឹង​ពី​វិសាលភាព​អចលនទ្រព្យ​ និង​ត្រៀមខ្លួន​លក់​គម្រោង​ ក្រុង​ថ្មី​ ដី​មាស​សំរោងលើ​” នឹង​ត្រូវ​ធ្វើឡើង​នៅ​ព្រឹក​ថ្ងៃទី៣​ ខែកញ្ញា​ ឆ្នាំ២០១៩​ ចាប់ពី​ម៉ោង​ ៧ : ០០នាទី​ ដល់ម៉ោង១០​ : ៣០នាទី​ព្រឹក​។ សម្រាប់​អ្នក​ដែល​មាន​ចំណាប់​អារម្មណ៍​ចង់​ចូលរួម​នៅក្នុង​មហា​ព្រឹត្តិ​ការណ៍​នេះ​ អាច​ធ្វើការ​ចុះឈ្មោះ​តាមរយៈ​បណ្តាញ​សារ​អេឡិចត្រូនិក​នៅ​ខាងក្រោម​៖ https​://docs.google.com​/forms​/d/e/1FAIpQLSehRlKu​9jm​6vyCta_LXeGDxOZO​3x8V1NJF​0cQ​3TaNCdQkOViw​/viewform​?usp​=pp_url​ ឬទូរស័ព្ទ​ Smart​: ០៨៦​ /០៨៧​ ៦៤៧​ ១៦៨​, Cellcard​: ០៦១​ / ០៨៩​ ៦៤៧​ ១៦៨​ , Metfone​: ០៦០​ / ០៩០​ ៦៤៧​ ១៦៨​៕

LEAVE A REPLY

Please enter your comment!
Please enter your name here