រាជរដ្ឋាភិបាល​លើកលែង​ពន្ធ​សម្រាប់​វិស័យ SME រយៈពេល ៣ឆ្នាំ ទៅ ៥ឆ្នាំ

0

ភ្នំពេញ៖ រាជរដ្ឋាភិបាល​កំណត់​ការអនុគ្រោះ​លើកលែង​ពន្ធ លើ​ប្រាក់ចំណូល​ចំពោះ​វិស័យ SME ចំនួន ៣ឆ្នាំទៅ ៥ឆ្នាំ ចំពោះ​សហគ្រាស​ប្រើ​វត្ថុធាតុដើម​ក្នុងស្រុក ចាប់ពី ៦០%ឡើង និង​ការបង្កើន​ចំនួន​និយោជិត​បន្ថែម​យ៉ាងតិច ២០% ឬ​មាន​ទីតាំង​ក្នុង​តំបន់​ប្រមូលផ្តុំ​សហគ្រាស​ធុន​តូច និង​មធ្យម។

នៅក្នុង​សិក្ខាសាលា​ផ្សព្វផ្សាយ​អនុក្រឹត្យ​ស្តីពី “ការលើកទឹកចិត្ត​ផ្នែក​ពន្ធដារ​ស​ម្រា ប់​សហគ្រាស​ធុន​តូច និង​មធ្យម​ក្នុង​វិស័យ​អាទិភាព” នៅ​ថ្ងៃទី៨ ខែមករា ឆ្នាំ២០១៩ ដែល​ដឹកនាំ​កិច្ចប្រជុំ​ដោយ​ឯកឧត្តម ផាន់ ផល្លា អនុរដ្ឋលេខាធិការ​ក្រសួង​សេដ្ឋកិច្ច និង​ហិរញ្ញវត្ថុ​បាន​ឲ្យ​ដឹងថា សិក្ខាសាលា​នេះ​មាន​គោលបំណង​សំខាន់ គឺ​ការផ្សព្វផ្សាយ​ឱ្យ​សាធារណៈជន ជាពិសេស​ម្ចាស់​សហគ្រាស​ធុន​តូច និង​មធ្យម​បាន​ជ្រាប​ជា​ព័ត៌មាន និង​អាច​ចាប់យក​នូវ​អត្ថប្រយោជន៍​ពី​ការលើកទឹកចិត្ត​ផ្នែក​ពន្ធដារ ដែល​រាជរដ្ឋាភិបាល​បានដាក់​ចេញ​នេះ ដើម្បី​លើកកម្ពស់​ការអភិវឌ្ឍ​ន៍​សហគ្រាស​ធុន​តូច និង​មធ្យម (SMEs) ដែលជា​ចលករ​មួយ​ដ៏​សំខាន់ ក្នុងការ​អភិវឌ្ឍ​វិស័យសេដ្ឋកិច្ច បង្កើត​ការងារ​បន្ថែម​និង​បង្កើន​សមត្ថភាព​ផលិតកម្ម​ក្នុងស្រុក។

- Advertisement -

ឯកឧត្តម​បន្តថា វិស័យ​អាទិភាព​សម្រាប់​ផ្តល់​ការលើកទឹកចិត្ត​ផ្នែក​ពន្ធដារ រួមមាន ផលិតផល​កសិកម្ម ឬ​ក​សិ-ឧស្សាហកម្ម ផលិត និង​កែច្នៃ​ម្ហូបអាហារ កម្មន្តសាល​ដែល​ផលិត​ទំនិញប្រើប្រាស់​ក្នុងស្រុក កែច្នៃ​កាកសំណល់ និង​ផលិត​ទំនិញ​សម្រាប់​វិស័យ​ទេសចរណ៍ ផ្នែក​កម្មន្តសាល​ដែល​ផលិត​នូវ​ផលិតផល​សម្រេច​ឬ​គ្រឿង​បង្គុំ ដើម្បី​ផ្គត់ផ្គង់​ឱ្យ​កម្មន្តសាល​ដទៃទៀត ការស្រាវជ្រាវ និង​អភិវឌ្ឍ​បច្ចេកវិទ្យា​ព័ត៌មាន រួមទាំង​ការផ្គត់ផ្គង់​សេវា​គ្រប់គ្រង​តាម​ប្រព័ន្ធ​បច្ចេកវិទ្យា​ព័ត៌មាន ដែលមាន​លក្ខណៈ​នវានុវត្តន៍ និង​សហគ្រាស​ដែល​ស្ថិតក្នុង​តំបន់​ប្រមូលផ្តុំ និង​ជា​សហគ្រាស​ដែល​អភិវឌ្ឍ​តំបន់​នោះ។

Advertisement

សហគ្រាស​ធុន​តូច និង​មធ្យម ដែល​បាន​រៀបរាប់​ខាងលើ អាច​ទទួលបាន​នូវ​ការលើកទឹកចិត្ត ក្នុងនោះ​ការលើកលែង​ពន្ធ​លើ​ប្រាក់ចំណូល​ចំនួន៣ឆ្នាំ និង​ការលើកលែង​ពន្ធ​លើ​ប្រាក់ចំណូល​រយៈពេល៥ឆ្នាំ ដោយ​គិត​ចាប់ពី​ថ្ងៃ​ដែល​ចុះបញ្ជី​ពន្ធដារ​សម្រាប់ សហគ្រាស​ចុះបញ្ជី​ថ្មី ឬ​ចាប់​ពីថ្ងៃ​ដែល​សហគ្រាស​មក​ធ្វើ​បច្ចុប្បន្ន​កម្ម សម្រាប់​សហគ្រាស​ដែល​បាន​ចុះបញ្ជី​ពន្ធដារ​រួច​ដូចគ្នា។ ការលើកលែង​ការបង់ប្រាក់​រំដោះ​ពន្ធ​លើ​ប្រាក់ចំណូល និង​ពន្ធ​អ​ប្បរមា ក្នុង​រយៈពេល​លើកលែង​ពន្ធ​លើ​ប្រាក់ចំណូល រួមជាមួយ​ការលើកទឹកចិត្ត​ចំណាយ​ដែល​អាច​កាត់កង​បាន​ដូចជា ការអនុញ្ញាត​កាត់កង​ចំណាយ ២០០% ចំពោះ​ចំណាយ​លើ​ការប្រើប្រាស់​បញ្ជីរ​គណនេយ្យ តាម​ប្រព័ន្ធ​បច្ចេកវិទ្យា​ព័ត៌មាន ការអនុញ្ញាត​កាត់កង​ចំណាយ២០០% ចំពោះ​ចំណាយ​លើ​ការបណ្តុះបណ្តាល ការ​កាន់​បញ្ជី​គណនេយ្យ និង​អនុញ្ញាត​កាត់កង​ចំណាយ១៥០% ចំពោះ​ចំណាយ​វិនិយោគ​លើ​ម៉ាស៊ីន ឬ​ឧបករណ៍​បច្ចេកវិទ្យា ដែលមាន​លក្ខណៈ​នវានុវត្តន៍ សម្រាប់​បម្រើ​និង​លើកកម្ពស់​ផលិតភាព​ផលិតកម្ម៕

- Advertisement -

- Advertisement -

LEAVE A REPLY

Please enter your comment!
Please enter your name here