ដំណឹង​ល្អ៖ ផ្សារ​ទំនើប​ THE PARK បានចាប់ផ្តើម​បើក​ដំណើរការបណ្តើរៗហើយ

0

ដោយ ​គង់ សូរិយា

ភ្នំពេញ៖ នៅ​ទីបំផុត​ផ្សារ​ទំនើប​បែប​សហគមន៍ THE PARK ស្ថិតនៅតាម​បណ្តោយ​ផ្លូវជាតិ​លេខ១ បានចាប់ផ្តើម​បើក​ដំណើរការ​ជាបណ្តើរៗហើយ ដើម្បី​បំពេញតម្រូវការ​របស់​ប្រជាពលរដ្ឋ​នៅ​តំបន់​នេះ។

ការមកដល់​នៃ​ផ្សារ​បែប​សហគមន៍​នេះ ស្របគ្នា​នឹង​ការមកដល់​នៃ​ភោជនីយដ្ឋានល្បីៗដូចជា The PIZZA COMPANY,Park Cafe , ហាង​កាហ្វេ​Amazon ដែល​មកកាន់​តំបន់​នេះ​មុនគេ និង​ហាងទំនើបៗជាច្រើន​ទៀត ដែល​ធ្វើ​ឲ្យ​តំបន់​ជាប់​ផ្លូវជាតិ​លេខ១ កាន់​តែមាន​សក្តានុពល និង​សកម្មភាព​ពាណិជ្ជកម្ម​យ៉ាង​រស រវើក។

ជាមួយនឹង​ការមកដល់​នូវ​ផ្សារ​ទំនើប​បែប​សហគមន៍​នេះ ហាង​កាហ្វេ​ដ៏​ល្បី ក្នុងស្រុក​ Brown Caffee ក៏បាន​បើក​ដំណើរការ​មុនគេ នៅក្នុង​បរិវេណ​ផ្សារ​ទំនើប​នេះ។ ហាង​កាហ្វេ​នេះ​បាន​បើក​ដំណើរការ​កាលពី​ថ្ងៃទី១ មេសា​កន្លងមកនេះ។

Advertisement

អ្នកនាង អាន សុ​ធីតា​នាយិកា​ប្រចាំ​ប្រទេស​នៃ​ក្រុមហ៊ុន​ CBRE Cambodia ដែលជា​ក្រុមហ៊ុន​តំណាង​ឲ្យ​ការជួល​ផ្តាច់មុខ នៃ​ផ្សារ ​The Park បាន​មានប្រសាសន៍ថា ការមកដល់​នៃ​ផ្សារ​ទំនើបថ្មីៗនៅ​ទីក្រុង​ភ្នំពេញ បាន​លើក​កំពស់​មុខមាត់​នៃ ទីក្រុង​នេះ និង​បញ្ជាក់​ពី​ការរីកចម្រើន​នៃ​សេដ្ឋកិច្ច របស់​ប្រជាពលរដ្ឋ​នៅ​ទីក្រុង​ភ្នំពេញ ដោយសារ​កំនើន​ប្រាក់​ចំ​ណួ​ល​របស់​ប្រជាពលរដ្ឋ បានធ្វើ​ឲ្យ​អំណាច​នៃ​ការទិញ​កើន​ឡើងជា​ស្វ័យប្រវត្តិ។

អ្នកនាង​បន្តថា “ទោះ​ជាមាន​ផ្សារ​ទំនើប​កាន់តែ​ច្រើនក្តី តែ​កម្រិត​នៃ​ការប្រកួតប្រជែង​មិនមាន​បញ្ហា​អ្វី​នោះទេ ដោយសារ​ផ្សា​រទាំង​នោះបាន​ចាប់យក​ចំណែក​អតិថិជនខុសៗគ្នា។

ផ្សារ​សហគមន៍​ The Park ស្ថិតនៅ​ជាប់​គ្នា​នឹង​អគ្គនាយកដ្ឋាន​អត្តសញ្ញាណ​កម្ម និង​ជាប់​ច្រកចូល​ស្ថានីយ៍​វិទ្យុ និង​ទូរទស្សន៍​បាយ័ន។ ក្នុង​សង្កាត់​និរោធ ខ័​ណ្ឌ​ច្បារអំពៅ រាជធានី​ភ្នំពេញ៕

- Advertisement -

Leave a Reply