រដ្ឋាភិបាលសម្រេចអនុម័តលើគម្រោងវិនិយោគចំនួន៣ មានទំហំទឹកប្រាក់ជិត៩លានដុល្លារ

0

ដោយ​ ៖ រ៉ា​ណេត​

ភ្នំពេញ​ ៖ យើង​តាម​សំណើសុំ​វិនិយោគ​របស់​ក្រុមហ៊ុន​ចំនួន៣​ ដែល​មាន​ទំហំ​ទឹកប្រាក់​វិនិយោគ​សរុប​ចំនួន​ជិត​ ៩លាន​ដុល្លារ​សហរដ្ឋអាមេរិក​ និង​ផ្តល់​ឱកាស​ការងារ​បាន​ចំនួន​ ៣៤៤៨នាក់​ ស្ថិតនៅ​ខេត្ត​ ក្រុង​ ផ្សេងគ្នា​ រួមមាន​ខេត្តកណ្តាល​ កំពង់ស្ពឺ​ និង​រាជធានី​ភ្នំពេញ​ គណៈកម្មាធិការ​វិនិយោគ​កម្ពុជា​នៃ​ក្រុមប្រឹក្សា​អភិវឌ្ឍន៍​កម្ពុជា​ បានសម្រេច​ចេញ​វិញ្ញា​បន​ប័ត្រ​ចុះបញ្ជី​ជាស្ថាពរ​ ជូន​ដល់​ក្រុមហ៊ុន​ដូច​ខាងក្រោម​៖

១.“QUAN​ MING​ HANDBAG​ (CAMBODIA​) INDUSTRIAL​ CO​., LTD​.” គម្រោង​បង្កើត​រោងចក្រ​ផលិត​កាបូប​គ្រប់​ប្រភេទ​ ដែល​មាន​ទីតាំង​វិនិយោគ​ស្ថិតនៅ​ផ្លូវជាតិ​លេខ៦​ ភូមិ​ឬស្សី​ជ្រោយ​ ឃុំ​ឬស្សី​ជ្រោយ​ ស្រុក​មុខកំពូល​ ខេត្តកណ្តាល​ មាន​ទុន​វិនិយោគ​ប្រមាណ​ ៣លាន​ដុល្លារ​អាមេរិក​ និង​អាចប​ង្កើត​ការងារ​បាន​ចំនួន​ ១.២៤៤នាក់​។

២.“GD​ NEW​ SKY​ LEATHER​ PRODUCTS​ CO​., LTD​.” គម្រោង​បង្កើត​រោងចក្រ​ផលិត​កាបូប​ និង​ខ្សែក្រវាត់​ ដែល​មាន​ទីតាំង​វិនិយោគ​ស្ថិតនៅ​ភូមិ​ព្រៃ​ថ្កូវ​ ឃុំ​ព្រះ​និ​ព្វា​ន្ត​ ស្រុក​គងពិសី​ ខេត្ត​កំពង់ស្ពឺ​ មាន​ទុន​វិនិយោគ​ប្រមាណ​ ៣,៨លាន​ដុល្លារ​អាមេរិក​ និង​អាចប​ង្កើត​ការងារ​បាន​ចំនួន​ ១.៥០៦នាក់​។

៣.“TAO​ AND​ KIVEN​ GARMENT​ CO​., LTD​.” គម្រោង​បង្កើត​រោងចក្រ​កាត់ដេរ​សម្លៀកបំពាក់​ ដែល​មាន​ទីតាំង​វិនិយោគ​ស្ថិតនៅ​ភូមិ​កន្ទោក​ជើង​ សង្កាត់​កន្ទោក​ ខណ្ឌ​ពោធិ៍​សែន​ជ័យ​ រាជធានី​ភ្នំពេញ​ មាន​ទុន​វិនិយោគ​ប្រមាណ​ ២លាន​ដុល្លារ​អាមេរិក​ និង​អាចប​ង្កើត​ការងារ​បាន​ចំនួន​ ៦៩៨នាក់​។

 

LEAVE A REPLY

Please enter your comment!
Please enter your name here