តៃវ៉ាន់​ពន្លឿន​ទិដ្ឋាការ​ដល់​ជនភៀសខ្លួន​ហុងកុង​រាប់ពាន់​នាក់​ ខណៈ​ចិន​ហៅ​កោះ​នេះ​ថា​ជា​ជម្រក​ឧក្រិដ្ឋជន​

0

ដោយ​ Donald​ Lee​

ភ្នំ​ពេញៈ​ ប្រជាជន​ហុងកុង​ កំពុង​ភៀសខ្លួន​ចេញពី​ទឹកដី​ចិន​ទៅ​តៃវ៉ាន់​ ខណៈ​បាតុកម្ម​គាំទ្រ​លទ្ធិប្រជាធិបតេយ្យ​ បាន​ធ្វើ​ឱ្យ​រញ្ជួយ​ទីក្រុង​ហុងកុង​ អស់​រយៈពេល​ជាង១១សប្តាហ៍​។

យោង​តាម​ទីភ្នាក់ងារ​ជន​អន្តោប្រវេសន៍​ជាតិ​តៃវ៉ាន់​បានឱ្យ​ដឹង​ថា​ រដ្ឋាភិបាល​តៃវ៉ាន់​កំពុង​ពន្លឿន​ ការ​ដាក់ពាក្យសុំ​ទិ​ដ្ឋា​កា​របស់​ប្រជាជន​ហុងកុង​ជាង២០០០នាក់​ ដែល​បាន​ដាក់ពាក្យសុំ​នៅ​ឆ្នាំនេះ​។ ការ​ដាក់ពាក្យសុំ​បាន​កើនឡើង​ជិត ១៥​ភាគរយ​ បើ​ប្រៀបធៀប​ទៅ​នឹង​ឆមាស​ទី១នៃ​ឆ្នាំ​កន្លងទៅ​ ដោយសារ​ការ​តវ៉ា​កាន់តែ​មាន​កម្តៅ​ខ្លាំង​ ក្នុងរយៈពេល​ ២ ខែ​ចុងក្រោយ​នេះ​ ខណៈ​ការ​តវ៉ា​បាន​ក្លាយជា​អំពើ​ហិង្សា​។

ប្រធានាធិបតី​តៃវ៉ាន់​លោកស្រី​ Tsai​ Ing​-wen​ បាន​និយាយ​នៅក្នុង​សុន្ទរកថា​មួយ​កាលពី​ខែមុន​ថា​ លោកស្រី​គាំទ្រ​ក្រុម​បាតុករ​ ដែល​គាំទ្រ​លទ្ធិប្រជាធិបតេយ្យ​ ហើយនឹង​បើកចំហ​ ដើម្បី​ផ្តល់​ការលើកលែង​ទោស​ និង​ការ​សុំ​សិទ្ធិជ្រកកោន​នៅ​តៃវ៉ាន់​។

រដ្ឋាភិបាល​ចិន​បាន​រិះគន់​ប្រធានាធិបតី​តៃវ៉ាន់​ ពី​បទ​ពាក់ព័ន្ធ​នឹង​ខ្លួន​នៅក្នុង​ភាព​វឹកវរ​ហុងកុង​ បន្ទាប់​ទទួល​ដំណឹង​ពី​ការ​អត្ថា​ធិប្បាយ​របស់​ប្រធានាធិបតី​តៃវ៉ាន់​។

លោក​Ma​ Xiaoguang​ អ្នកនាំពាក្យ​ការិយាល័យ​កិច្ចការ​តៃវ៉ាន់​ បាន​មានប្រសាសន៍​ថា​ “សូមឈប់​ធ្វើ​ឱ្យ​អន្តរាយ​ដល់​ច្បាប់​ នៅក្នុង​តំបន់​រដ្ឋបាល​ពិសេស​ហុងកុង​។ បញ្ឈប់​ការ​ជ្រៀតជ្រែក​ក្នុង​កិច្ចការ​ហុងកុង​ និង​បញ្ឈប់​ឧក្រិដ្ឋជន​តាម​មធ្យោបាយ​ណាមួយ​”។

លោក​បាន​បន្ថែម​ “ពួកគេ​បាន​អះអាង​ជា​ចំហ​ថា​ នឹង​ផ្តល់​សិទ្ធិជ្រកកោន​ដល់​ក្រុម​អ្នក​តវ៉ា​ ធ្វើ​ឱ្យ​កោះ​តៃវ៉ាន់​ក្លាយជា​កន្លែង​ឧក្រិដ្ឋជន​លាក់ខ្លួន​។ តើ​កន្លែងណា​មាន​សុវត្ថិភាព​ និង​សុខុមាលភាព​សម្រាប់​ប្រជាជន​តៃវ៉ាន់​?។

រដ្ឋាភិបាល​ចិន​ប្រកាស​ជា​ផ្លូវការ​ថា​ កោះ​តៃវ៉ាន់​ជាផ្នែក​មួយ​នៃ​ប្រទេស​ចិន​ ដែល​នឹង​ច្របាច់​បញ្ចូល​គ្នា​នា​ពេល​អនាគត​។ គណបក្ស​នយោបាយ​របស់​ប្រធានាធិបតី​ Tsai​ បាន​ឡើង​កាន់អំណាច​ក្នុង​ឆ្នាំ២០១៦​ ក្រោម​ប្រធានបទ​ថា​ កោះ​តៃវ៉ាន់​ជា​ប្រទេស​ប្រកាន់​លទ្ធិប្រជាធិបតេយ្យ​ដោយខ្លួនឯង​ មិនមែន​ស្ថិតនៅ​ក្រោម​គោលនយោបាយ​“ចិន​តែមួយ​” របស់​ទីក្រុង​ប៉េកាំង​ទេ​។

ជិត​មួយ​ភាគ​បួន​នៃ​ចំនួន​ប្រជាជន​ហុងកុង​ បាន​ចូលរួម​ក្នុង​ការ​តវ៉ា​ចាប់តាំងពី​មាន​សេចក្តី​ស្នើ​ច្បាប់​ស្តី​ពី​ ការ​ធ្វើ​បត្យាប័ន​ទៅកាន់​ស្ថាប័ន​នីតិប្បញ្ញត្តិ​កាលពី​ជាង​ពីរ​ខែមុន​៕

LEAVE A REPLY

Please enter your comment!
Please enter your name here