ដំណឹងល្អៈ រថភ្លើងសិរីសោភ័ណ្ឌ ប៉ោយប៉ែតចាប់ផ្តើមដំណើរការ

0

ដោយ វុត្ថា

ភ្នំពេញ៖ ដំណឹងល្អសម្រាប់ប្រជាជនរស់នៅភូមិភាគពាយ័ព្យ ដោយពួកគេអាចធ្វើដំណើរតាមខ្សែរថភ្លើងថ្មី ដែលនឹងបើកដំណើរការបណ្តោះអាសន្នរវាងក្រុងសិរីសោភ័ណ ឆ្ពោះទៅកាន់ក្រុងប៉ោយប៉ែត ក្នុងខេត្តបន្ទាយមានជ័យ។

យោងតាមព៌តមានពីក្រសួងសាធារណការ បានឲ្យដឹងនៅរសៀលថ្ងៃទី២ មេសានេះថា ក្រសួងសាធារណការ និងដឹកជញ្ជូន នឹងរៀបចំពិធីបើកឲ្យប្រើប្រាស់ជាបណ្តោះអាសន្នផ្លូវរថភ្លើង ប៉ោយប៉ែត-សិរីសោភ័ណ ដែលនឹងប្រព្រឹត្តិទៅនៅ ថ្ងៃពុធ ទី៤ ខែមេសា ឆ្នាំ២០១៨ វេលាម៉ោង ០៨:០០ នាទីព្រឹក នៅស្ថានីយ៍រថភ្លើងប៉ោយប៉ែត ក្រោមការអញ្ជើញជាធិប្បតីភាព ឯកឧត្តម ស៊ុន ចាន់ថុល ទេសរដ្ឋមន្រ្តី រដ្ឋមន្រ្តី ក្រសួងសាធារណការ និងដឹកជញ្ជូន នៅក្នុងពិធីបើកឲ្យប្រើប្រាស់ជាបណ្តោះអាសន្នផ្លូវរថភ្លើង ប៉ោយប៉ែត-សិរីសោភ័ណការដាក់ឲ្យប្រើប្រាស់ផ្លូវរថភ្លើងនេះផងដែរ ប្រជាពលរដ្ឋអាចធ្វើដំណើរតាមរថភ្លើងដោយឥតគិតថ្លៃ ចាប់ពីថ្ងៃទី៤ ខែមេសា ដល់ថ្ងៃទី៣១ខែកក្កដា ឆ្នាំ២០១៨។

ផ្លូវដែកពី សិរីសោភ័ណ ទៅ ប៉ោយប៉ែត (ខេត្តបន្ទាយមានជ័យ) នេះ មានប្រវែងសរុប ៤៨ km ដែលត្រូវឆ្លងកាត់៦ ស្ថានីយ៍ (ប៉ោយប៉ែត- កូប- សូភី- សាលាសំរោង- ទឹកថ្លា- សិរីសោភ័ណ)៕

Advertisement

- Advertisement -

Leave a Reply