រដ្ឋាភិបាលកម្ពុជាពិភាក្សាស៊ីជម្រៅជាមួយឯកអគ្គរដ្ឋទូតសហភាពអឺរ៉ុបពីបញ្ហា EBA

0

ដោយ ៖ រ៉ាណេត

ភ្នំពេញ ៖ រដ្ឋាភិបាលកម្ពុជា តាមរយៈក្រសួងការរទេស និងសហប្រតិបត្តិការអន្តរជាតិ បានជួបជជែកពិភាក្សាស៊ីជម្រៅ ជាមួយឯកអគ្គរដ្ឋទូតសហភាពអឺរ៉ុបប្រចាំនៅកម្ពុជា ក្នុងគោលដៅពង្រឹងភាពជាដៃគូយ៉ាងជិតស្និទ្ធ ជាពិសេសពិភាក្សាទៅលើបញ្ហា EBA នៅកម្ពុជា។

បន្ទាប់ពីចប់ជំនួបពិភាក្សាកាលពីព្រឹកថ្ងៃទី៨ ខែវិច្ឆិកា ឆ្នាំ២០១៩នេះ អ្នកនាំពាក្យក្រសួងការបរទេស និងសហប្រតិបត្តិការអន្តរជាតិ លោកកុយ គួងបានមានប្រសាសន៍ប្រាប់បណ្តាអ្នកសារព័ត៌មានថា លោកស្រីកាមែន ម៉ូរីណូ (Carmen Moreno) ឯក​អគ្គរដ្ឋទូតសហភាពអឺរ៉ុប បានជំរាបជូនលោកឧបនាយករដ្ឋមន្ត្រីថា លោកស្រីនឹងបន្តពង្រឹងភាពជាដៃគូជាមួយកម្ពុជា ហើយអ្វីដែលសហភាពអឺរ៉ុបមាន និងបន្តអនុវត្តបន្តទៀត។

លោកស្រីឯកអគ្គរដ្ឋទូតសហភាពអឺរ៉ុប បានកោតសរសើរពីកម្ពុជាមានការរីកចម្រើនខ្លាំងទាំងសេដ្ឋកិច្ច និងសង្គម។

លោកបានបន្តទៀតថា “សហភាពអឺរ៉ុបនៅតែបន្តជាដៃគូអភិវឌ្ឍនៅកម្ពុជា ជំនួយអភិវឌ្ឍសហភាពអឺរ៉ុបបានផ្តល់មកកម្ពុជា នាពេលកន្លងមកមានចំនួនប្រមាណ៧០០លានដុល្លារ និងផ្តល់ជំនួយដល់សាលាក្តីខ្មែរក្រហមប្រមាណ២០លានដុល្លារ”។

លោកកុយ គួងបានបន្តទៀតថា “អ្វីដែលសំខាន់ លោកស្រីឯកអគ្គរដ្ឋទូតសហភាពអឺរុប បានសន្យាបន្តជម្រុញធុរកិច្ចអឺរ៉ុប ចូលមកបណ្តាក់ទុនវិនិយោគនៅកម្ពុជាឱ្យបានច្រើន បន្តសហការផ្នែកសេដ្ឋកិច្ច ពាណិជ្ជកម្ម ទេសចរណ៍ និងវិស័យផ្សេងៗទៀត”។

អ្នកនាំក្យក្រសួងការបរទេសរូបនេះបានបញ្ជាក់ថា នៅក្នុងជំនួបនោះ ភាគីទាំងពីរបានពិភាក្សាពីEBA ហើយលោកស្រីត្រៀមសហការជាមួយកម្ពុជា ទាក់ទងនឹងបញ្ហា EBA ព្រោះគណៈកម្មាធិការសហភាពអឺរ៉ុប បានសហការជាមួយរាជរដ្ឋាភិបាលកម្ពុជា ពិភាក្សាលើករណី EBA សេចក្តីសម្រេចណាមួយនឹងចេញលទ្ធផលនៅពេលខាងមុខ៕

LEAVE A REPLY

Please enter your comment!
Please enter your name here