ដំណឹងល្អ​! រដ្ឋបាល​​រាជធានី​ភ្នំពេញ​គ្រោង​សាងសង់​ស្ពាន​អា​កាស​ថ្មើ​ជើង​ចំនួន​ ២ បន្ថែម​ទៀត

0

​ដោយ​ វុត្ថា​

ភ្នំពេញ​៖ រដ្ឋបាលរាជធានី​ភ្នំពេញ​គ្រោង​សាងសង់​ស្ពាន​អា​កាស​ថ្មើ​ជើង​ចំនួន​ ២ បន្ថែម​ទៀត​នៅក្នុង​ទីក្រុង​ភ្នំពេញ​ នៅ​ទីតាំង​ផ្សេងគ្នា​ ដើម្បី​សម្រួល​ដល់​ប្រជាពលរដ្ឋ​ក្នុង​ការ​ធ្វើដំណើរ​ឆ្លងកាត់​ និង​កាត់បន្ថយ​គ្រោះថ្នាក់​ចរាចរណ៍​។

លោក​ ឃួង​ ស្រេង​ អភិបាល​រាជធានី​ភ្នំពេញ​ បាន​សរសេរ​នៅក្នុង​ទំព័រ​ហ្វេ​សបុ​កផ្លូវការ​នៅ​ថ្ងៃទី​ ២៤​ ខែសីហា​ ឆ្នាំ​ ២០១៩​ នេះ​ថា​ ប្រទេសជាតិ​មានការ​អភិវឌ្ឍន៍​កាន់តែ​រីក​ចំរើន​ ទីក្រុង​កាន់តែ​ស៊ី​វី​ល័យ​! រដ្ឋបាល​រាជធានី​ភ្នំពេញ​មាន​គម្រោង​ស្ថាបនា​ស្ពាន​អាកាស​ថ្មើរជើង​ចំនួន​ពីរ​ទីតាំង​សម្រាប់​បងប្អូន​ប្រជាពលរដ្ឋ​ធ្វើដំណើរ​ដោយ​ថ្មើរជើង​ឆ្លងកាត់​តំបន់​នោះ​ប្រកបដោយ​សុវត្ថិភាព​។

លោក​ ឃួ​ងស្រេង​សរសេរ​បន្ត​ថា​ គម្រោង​ទីមួយ​មាន​ទីតាំង​ស្ថិតនៅ​លើ​មហាវិថី​ម៉ៅសេទុង​ខាងកើត​សាលាបឋមសិក្សា​សន្ធរ​ម៉ុ​ក និង​គម្រោង​ទីពីរ​មាន​ទីតាំង​ស្ថិតនៅ​លើ​មហាវិថី​ម៉ៅសេទុង​ខាងលិច​ផ្សារ​ដើម​គ។

លោក​អភិបាលក្រុង​មិនបាន​បញ្ជាក់​ពី​ទំហំ​តម្លៃ​លើ​ការ​ចំណាយ​លើ​គម្រោង​សាងសង់​ស្ពាន​អា​កាស​ថ្មើ​ជើង​ទាំងពីរ​នេះ​ និង​ពេលវេលា​ជាក់លាក់​នៅឡើយ​ទេ​ តែ​យ៉ាងណាក៏ដោយ​នេះ​ គឺជា​ដំណឹង​ដ៏​គួរ​រីករាយ​មួយ​សម្រាប់​ប្រជាពលរដ្ឋ​ដែល​រស់នៅ​ក្នុង​ទីក្រុង​ភ្នំពេញ​ ជាពិសេស​ប្រជាពលរដ្ឋ​ដែល​រស់នៅ​ និង​ឧស្សាហ៍​ធ្វើដំណើរ​នៅ​តំបន់​ទាំងពីរ​គម្រោង​នេះ​។

បច្ចុប្បន្ន​ទីក្រុង​ភ្នំពេញ​ មាន​ស្ពាន​អា​កាស​ថ្មើ​ជើង​ចំនួន​ ៣ ដែល​ស្ពាន​អា​កាស​ថ្មើ​ជើង​ចំនួន​ ២ស្ថិតនៅ​ផ្សារ​ជំ​ពូ​វន្ត​តាម​បណ្តោយ​ផ្លូវជាតិ​លេខ​ ៤ និង​មួយទៀត​ស្ថិត​រង្វង់​មូល​នាង​គង់​ហេង​ក្បែរ​វត្ត​ព្រះពុទ្ធ​មានបុណ្យ​៕

LEAVE A REPLY

Please enter your comment!
Please enter your name here