តំបន់​ភាគពាយ័ព្យ​កាន់​តែ​រស់រវើក​តាម​រយៈ​ការ​តភ្ជាប់​ហេដ្ឋា​រចនា​សម្ព័ន្ឋ

0

ដោយ វុត្ថា

ភ្នំពេញ៖ តំបន់ភាគពាយ័ព្យកាន់តែរសរវើក តាមរយៈការតភ្ជាប់ហេដ្ឋារចនា​សមញព័ន្ឋផ្លូវគោក និងផ្លូវដែកជាក់ស្តែងនៅថ្ងៃទី០២ ខែមេសា ឆ្នាំ២០១៨នេះ បាន បើកឱ្យប្រើប្រាស់ជាផ្លូវការផ្លូវលេខ ១៥៧៧ ដែលមានប្រវែងសរុប៥១,៨០គីឡូម៉ែត្រតភ្ជាប់ស្រុករតនៈមណ្ឌល ដល់ភូមិឆករកា ឃុំសំឡូត។

គម្រោងផ្លូវនេះ បានចំណាយថវិកាសរុបប្រមាណ៣៨,២១២លានដុល្លារអាមេរិក ជាហិរញ្ញប្បទានសម្បទានពីសាធារណរដ្ឋប្រជាមានិតចិន រួមជាមួយថវិកាបដិភាគរបស់រាជរដ្ឋាភិបាលកម្ពុជា សម្រាប់ដោះស្រាយល ប៉ះពាល់ ការបោសសម្អាតមីន និងយុទ្ធភ័ណ្ឌមិនទាន់ផ្ទុះ សាងសង់ដោយក្រុមហ៊ុនសាជីវកម្មស្ពាន-ថ្នល់ចិន និងពិនិត្យបច្ចេកទេសសាងសង់ ដោយក្រុមហ៊ុនទីប្រឹក្សាបច្ចេកទេសសំណង់ក្វាងចូវវ៉ានអាន ប្រើរយៈពេលសាងសង់ចំនួន២៣ខែ ដែលបានបញ្ចប់ការសាងសង់នៅចុងឆ្នាំ២០១៧កន្លងទៅនេះ។

Advertisement

លោកទេសរដ្ឋមន្ត្រីស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូនបានថ្លែងថា ផ្លូវនេះជាផ្លូវយុទ្ធសាស្រ្តមួយយ៉ាងសំខាន់ សម្រាប់បម្រើដល់កិច្ចការពារជាតិ និងការអភិវឌ្ឍសេដ្ឋកិច្ច ដែលតភ្ជាប់តំបន់ភូមិភាគកណ្តាល និងវាលទំនាបផ្នែកខាងលើ ទៅកាន់ភូមិភាគខាងលិចប្រទេស ចាប់ផ្តើមពីភូមិភ្ជាវ ឃុំត្រែង ស្រុករតនៈមណ្ឌល ទៅភូមិឆករកា ឃុំសំឡូត ស្រុកសំឡូត ខេត្តបាត់ដំបង (ច្រកទ្វារព្រំដែន៤០០) ព្រំប្រទល់កម្ពុជា-ថៃ ជាប់នឹងខេត្តត្រាតប្រទេសថៃ។

សម្តេចក្រឡាហោមស ខេង ឧបនាយករដ្ឋមន្ត្រី និងជារដ្ឋមន្ត្រីក្រសួងមហា​ផ្ទៃបានថ្លែងថា សមិទ្ធផលផ្លូវនេះជាចំណងដៃដ៏ពិសិដ្ឋ ឆ្លើយតបទៅនឹងសំណូមពរ និងតម្រូវការនៃការដឹកជញ្ជូន ការធ្វើដំណើរ របស់បងប្អូនប្រជាពលរដ្ឋដែលរស់នៅតំបន់ត្រែង សំឡូត និងតំបន់ភូមិភាគខាងលិច ប្រទេសទៅកាន់ក្រុងបាត់ ដំបង រាជធានីភ្នំពេញ ឬតំបន់ផ្សេងៗទូទាំងប្រទេស និងជាខ្សែផ្លូវដែលធ្វើសមាហរណកម្មពេញលេញ សម្រាប់ខេត្តបាត់ដំបងទាំងមូល ព្រោះថាស្រុកសំឡូតជាស្រុកតែមួយគត់ និងចុងក្រោយបំផុត ដែលទើបមានផ្លូវកៅស៊ូ តភ្ជាប់មកក្រុងបាត់ដំបង។

ផ្លូវលេខ១៥៧៧នេះ ជាផ្លូវយុទ្ធសាស្ត្រមួយយ៉ាងសំខាន់ សម្រាប់បម្រើដល់កិច្ចការពារជាតិនិងការអភិវឌ្ឍសេដ្ឋកិច្ច តភ្ជាប់តំបន់ភូមិភាគកណ្តាល វាលទំនាបខាងលើ និងភូមិភាគខាងលិច ទៅច្រកទ្វារព្រំដែន៤០០ព្រំប្រទល់កម្ពុជា-ថៃ៕

- Advertisement -

Leave a Reply