តំបន់​ទួលពង្រ​ទាក់ទាញ​​គម្រោង​​វិនិយោគ​​បុរី​​លំនៅ​ដ្ឋាន​​កាន់តែ​ច្រើន​

0

ដោយ​ រ៉ា​ណេត​

ភ្នំពេញ​៖ ​ស្រដៀងគ្នា​ទៅ​នឹង​តំបន់​ជាយក្រុង​មួយចំនួន​ ដែល​កំពុងតែ​មានការ​អភិវ​ ឌ្ឍ​យ៉ាង​ខ្លាំង​ផ្នែក​សំណង់​លំនៅ​ដ្ឋាន​ តំបន់​ទួលពង្រ​ ស្ថិត​ក្នុង​ខ័ណ្ឌ​ដង្កោ​ នៃ​ភាគ​ ខាង​ត្បូង​ឈៀង​ខាងជើង​ នៃ​រាជធានី​ភ្នំពេញ​បាន​និង​កំពុង​ទាក់ទាញ​ អ្នក​អភិវឌ្ឍន៍​សាងសង់​បុរី​ជាច្រើន​។

- Video Advertisement -

តំបន់​ដែល​ធ្លាប់តែ​គ្រប​សណ្ដប់​ទៅ​ដោយ​បឹង​តូច​ៗ ពោរពេញ​ទៅ​ដោយ​ទឹក​និង​ស្មៅ​កក់​ នៃ​តំបន់​ផ្សារ​ទួលពង្រ​ បាន​និង​កំពុង​ប្រែក្លាយ​ទៅជា​តំបន់​លំនៅ​ដ្ឋាន​យ៉ាង​ស្អេកស្កះ​ ដូចជា​បុរី​មង្គល​ភ្នំពេញ​ និង​សំណង់ផ្ទះ​ល្វែង​ជាច្រើន​។

អគ្គនាយក​បុរី​មង្គល​ភ្នំពេញ​លោក​ អាន​ រ៉ា​ឌី​ដែល​បាន​បោះទុន​ជាច្រើន​លាន​ដុល្លារ​ អភិវឌ្ឍន៍​វិស័យ​លំនៅ​ដ្ឋាន​កម្រិតមធ្យម​ នៅ​តំបន់​ខាងលើ​នេះ​បាន​មានប្រសាសន៍​ឱ្យ​ដឹង​នា​ព្រឹក​ថ្ងៃទី២៧​ មិនា​នេះ​ថា​ ពេលនេះ​តំបន់​ទួលពង្រ​បាន​ក្លាយជា​ទីតាំង​ដ៏​ប្រសើរ​ និង​ស្ថិត​ក្នុង​ក្រសែភ្នែក​អ្នក​អភិវឌ្ឍ​ ដោយសារ​តំបន់​ទួលពង្រ​ ដែល​ស្ថិតនៅ​ក្នុង​ខណ្ឌដង្កោ​នា​នេះ​ កំពុងតែ​មាន​ភាព​ទាក់ទាញ​យ៉ាង​ខ្លាំង​ ដោយសារតែ​វា​មានផ្លូវ​ឆ្លងកាត់​ខ្វាត់ខ្វែង​ច្រើន​ និង​ជា​បណ្តុំ​នៃ​លំនៅ​ដ្ឋាន​ មាន​មនុស្ស​រស់នៅ​ច្រើន​អំណោយផល​ដល់​ការ​ប្រប​កអាជីវកម្ម​ ដែល​កាន់តែ​ផ្តល់​ភាព​ងាយស្រួល​ក្នុង​ការ​អភិវឌ្ឍ​ ជា​ជម្រើស​ដ៏​ល្អ​សម្រាប់​អ្នក​ដែល​មាន​បំណង់​ចង់​រស់នៅ​ និង​វិនិយោគ​បន្ត​ស្វែងរក​ចំណេញ​ផង​ដែរ​។

លោក​បន្ត​ថា​ “តំបន់​នេះ​មិនមែន​ជា​តំបន់​ឆ្ងាយ​ដាច់​ស្រ​យ៉ា​លនោះ​ទេ​ ផ្ទុយទៅវិញ​ វា​កាន់តែ​ទាក់ទាញ​អ្នក​វិនិយោគ​ ឱ្យ​ងាក​មក​ចាប់អារម្មណ៍​កាន់តែ​ច្រើន​ឡើង​ៗ ជាពិសេស​ការ​អភិវឌ្ឍ​លើ​វិស័យ​សំណង់​លំនៅ​ដ្ឋាន​”។ លោក​បន្ត​ថា​ “កត្តា​ហេដ្ឋា​រចនាសម្ព័ន្ធ​ប្រទាក់ក្រឡា​គ្នា​ ងាយស្រួល​ក្នុង​ការ​ចេញចូល​ក្នុង​រាជធានី​ភ្នំពេញ​ ជាពិសេស​ឆ្ពោះទៅ​កាន់​ផ្លូវ៦០ម៉ែត្រ​ ក៏​ដូច​ជា​ចេញទៅ​កាន់​បណ្តា​ខេត្ត​មួយចំនួន​ តាមផ្លូវ​ជាតិ​លេខ២​ ផ្លូវជាតិ​លេខ៣​ និង​ផ្លូវជាតិ៤ជាដើម​បាន​ទាក់ទាញ​ការ​វិនិយោគ​នានា​”។

គម្រោង​អភិវឌ្ឍ​លំនៅ​ដ្ឋាន​សុភមង្គល​ ជា​ចំណុះ​របស់​បុរី​មង្គល​ភ្នំពេញ​ ដែល​កំពុង​ដំណើរការ​សាងសង់​យ៉ាង​មមាញឹក​នា​ពេលនេះ​ ត្រូវ​បាន​លោក​អាន​ រ៉ា​ឌី​ ប្រាប់​ឱ្យ​ដឹង​ថា​ លំនៅ​ដ្ឋាន​ស្ថិតនៅ​ក្នុង​គម្រោង​ទី៧នេះ​ មាន​សរុប​ជិត ៤០០ ខ្នង​ ជា​ប្រភេទ​វីឡា​កូនកាត់​ និង​ជា​ប្រភេទ​ផ្ទះ​អាជីវកម្ម​ មានតម្លៃ​ចាប់ពី​ ៧៣​,០០០ដុល្លារ​ រហូតដល់ ២០០​,០០០​ ដុល្លារ​ ដែល​អាស្រ័យ​ទៅតាម​ទំហំ​ និង​ទីតាំង​លំនៅ​ដ្ឋាន​ ហើយ​គ្រប់​អតិថិជន​ទាំងអស់​សុទ្ធតែ​មានឱកាស​ទទួល​បាន​ចំណេញ​ពី​ការទិញ​នៅ​ថ្ងៃខាងមុខ​ទាំងអស់គ្នា​។

​អតិថិជន​ចាប់អារម្មណ៍​ទិញ​លំនៅ​ដ្ឋាន​ក្នុង​បុរី​នេះ​ ​អាច​ទំនាក់ទំនង​តាមរយៈ​លេខ​ទូ​ស័ព្ទ​ ​០៩៥​ ​៣០​ ​៤០​ ​៥០​ ​/​ ​០៩៨ ​៣០​ ​៤០​ ​៥០​។​

អនុប្រធាន​ក្រុមប្រឹក្សា​ភិបាល​សមាគម​អ្នកជំនាញ​អចលនទ្រព្យ​កម្ពុជា​ លោ​កយិន​ លាង​គង់​បាន​មានប្រសាសន៍​ថា​ វា​មិន​មាន​អ្វី​ចម្លែក​នោះ​ទេ​ ដែល​ការ​អភិវឌ្ឍ​បាន​រីក​រាលដាល​ដល់​តំបន់​ជាយក្រុង​ ដោយសារតែ​តំបន់​ជាយក្រុង​មានការ​អភិវឌ្ឍ​ហេ​ដ្ឋា​រចនាសម្ព័ន្ឋ​កាន់តែ​ល្អ​ប្រសើរ​ ពិសេស​តម្លៃ​ដីធ្លី​មាន​ភាពសមរម្យ​នៅឡើយ​ ដែល​អ្នក​វិនិយោគ​អាច​ស្វែងរក​ផល​ចំណេញ​បាន​។

លោក​បន្ត​ថា​ “តំបន់​ទួលពង្រ​បាន​ក៏ដូចជា​តំបន់​ដទៃទៀត​ កំពុង​មានការ​រីកចម្រើន​ខ្លាំង​ ដោយសារ​កត្តា​តង់​ស៊ី​តេ​ប្រជា​ពលរដ្ឋ​ និង​កំនើ​ននៃ​ការ​អភិវឌ្ឍ​ពី​ក្រុមហ៊ុន​ជាតិ​ អន្តរជាតិ​ ពិសេស​ជា​តំបន់​មានការ​តភ្ជាប់​ហេ​ដ្ឋា​រចនាសម្ព័ន្ឋ​ ចូល​មក​កណ្តាល​ក្រុង​យ៉ាង​ល្អ​ប្រសើរ​”៕

-Video Advertisement -

LEAVE A REPLY

Please enter your comment!
Please enter your name here