ដឹង​ទេ​ថា​តម្លៃ​ដី​និង​អចលនទ្រព្យ​នៅ​ផ្លូវ​កម្ពុជាក្រោម​មានកម្រិត​ខ្ពស់​យ៉ាងណា​?​

0

ដោយ ​រ៉ា​ណេត​

​ភ្នំពេញ៖​ ​ជាទូទៅ​ចំពោះ​តម្លៃ​ដី​នៅក្នុង​រាជធានី​ភ្នំពេញ​ ​សុទ្ធតែ​ត្រូវ​បាន​អ្នកជំនាញ​ ​ក៏ដូចជា​ ​អ្នក​វិនិយោគ​លើ​វិស័យ​អចលនទ្រព្យ​លើកឡើង​ថា​ ​មានតម្លៃ​ថ្លៃ​ខ្លាំង​ ​ហើយ​មានផល​លំបាក​ក្នុង​ការទិញ​ដើម្បី​អភិវឌ្ឍ​គម្រោង​ ​ដែល​ក្នុង​នោះ​រួមមាន​ដូចជា​ផ្លូវ​មុនីវង្ស​ ​ផ្លូវ​ម៉ៅសេទុង​ ​និង​ផ្លូវ​ព្រះ​នរោត្តម​ជាដើម​។​ ​

​ដោយឡែក​ចំពោះ​តម្លៃ​ដី​ ​និង​អចលនទ្រព្យ​ដែល​ស្ថិតនៅ​តាម​បណ្តោយ​ផ្លូវ​កម្ពុជាក្រោម​ ​ក៏​មានតម្លៃ​មិន​ទាប​នោះ​ដែរ​ ​ហើយ​ដី​នៅ​លើ​បណ្តោយ​ផ្លូវ​នេះ​បាន​ក្លាយទៅជា​តំបន់​ដែល​ពិបាក​រក​ទិញ​ដើម្បី​អភិវឌ្ឍ​ដោយសារ​អស់​ដី​ទំនេរ​រួច​ទៅ​ហើយ​។​ ​

​លោក​ ​ស៊ា​ ​ឆៃ​លីន​ ​នាយក​ក្រុមហ៊ុន​ ​អចលនទ្រព្យ​ ​ឆៃ​លីន​ ​ស៊ា​ ​រៀល​ធី​ ​ខូ​អិល​ធី​ឌី​ ​បាន​ប្រាប់​ឱ្យ​ដឹង​តាម​ទូរស័ព្ទ​នា​ល្ងាច​ថ្ងៃទី១៤​ ​មិនា​កន្លងមក​ថា​ ​ទីផ្សារ​ដីធ្លី​ ​ក៏ដូចជា​អចលនទ្រព្យ​នៅ​តាមផ្លូវ​កម្ពុជាក្រោម​ ​គឺ​មានតម្លៃ​ខ្ពស់​ ​ព្រោះ​វា​ជា​តំបន់​ដី​កម្រ​។​ ​

ដី​នៅ​តាម​បណ្តោយ​ផ្លូវ​ ​ឬ​ស្ថិតនៅ​តំបន់​ក្បែរ​ៗ​ផ្លូវ​នេះ​គឺ​កម្រមាន​ទំនេរ​ណាស់​ ​ដែល​ភាគច្រើន​សុទ្ធតែ​ជា​ផ្ទះល្វែង​ទាំង​អស់​ ​ហើយ​បើ​ចំពោះ​តម្លៃនៅលើទីផ្សារ​ ​ដែល​គិតជា​មធ្យម​ ​គឺ​មួយ​ជុង​អាច​ក្នុង​ចន្លោះ​ចាប់ពី៦០​-​៧០ម៉ឺន​ដុល្លារ​ឯណោះ​ ​ដែល​តម្លៃ​នេះ​វា​មាន​ភាព​ប្រហាក់​ប្រហែលគ្នា​ទៅ​នឹង​តម្លៃ​ដែល​ស្ថិតនៅ​តាម​បណ្តោយ​ព្រះមុនីវង្ស​ដែរ​។​ ​

​ ​លោក​ថា​ ​“​បើ​គិត​ត្រឹមតែ​តម្លៃ​ដី​ ​គ្រាន់តែ​យក​តម្លៃ​នៃ​សំណង់​មួយ​ជុង​ដែល​លក់​ក្នុង​តម្លៃ​ខាងលើ​នេះ​ ​ហើយ​ដក​នឹង​តម្លៃ​នៃ​តួ​សំណង់​ចេញ​ ​នោះ​យើង​នឹង​ដឹងពី​តម្លៃ​ដី​ហើយ​ ​ដែល​យ៉ាងហោចណាស់​ក៏​ក្នុងរង្វង់៥​ ​ទៅ៦៦០០ដុល្លារ​ក្នុង​មួយ​ម៉ែត្រ​ការ៉េ​។​

​ដោយឡែក​សំណួរ​សួរ​ថា​ ​តើ​ហេតុផល​អី​ដែល​ធ្វើ​ឱ្យ​តម្លៃ​អចលនទ្រព្យ​នៅ​ទីនេះ​មានកម្រិត​ខ្ពស់​យ៉ាងនេះ​?​ ​ចម្លើយ​ ​គឺ​ដោយសារតែ​ផ្លូវ​នេះ​ ​ជា​ផ្លូវ​សេដ្ឋកិច្ច​ដែល​អាច​ធ្វើអាជីវកម្ម​ចម្រុះ​បាន​យ៉ាង​ប្រសើរ​ ​គេ​អាច​ធ្វើអាជីវកម្ម​ផង​ ​ហើយ​អាច​រស់​នៅ​ផង​ ​ម៉្យាង​វា​ក៏​ជា​តំបន់​នៅ​ចំ​កណ្តាល​រាជធានី​ភ្នំពេញ​ ​ដែល​ជា​បណ្តុំ​នៃ​មជ្ឈមណ្ឌល​ពាណិជ្ជកម្ម​។​ ​

​ជាមួយគ្នា​នេះ​ ​លោ​ក ​ស៊ា​ ​ឆៃ​លីន​ ​ក៏បាន​បញ្ជាក់​ផង​ដែរ​ថា​ ​តម្លៃ​ខាងលើ​នេះ​ ​នៅ​មិនទាន់​ដល់​ចំណុចកំពូល​នៅឡើយ​នោះ​ទេ​ ​ខណៈ​ដែល​ជាទូទៅ​តម្លៃ​អចលនទ្រព្យ​នៅ​តំបន់​នេះ​ ​តែង​មានការ​កើនឡើង​ក្នុងរង្វង់​ចាប់ពី​ ​១០ទៅ១៥ភាគរយ​ប្រចាំឆ្នាំ​៕​

LEAVE A REPLY

Please enter your comment!
Please enter your name here