មន្ត្រី​ពន្ធដារ៖ ការយកពន្ធ​លើដី​មិន​ប្រើប្រាស់ គឺ​ទប់ស្កាត់​កុំឱ្យ​ទិញ​ដី​ទុក​រង់ចាំ​ដី​ឡើងថ្លៃ

0

ដោយ ​វុត្ថា

ភ្នំពេញៈ មន្ត្រី​ពន្ធដារ​កម្ពុជា​បានឱ្យដឹងថា ការបង្កើតឱ្យមាន​ពន្ធ​លើ​ដីធ្លី​មិនបាន​ប្រើប្រាស់ គឺ​ក្នុង​គោលបំណង​ក្នុងការ​ទប់ស្កាត់​គ្រប់​រូបភាព លើ​ទិញ​ដី​ទុក​រងចាំ​ដី​ឡើងថ្លៃ ហើយ​លក់​ក្នុង​តម្លៃលើស និង​ជំរុញ​ការប្រើប្រាស់​ដីធ្លី នៅក្នុង​ប្រទេស​ឱ្យ​សមស្រប​ទៅនឹង​ការអភិវឌ្ឍន៍​សេដ្ឋកិច្ច។

- Video Advertisement -

លោក​រស់ សារ៉ាក់ ប្រធានការិយាល័យ​ពន្ធ​អចលនទ្រព្យ បានឱ្យដឹង​នៅក្នុង​កម្មវិធី “ពន្ធដារ​កម្ពុជា” ស្តីពី​ព​លើ​ដីធ្លី​មិនបាន​ប្រើប្រាស់​កាលពីពេលថ្មីៗនេះ​ឱ្យដឹងថា ពន្ធ​នេះ​កំណត់​លើដី​ដែល​គ្មាន​សំណង់ និង​ដី​ដែលមាន​សំណង់​បោះបង់​នេះ គឺមាន​វិសាលភាព​នូវ​ទូទាំងប្រទេស ដែល​ស្ថិតនៅក្នុង​ខេត្ត​ក្រុង និង​រាជធានី ពាក់ព័ន្ធ​នឹង​ដី​ដែល​គ្មាន​សំណង់។

លោក​បន្តថា “នៅពេលដែល​យើង​បោះបង់​ដី ដោយ​មិនបាន​ប្រើប្រាស់​ដែល​ត្រូវបាន​កំណត់ ដោយ​គណៈកម្មការ​វាយតម្លៃ​ដី​មិនបាន​ប្រើប្រាស់ ស្របតាម​សេចក្តីប្រកាស​របស់​អគ្គ​នាយកដ្ឋាន​ពន្ធដារ ហើយ​មិនបាន​បង់ពន្ធ​តាម​ពេលវេលា​កំណត់ នឹងត្រូវ​មានទោស​ទណ្ឌ និង​ការផាកពិន័យ​ទៅតាម​ច្បាប់​ពន្ធដារ​រប​ស់​កម្ពុជា” ។

លោក​បន្តថា ពន្ធ​ដីធ្លី​លើដី​មិនបាន​ប្រើប្រាស់ ត្រូវ​បង់​ដោយ​កម្មសិទ្ធិករ។ មូលដ្ឋាន​កំណត់​ពន្ធ​គឺជា​ថ្លៃ​ដី គិត​តាម​ថ្លៃ​ទីផ្សារ​តាម​ទីក្រុង និង​តាម​តំបន់នីមួយៗ ដែល​វាយតម្លៃ​ទៅតាម​តម្លៃ​គិត ក្នុង​មួយ​ម៉ែត្រក្រឡា​កំណត់ ដោយ​គណៈកម្មការ​វាយតម្លៃ​ដី មិនបាន​ប្រើប្រាស់​យ៉ាង​យឺត​បំផុត នៅ​ថ្ងៃទី៣០ ខែមិថុនា នៃ​ឆ្នាំ​ប្រមូល​ពន្ធ។

យោងតាម​ច្បាប់​ពន្ធដារ​កម្ពុជា​បង្ហាញថា ពន្ធ​នេះ​ត្រូវ​កំណត់​តាម​អត្រា២%លើ​មូលដ្ឋាន​កំណត់​ពន្ធ ដែល​បានចែង​ក្នុង​មាត្រា៣។ កម្មសិទ្ធិករ​នៃ​ដីធ្លី​ជាប់ពន្ធ​មាន​ភារកិច្ច​ត្រូវ​គណនា​ប្រាក់​ពន្ធ តាម​គំរូ​លិខិត​ប្រកាស​ផ្តល់​ដោយ​អង្គការ​ពន្ធ និង​ត្រូវ​បង់​យ៉ាង​យឺត​បំផុត​នៅ​ថ្ងៃទី៣០ ខែកញ្ញា​នៃ​ឆ្នាំនីមួយៗជូនទៅ​ផ្នែក​ពន្ធ នៅ​កន្លែង​ដែល​ដីធ្លី​ជាប់ពន្ធ​ស្ថិតនៅ។ ដីធ្លី​ជាប់ពន្ធ នីមួយៗត្រូវធ្វើ​លិខិត​ប្រកាស១ច្បាប់៕

-Video Advertisement -

LEAVE A REPLY

Please enter your comment!
Please enter your name here