ធនាគារ​កណ្តាល​ឥណ្ឌូ​នេ​ស៊ី​បន្ទាប​អត្រា​ការប្រាក់​ ខណៈ​វិបត្តិសេដ្ឋកិច្ច​ពិភពលោក​កំពុង​លង​បន្លាច​តំបន់​អាស៊ី​

0

ដោយ​ Donald​ Lee​

ភ្នំ​ពេញៈ​ ធនាគារ​កណ្តាល​ឥណ្ឌូណេស៊ី​ បាន​ចូលរួម​បណ្តា​ប្រទេស​អាស៊ី​ជាច្រើន​ដោយ​កាត់បន្ថយ​អត្រា​ការប្រាក់​ ដើម្បី​ជំរុញ​សេដ្ឋកិច្ច​ដែល​មាន​ភាពយឺត​យ៉ាវ​ ដោយសារ​សង្គ្រាម​ពាណិជ្ជកម្ម​រវាង​អាមេរិក​ និង​ចិន​តែ​ការ​បន្ត​កើតមាន​។

ធនា​គារ​ឥណ្ឌូ​នេ​ស៊ី​បាន​ទម្លាក់​ការប្រាក់​របស់​ខ្លួន​ មក​នៅ​ត្រឹម៥​,៥ភាគរយ​ក្នុង​មួយឆ្នាំ​ ដើម្បី​រក្សា​សេដ្ឋកិច្ច​របស់​ខ្លួន​ ខណៈ​បណ្តា​ប្រទេស​អាស៊ី​ផ្សេងទៀត​កំពុង​ប្រឈម​នឹង​វិបត្តិសេដ្ឋកិច្ច​ ដោយសារតែ​ការ​រំខាន​ដល់​ការនាំចេញ​ និង​សង្វាក់​ផ្គត់ផ្គង់​ផលិតកម្ម​ និង​ការវាយប្រហារ​ពន្ធគយ​រវាង​អាមេរិក​ និង​ចិន​។

លោក​ Perry​ Warjiyo​ ទេសាភិបាល​ធនា​គារ​ឥណ្ឌូ​នេ​ស៊ី​ បាន​ថ្លែង​នៅក្នុង​សន្និសីទ​សារព័ត៌មាន​ថា​ “នេះ​គឺជា​វិធានការណ៍​ ដែល​អាច​ធ្វើ​ទៅ​បាន​ ដើម្បី​ប្រមើល​មើល​ពី​លទ្ធភាព​នៃ​ការ​ធ្លាក់ចុះ​នៃ​សេដ្ឋកិច្ច​ពិភពលោក​ និង​ដើម្បី​ធានា​សន្ទុះ​កំណើន​សេដ្ឋកិច្ច​របស់​ឥណ្ឌូ​នេ​ស៊ី​”។

ការកាត់បន្ថយ​អត្រា​ការប្រាក់​របស់​ធនាគារ​កណ្តាល​នេះ​ បាន​ធ្វើ​ឱ្យ​មានការ​ភ្ញាក់ផ្អើល​ ព្រោះ​ខ្លួន​បាន​ទម្លាក់​អត្រា​ការប្រាក់​រួចហើយ​នៅក្នុង​ខែ​ កក្កដា​ បន្ទាប់ពី​ការ​ធ្លាក់ចុះ​សេដ្ឋកិច្ច​រយៈពេល​ពីរ​ឆ្នាំ​ដែល​បាន​បង្ហាញថា​ អត្រាកំណើន​ផលិតផល​ក្នុង​ស្រុក​សរុប​នៅ​ត្រីមាស​ទី២ធ្លាក់ចុះ​ដល់៥.០៥​ ភាគរយ​។

លោក​ Warjiyo​ បាន​បន្ថែម​ថា​ “ការកាត់បន្ថយ​អត្រា​ការប្រាក់​ទាំងពីរ​ គឺ​សំដៅ​ជំរុញ​តម្រូវការ​ហិរញ្ញប្បទាន​ពីសា​ជីវកម្ម​ និង​គ្រួសារ​។ ការកាត់បន្ថយ​អត្រា​ការប្រាក់​នឹង​កាត់បន្ថយ​ការ​ចំណាយ​របស់​ក្រុមហ៊ុន​ និង​បង្កើន​ការ​វិនិយោគ​ ដូច្នេះហើយ​វា​ជំរុញ​ឱ្យ​មាន​កំណើន​”។

ប្រទេស​ថៃ​ កូរ៉េ​ខាងត្បូង​ ហ្វីលីពីន​ ម៉ាឡេស៊ី​ នូវែ​លសេ​ឡង់​ និង​ឥណ្ឌា​បាន​កាត់បន្ថយ​អត្រា​ការប្រាក់​ផង​ដែរ​ ដើម្បី​ជំរុញ​សេដ្ឋកិច្ច​ដែល​កំពុង​ធ្លាក់ចុះ​ ដែល​ពឹងផ្អែក​យ៉ាង​ខ្លាំង​ទៅលើ​ពាណិជ្ជកម្ម​ជាមួយ​ចិន​។

តាមរយៈ​ការ​ទម្លាក់​អត្រា​ការប្រាក់​ ធនាគារ​កណ្តាល​គ្រោង​ទាំងនេះ​នឹង​ជះឥទ្ធិពល​ដល់​ធនាគារពាណិជ្ជ​កម្ម​ នៅក្នុង​ប្រទេស​របស់​ខ្លួន​ ក្នុង​ការ​ផ្តល់​ប្រាក់កម្ចី​ក្នុង​អត្រា​ទាប​ និង​ជំរុញ​ឱ្យ​ខ្ចី​កាន់តែ​ច្រើន​ ដើម្បី​បង្កើន​ចរាចរ​ប្រាក់​នៅក្នុង​សេដ្ឋកិច្ច​ខ្លួន​៕

LEAVE A REPLY

Please enter your comment!
Please enter your name here