ខ័ណ្ឌ​ទួលគោក​ផ្លាស់​ប្តូរ​ពី​តំបន់​​លំនៅ​ដ្ឋាន​​ទៅ​ជា​​មជ្ឈមណ្ឌល​​ពាណិជ្ជកម្ម​យ៉ាង​លឿន​

0

ដោយ​ ​ស៊ីវ​ ​ម៉េ​ង

​ភ្នំពេញ​៖​ ​ការ​រីកចម្រើន​នៃ​វិស័យ​ពាណិជ្ជកម្ម​នៅ​ទីក្រុង​ភ្នំពេញ​ ​មិន​ថមថយ​ល្បឿន​នោះ​ទេ​ ​ជាក់ស្តែង​ខ័ណ្ឌ​ទួលគោក​បាន​ផ្លាស់​ប្តូរ​មុខមាត់​យ៉ាង​ឆាប់រហ័ស​ ​ក្នុងរយៈពេល​បី​ឆ្នាំ​ចុងក្រោយ​នេះ​ ​ដោយ​ផ្លាស់​ប្តូរ​ពី​តំបន់​លំនៅ​ដ្ឋាន​ ​ទៅជា​តំបន់​ពាណិជ្ជកម្ម​យ៉ាង​រស​រវើក​។​

​យោង​តាម​ការសិក្សា​របស់​ក្រុមហ៊ុន​ ​CBRE​ ​Cambodia​ ​កាលពី​ចុងឆ្នាំ​មុន​បាន​រក​ឃើញថា​ ​ដោយ​សា​រកំនើ​ននៃ​ការ​វិនិយោគ​នៅ​តំបន់​នេះ​ ​ពិសេស​ការ​កសាង​ខុន​ដូ​ ​អា​ផា​ត​ម៉ិន​ ​និង​អាគារ​ពាណិជ្ជកម្ម​នានា​បាន​ធ្វើ​ឲ្យ​តម្ល​ដីធ្លី​ ​នៅក្នុង​ខ័ណ្ឌ​ទួលគោក​កើនឡើង​រហូតដល់៥៦ភាគរយ​ ​កាលពី​ឆ្នាំមុន​ ​ធៀប​នឹង​ឆ្នាំ២០១៧កន្លងមក​។​

​នាយិកា​ប្រចាំ​ប្រទេស​នៃ​ក្រុមហ៊ុន​ ​CBRE​ ​Cambodia​ ​អ្នកនាង​ ​អាន​ ​សុធី​តា​ ​បាន​មានប្រសាសន៍​ឲ្យដឹង​កាលពី​ពេល​ថ្មី​ៗ​នេះ​ថា​ ​តំបន់​ទួលគោក​បាន​ផ្លា​សប្តូ​រយ៉ា​ង​លឿន​ ​ដោយសារ​ការ​កើនឡើង​ ​នូវ​ការ​អភិវឌ្ឍ​មជ្ឈមណ្ឌល​ពាណិជ្ជកម្ម​ ​(​CBD​)​ ​នៅក្នុង​មូលដ្ឋាន​នេះ​កើនឡើង​ច្រើន​ ​ពិ​សេ​សកំនើ​ននៃ​ការ​វិនិយោគ​ពី​អ្នក​វិនិយោគ​ក្នុង​ស្រុក​ ​និង​ជនបរទេស​ ​ដែល​បាន​ប្រែក្លាយ​តំបន់​នានា​ក្នុង​ខ័ណ្ឌ​ទួលគោក​ ​ក្លាយជា​មជ្ឈមណ្ឌល​ពាណិជ្ជកម្ម​យ៉ាង​រស​រវើក​។​

​អ្នកនាង​បន្ត​ថា​ ​“​ការ​រីកចម្រើន​នេះ​ ​បាន​ធ្វើឲ្យ​អ្នក​វិនិយោគ​កាន់តែ​ផ្តោត​លើ​តំបន់​នេះ​ ​ហើយ​នា​ពេល​អនាគត​តម្លៃ​លំនៅ​ដ្ឋាន​ ​និង​ដីធ្លី​នឹង​មា​នកំនើន​ខ្ពស់​ថែមទៀត​”​។​ ​អ្នកនាង​បាន​បន្ត​ថា​ ​“​បច្ចុប្បន្ន​គំរោង​ខុន​ដូ​ ​អា​ផា​ត​ម៉ិន​ជាច្រើន​បាន​បញ្ចប់​ការសាងសង់​ ​និង​កំពុង​សាងសង់​នៅ​តំបន់​នេះ​ ​ដែល​វា​ជា​តំបន់​ទី២បន្ទាប់ពី​ខ័ណ្ឌ​ចំការមន​ ​ខ័ណ្ឌ៧មករា​និង​ខ័ណ្ឌ​ដូនពេញ​”​។​

​ប្រធាន​សមាគម​អ្នក​វាយតម្លៃ​ ​និង​ភ្នាក់ងារ​អចលនវត្ថុ​កម្ពុជា​លោក​ច្រឹក​ ​សុ​ខ​នី​ម​បាន​មានប្រសាសន៍​ថា​ ​ការ​រីកចម្រើន​ខ័ណ្ឌ​ទួលគោក​ ​មួយ​ផ្នែក​ដោ​យសារឥទ្ឋិ​ពល​ចេញពី​ខ័ណ្ឌ​ចំការមន​ ​ដូនពេញ​ ​និង​ខ័ណ្ឌ​ ​៧មករា​ ​ពិសេស​តម្លៃ​នៅ​ទីនោះ​មាន​ភាព​សមស្រប​ងាយស្រួល​វិនិយោគ​កាលពី​កំឡុង៣ទៅ៥ឆ្នាំមុន​ ​ប៉ុន្តែ​តម្លៃ​ដី​ក្នុង​តំបន់​ពាណិជ្ជកម្ម​រស​រវើក​នៅក្នុង​ខ័ណ្ឌ​នេះ​នា​ពេល​បច្ចុប្បន្ន​ ​មានតម្លៃ​ចន្លោះ៣៥០០ទៅ៤៥០០ដុល្លារ​ ​ដី​នៅ​តំបន់​លំនៅ​ដ្ឋាន​មាន​ចន្លោះ២០០០​ ​ទៅ៣៥០០ដុល្លារ​អាមេរិក​ក្នុង​មួយ​ម៉ែត្រការ៉េ​ ​និង​ដី​នៅ​តាម​ផ្លូ​វតូចៗ​អាច​មានតម្លៃ​ទាប​ជាង​នេះ​។​

​លោក​បន្ត​ថា​ ​“​ទោះជាយ៉ាងណា​បើ​គិត​ពី​តំលៃ​ជួល​អា​ផា​ត​ម៉ិន​ ​នៅ​តំបន់​ទួលគោក​ ​ធៀប​នឹង​ខ័ណ្ឌ​ចំការមន​ ​តំបន់​ទួលគោក​មានតម្លៃ​ទាប​ជាង​ប្រមាណ១៥ភាគរយ​ ​តែបើ​ធៀប​តែ​តំបន់​បឹងកេងកង១​ ​តម្លៃ​ខុសគ្នា​រហូតដល់​ប្រមាណ​ ​៣០ភាគរយ​”​។​
​លោក​ ​ច្រឹក​ ​សុ​ខ​នីម​ ​បាន​បន្ត​ថា​ ​តំបន់​ទួលគោក​នឹង​បន្ត​រីកចម្រើន​ថែមទៀត​ ​ដោយ​សា​រកំនើ​ននៃ​ការ​វិនិយោគ​របស់​ជន​បរទេស​ ​កត្តា​ហេ​ដ្ឋា​រចនាសម្ព័ន្ឋ​ល្អ​ប្រសើរ​ ​និង​ភាព​ទាក់ទាញ​ដែល​មានស្រាប់​នៅ​តំបន់​នេះ​ ​ពិសេស​តង់​ស៊ី​តេ​ប្រជាជន​មា​នកំនើន​ខ្ពស់​នៅក្នុង​ខ័ណ្ឌ​មួយ​នេះ​ ​ដែល​វា​ជា​ខ័ណ្ឌ​មាន​ភាព​រីកចម្រើន​បន្ទាប់ពី​ខ័ណ្ឌ​បី​ទៀត​ ​គឺ​ចំការមន​ ​ដូនពេញ​ ​និង​ខ័ណ្ឌ៧មករា​៕​

LEAVE A REPLY

Please enter your comment!
Please enter your name here