ចិន​សន្យា​សងសឹក​ចំពោះ​ពន្ធ​ថ្មី​អាមេរិក​ ខណៈ​សង្គ្រាម​ពាណិជ្ជកម្ម​នឹង​បង្ក​ការខាតបង់​រាប់ពាន់​លាន​ដុល្លារ​

0

ដោយ​ Donald​ Lee​

ក្រុង​ប៉េកាំង​៖ ការរាប់​ថយក្រោយ​សម្រាប់​ពន្ធ​ថ្មី​របស់​អាមេរិក​លើ​ទំនិញ​ចិន​កំពុង​ធ្វើ​ឱ្យ​អ្នកសេដ្ឋកិច្ច​ និង​ធនាគារ​កណ្តាល​នៅ​ជុំវិញ​ពិភពលោក​មានការ​ព្រួយបារម្ភ​ ខណៈ​ចិន​បាន​សន្យា​សងសឹក​ ប្រសិនបើ​កាតព្វកិច្ច​ពន្ធ​នេះ​ត្រូវ​បាន​អនុវត្ត​។

រដ្ឋាភិបាល​ចិន​បាន​ចេញ​សេចក្តី​ថ្លែងការណ៍​ជា​ផ្លូវការ​មួយ​ថា​ ខ្លួន​នឹង​គ្មាន​ជំរើស​អ្វី​ក្រៅពី​ការ​ប្រឆាំង​នឹង​ពន្ធ​របស់​អាមេរិក​ដែល​មាន​គោលបំណង​ធ្វើបាប​រដ្ឋាភិបាល​ចិន​ក្នុង​ការ​ធ្វើ​សម្បទាន​ពាណិជ្ជកម្ម​ជាមួយ​អាមេរិក​។

អ្នកនាំពាក្យ​ក្រសួង​ពាណិជ្ជកម្ម​ចិន​ លោក​ Gao​ Feng​ បាន​និយាយទៅ​កាន់​ប្រព័ន្ធ​ផ្សព្វផ្សាយ​នៅ​ទីក្រុង​ប៉េកាំង​កាលពី​ថ្ងៃ​ព្រហស្បតិ៍​ថា​ “ប្រសិនបើ​អាមេរិក​រឹង​ចចេស​ជ្រើសរើស​យក​វិធី​ផ្ទាល់ខ្លួន​ នោះ​ចិន​គ្មាន​ជំរើស​ក្រៅពី​ចាត់វិធានការ​សងសឹក​ដែល​ចាំបាច់​”។ លោក​បាន​បន្ថែម​ថា​ “អាមេរិក​គួរតែ​ផ្លាស់​ប្តូរ​សកម្មភាព​ខុសឆ្គង​របស់​ខ្លួន​”។

នៅដើមខែនេះ​ ប្រធានាធិបតី​អាមេរិក​ Donald​ Trump​ បាន​ប្រកាស​ថា​ ទំនិញ​ចិន​មានតម្លៃ​ ៣០០​ ពាន់​លាន​ដុល្លារ​ដែល​នឹង​ត្រូវ​ដំឡើង​ពន្ធគយ​នៅ​ថ្ងៃទី​ ១ ខែ​ កញ្ញា​។

ក្រោយមក​លោក​ Trump​ បាន​កែប្រែ​សេចក្តី​ថ្លែងការណ៍​របស់​លោក​ ហើយ​បាន​និយាយ​ថា​ ទំនិញ​ដូចជា​ស្មា​តហ្វូ​ន និង​ឧបករណ៍​វីដេអូ​ហ្គេម​នឹង​មិន​ត្រូវ​បាន​បញ្ចូល​ក្នុង​បញ្ជី​ពន្ធ​ខែ​ កញ្ញា​ទេ​ ដែល​មិន​ធ្វើ​ឱ្យ​រំខាន​ដល់​រដូវ​ទិញទំនិញ​ថ្ងៃឈប់​សម្រាក​របស់​អាមេរិក​ដែល​ជា​រយៈពេល​ដ៏​សំខាន់​បំផុត​នៃ​ឆ្នាំ​សម្រាប់​អ្នកលក់​រាយ​នៅ​សហរដ្ឋអាមេរិក​ ប៉ុន្តែ​នឹង​ត្រូវ​ដាក់​ពន្ធ​មកវិញ​នៅ​ថ្ងៃទី​ ១៥​ ខែ​ ធ្នូ​។

ភាព​មិន​ច្បាស់លាស់​ដែល​បណ្តាល​មក​ពី​សង្គ្រាម​ពាណិជ្ជកម្ម​រវាង​អាមេរិក​ និង​ចិន​កំពុង​ធ្វើ​ឱ្យ​ខាតបង់​ដល់​សេដ្ឋកិច្ច​ជាសាកល​រាប់ពាន់​លាន​ដុល្លារ​។

របាយ​កា​រណ៍​ថ្មី​ៗនេះ​របស់​ Bloomberg​ បាន​ប៉ាន់ស្មាន​ថា​ សេដ្ឋកិច្ច​ពិភពលោក​នឹង​ខាតបង់​ទឹកប្រាក់​ជិត​ ៥៨៥​ ពាន់​លាន​ដុល្លារ​ក្នុង​ឆ្នាំ​ ២០២១​ ដោយសារ​បញ្ហា​សង្គ្រាម​ពាណិជ្ជកម្ម​ដែល​កំពុង​កើតមាន​។

ជាក់ស្តែង​ របាយការណ៍​ថ្មី​មួយ​របស់​សេដ្ឋកិច្ច​ទេសចរណ៍​ (Tourism​ Economics​) បាន​ប៉ាន់ស្មាន​ថា​ សង្គ្រាម​ពាណិជ្ជកម្ម​នឹង​ធ្វើ​ឱ្យ​ប៉ះពាល់​ដល់​វិស័យ​ទេសចរណ៍​អាមេរិក​ជាមួយនឹង​ការខាតបង់​ប្រាក់ចំណូល​ចំនួន​ ១១​ ពាន់​លាន​ដុល្លារ​ ខណៈ​ប្រជាជន​ចិន​ប្រមាណ​ ២ លាន​នាក់​នឹង​មិន​ធ្វើដំណើរ​ទៅ​អាមេរិក​នៅ​ចុងឆ្នាំ​ ២០២០​។

យោង​តាម​របាយការណ៍​បានឱ្យ​ដឹង​ថា​ ភ្ញៀវ​ទេសចរ​ចិន​គឺជា​ជនជាតិ​ដែល​ចំណាយ​ច្រើនជាង​គេ​ក្នុងចំណោម​ភ្ញៀវ​ទេសចរ​ទាំងអស់​ដែល​ទៅ​ទស្សនា​អាមេរិក​។ ទេសចរ​ជនជាតិ​ចិន​ជាមធ្យម​ចំណាយ​ជិត​ ៦.០០០​ដុល្លារ​ក្នុង​ការ​ធ្វើដំណើរ​ទៅ​អាមេរិក​៕

LEAVE A REPLY

Please enter your comment!
Please enter your name here