តើកត្តាអ្វីខ្លះដែលជំរុញឱ្យពលរដ្ឋកម្ពុជាចាប់អារម្មណ៍វិនិយោគក្នុងវិស័យអចលនទ្រព្យ?

0

ដោយវុត្ថា

ភ្នំពេញៈ ប្រជាពលរដ្ឋកម្ពុជាចូលប្រឡូក្នុងវិស័យអចលនទ្រព្យ កាន់តែច្រើនក្នុងរយៈពេលប៉ុន្មានឆ្នាំចុងក្រោយនេះ ខណៈវិស័យមួយនេះ មានការរីកចំរើនយ៉ាងខ្លាំងក្នុងចំណោ​មបណ្តាប្រទេសនៅក្នុងតំបន់អាស៊ាន។

លោកស្រីGrace Rachny Fong នាយិកាប្រតិបត្តិនៃក្រុមហ៊ុនអចលនទ្រព្យលំដា​ប់ពិភពលោក Century21 Cambodia បានប្រាប់គេហទំព័រ propertyarea.asia នៅថ្ងៃទី ២០ ខែកុម្ភៈ ឆ្នាំ ២០២០កន្លងមកថា មានកត្តាសំខាន់ៗចំនួន៥ ដែលជំរុញឱ្យពលរដ្ឋកម្ពុជាចាប់អារម្មណ៍ខា្លងក្នុងការវិនិយោគ ឬរកស៊ីក្នុងវិស័យអចលនទ្រព្យ។

១) ទទួលបានចំណូលខ្ពស់

ការប្រកបមុខរបររកស៊ីក្នុងវិស័យអចលនទ្រព្យ ទទួលបានចំណូលខ្ពស់មួយ ក្នុងចំណោមមុខរបរផ្សេងទៀត ដែលជំរុញឱ្យពលរដ្ឋកម្ពុជាងាកមកចាប់អាជីពនេះ។   អាជីពក្នុងវិស័យអលនទ្រព្យមួយនេះ គឺជាអាជីពដែលល្អ មិនថាតែសម្រាប់ក្រុមហ៊ុន ប្រជាពលរដ្ឋធម្មតា ឬអ្នករកស៊ីផ្សេងក៏មានលទ្ធភាពធ្វើវាដែរ។ ម្យ៉ាងទៀតអាជីពនេះ បានជួយដល់ម្ចាស់អចលនទ្រព្យ និងអ្នកទិញបានកាន់តែមានភាពងាយស្រួល។

២) លំហូវិនិយោគិនក្រៅប្រទេសចូលមកច្រើន

ក្នុងរយៈពេលប៉ុន្មានឆ្នាំនេះ ប្រទេសកម្ពុជាបានទទួលនូវលំហូវិនិយោគិនពីបរទេសយ៉ាងច្រើន ដែលមកវិនិយោគលើគម្រោងអគារពាណិជ្ជកម្ម អគារខ្ពស់កប់ពពក ខុនដូ រោងចក្រ និងសហគ្រាសផ្សេងៗ ដែលជា ឱកាសមួយសម្រាប់ពលរដ្ឋកម្ពុជាក្នុងការចាប់យកអាជីពក្នុងវិស័យអចលនទ្រព្យ និងរកប្រាក់ចំណូលបានកាន់តែច្រើន។

៣) អំណាចនៃការទិញលើវិស័យអចលនទ្រព្យ

អំណាចនៃការទិញលើវិស័យអចលនទ្រព្យ នៅក្នុងប្រទេសកម្ពុជា មានការកើនឡើងខ្លំាង ស្របពេលលំហូវិនិយោគិនចូលកាន់តែច្រើន និងតម្រូវការក្នុងស្រុកកើនឡើងខ្ពស់ ។ មនុស្សទាំងអស់ត្រូវការអចលនទ្រព្យ សម្រាប់យកទៅប្រកបមុខរបរផ្សេងផ្សេងៗ ដូចជាការបើកហាងកាហ្វេ ហាងលក់ផលិតផល រោងចក្រ សហគ្រាស រោងចក្រ និងគ្រប់អាជីវកម្មជាដើម។

៤) កំណើននៃយុវជន

កំណើននៃយុវជនកម្ពុជាពីមួយឆ្នាំទៅមួយឆ្នាំ បានជំរុញឱ្យមានតម្រូវការលើវិស័យអចលនទ្រព្យកាន់តែច្រើនជាពិសេសលំនៅឋាន។ នាពេលបច្ចុប្បន្ននេះមានតម្រូវការខ្ពស់​លើផ្នែកខុនដូផងដែរ ដែលយុវជនភាគច្រើនបានងាកមកទិញខុនដូ សម្រាប់រស់នៅបែបទំនើប និងទាន់សម័យកាល ព្រមទាំងមានភាពងាយស្រួលច្រើន ជាពិសេសនោះគឺយុវជនដែលមកពីក្រៅប្រទេសបានទិញខុនដូសម្រាប់រស់នៅ។

៥)ស្ថេរភាពសេដ្ឋកិច្ច និងនយោបាយ

ស្ថេរភាពសេដ្ឋកិច្ច និងនយោបាយនៅក្នុងប្រទេសកម្ពុជា បានជំរុញឱ្យមានការវិនិ​យោគលើវិស័យអចលនទ្រព្យ មានការកើនឡើងគួរឲ្យកត់សំគាល់ ដែលនេះគឺជាកត្តាជំរុញឱ្យមានពលរដ្ឋកម្ពុជា គ្រប់ស្រទាប់វណ្ណៈចាប់អារម្មណ៍លើអាជីព ក្នុងវិស័យអចលនទ្រព្យ៕

LEAVE A REPLY

Please enter your comment!
Please enter your name here