ផ្សារហ៊ុន​អាមេរិក​ដាំ​ក្បាល​ចុះ​ បន្ទាប់ពី​ប្រធានាធិបតី​អាមេរិក​ដំឡើងថ្លៃ​ពន្ធ​ហើយ​បញ្ជា​ឲ្យ​ក្រុមហ៊ុន​អាមេរិក​ចាកចេញ​ពី​ចិន​

0

ដោយ​ Donald​ Lee​

ភ្នំ​ពេញៈ​ ទីផ្សារ​អាមេរិក​បាន​ដួល​រលំ​កាលពី​ថ្ងៃសុក្រ​ បន្ទាប់ពី​ប្រធានាធិបតី​អាមេរិក​លោក​ Donald​ Trump​ បាន​ប្រកាស​ដំឡើង​ពន្ធ​លើ​ទំនិញ​ចិន​ទាំងអស់​ និង​បាន​បញ្ជា​ឱ្យ​ក្រុមហ៊ុន​អាមេរិក​ទាំងអស់​ចាកចេញ​ពី​ប្រទេស​ចិន​។

ក្រុមហ៊ុន​ Dow​ Jones​ Industrial​ Average​ ក្រុមហ៊ុន​ S&​P 500​ និង​ក្រុមហ៊ុន​ Nasdaq​ Composite​ ធ្លាក់ចុះ​ជាង​ពីរ​ភាគរយ​កាលពី​ថ្ងៃសុក្រ​ បន្ទាប់ពី​ការ​សរសេរ​លើ​បណ្តាញ​សង្គម​របស់​លោក​ Trump​។

ភាគហ៊ុន​របស់​ក្រុមហ៊ុន​បច្ចេកវិទ្យា​យក្ស​ Apple​ Inc​ បាន​ធ្លាក់ចុះ​ជិត៥ភាគរយ​ ដោយសារតែ​ការពឹងផ្អែក​លើ​ខ្សែ​សង្វាក់​ផ្គត់ផ្គង់​ដែល​មាន​មូលដ្ឋាន​នៅ​ចិន​។

លោក​ Trump​ បាន​សរសេរ​នៅ​លើ​ប្រព័ន្ធ​ផ្សព្វផ្សាយ​សង្គម​ Twitter​ ថា​ “ប្រទេស​របស់​យើង​បាន​ខាតបង់​រាប់ពាន់​លាន​ដុល្លារ​ជាមួយ​ចិន​ អស់​រយៈពេល​ជាច្រើន​ឆ្នាំ​។ ពួកគេ​បាន​លួច​កម្មសិទ្ធិ​បញ្ញា​របស់​យើង​ ក្នុង​អត្រា​រាប់​រយ​លាន​ដុល្លារ​ក្នុង​មួយឆ្នាំ​ ហើយ​ពួកគេ​ចង់​បន្ត​ទៀត​”។

លោក​ Trump​ បាន​សរសេរ​ថា​ “ខ្ញុំ​នឹង​មិន​អនុញ្ញាត​ឱ្យ​រឿង​នោះ​កើតឡើង​ទេ​! យើង​មិន​ត្រូវការ​ចិន​ទេ​” ។

លោក ​Trump​ បាន​បញ្ជា​ឱ្យ​ដំឡើង​ពន្ធគយ​ពី២៥ភាគរយ​ ទៅ៣០ភាគរយ​សម្រាប់​ទំនិញ​ចិន​ដែល​មានតម្លៃ២៥០ពាន់​លាន​ដុល្លារ​ និង​ដាក់​ពន្ធ៥ភាគរយ​លើ​កញ្ចប់​ទំនិញ​ផ្សេងទៀត​ មានតម្លៃ​ចាប់ពី៣០០ពាន់​លាន​ដុល្លារ​ ស្មើនឹង១៥ភាគរយ​ បន្ទាប់ពី​ចិន​បាន​ប្រកាស​ពន្ធ​ថ្មី​លើ​ទំនិញ​អាមេរិក​។

ការដំឡើង​ពន្ធ​របស់​ចិន​លើ​ទំនិញ​អាមេរិក​កើតឡើង​ បន្ទាប់ពី​មានការ​ព្រមាន​ម្តង​ហើយ​ម្តង​ទៀត​ថា​ នឹង​សងសឹក​ ប្រសិនបើ​អាមេរិក​ដាក់​ពន្ធ​ថ្មី​លើ​ទំនិញ​ចិន​ ដែល​មានតម្លៃ៣០០ពាន់​លាន​ដុល្លារ​៕

LEAVE A REPLY

Please enter your comment!
Please enter your name here