រោងចក្រ​ផលិត​ថាមពល​អគ្គិសនី​តម្លៃ​ ៣៨០លាន​ដុល្លារ​ចាប់ផ្តើម​ចុះហត្ថលេខា​សាងសង់​ហើយ​

0

ដោយៈ​ រ៉ា​ណេត​

ភ្នំ​ពេញៈ​ ស្រប​ទៅ​នឹង​គម្រោងការ​របស់​រាជរដ្ឋាភិបាល​ ក្នុង​ការ​ផ្គត់ផ្គង់​ថាមពល​អគ្គិសនី​ឱ្យ​កាន់តែ​ល្អ​ប្រសើរ​ អាជ្ញាធរ​អគ្គិសនី​កម្ពុជា​ EDC​ បាន​ចុះហត្ថលេខា​ព្រមព្រៀង​ក្នុង​ការ​ចាប់ផ្តើម​សាងសង់​ រោងចក្រ​ផលិត​ថាមពល​អគ្គិសនី​ដើរ​ដោយ​ចំហេះ​ ក្នុង​មានលទ្ធភាព​ផលិត​បាន៤០០មេ​ហ្គា​វ៉ា​ត ស្ថិតនៅ​ក្នុង​ស្រុក​ល្វាឯម​ ខេត្តកណ្តាល​។

នៅក្នុង​កិច្ច​ព្រមព្រៀង​ចាប់ផ្តើម​ដំណើរការ​សាងសង់​ រោងចក្រ​ផលិ​តង​ថាមពល​អគ្គិសនី​ ដែល​ស្ថិតនៅ​ក្នុង​ភូមិសាស្ត្រ​ខាងលើ​នេះ​ បានសម្រេច​ផ្តល់​សិទ្ធិ​ទៅ​ឱ្យ​ក្រុមហ៊ុន​ចិន​ចំនួន២ផ្សេងគ្នា​ ដែល​ក្នុង​នោះ​រោងចក្រ​ទី១​ មានលទ្ធភាព​ផលិត​បាន២០០មេ​ហ្គា​វ៉ាត់​ នាំចូល​ពី​ប្រទេស​ហ្វាំងឡង់​ និង​សាងសង់​ដោយក្រុម​ហ៊ុន​ចិន​ China​ Gezhouba​ Group​ Corporation​ ។ រោងចក្រ​ទី២​ ដែល​មានលទ្ធភាព​ផលិត​បាន​ថាមពល២០០មេ​ហ្គា​វ៉ាត់​ដូចគ្នា​ នាំ​ចូ​លម​កពញប្រ​ទេស​អាល្លឺម៉ង់​ សាងសង់​ដោយក្រុម​ហ៊ុន​ចិន​ China​ National​ Heavy​ Machinery​ Corporation​។

លោក​ កែវ​ រតនៈ​ អគ្គនាយក​នៃ​អគ្គិសនី​កម្ពុជា​ បាន​មានប្រសាសន៍​ក្នុង​ពិធី​ចុះហត្ថលេខា​កាលពី​ថ្ងៃទី១១​ មិថុនា​ម្សិល​ម៉ិញ​នេះ​ថា​ គម្រោង​សាងសង់​រោងចក្រអគ្គិសនី​ ដែល​ដើរ​ដោយ​ចំហេះ​នេះ​ មាន​អនុភាព​ផលិត​បាន​ថាមពល​ទំហំ ៤០០មេ​ហ្គា​វ៉ាត់​ ដោយ​គ្រោង​ចំណាយ​ថវិកា​វិនិយោគ​ប្រមាណ៣៨០លាន​ដុល្លារ​អាមេរិក​។ រោងចក្រ​នេះ​ គ្រោង​បញ្ចប់​ការសាងសង់​ និង​ដាក់ឲ្យ​ដំណើរការ​ផលិត​ថាមពល​ក្នុងរយៈពេល១០ខែ​ បន្ទាប់ពី​កិច្ច​ព្រមព្រៀង​សាងសង់​ត្រូវ​បាន​ចុះ​ហេ​ត្ថ​លេខា​រួចរាល់​។

ការអភិវឌ្ឍន៍​វិស័យ​អគ្គិសនី​នា​ពេល​បច្ចុប្បន្ន​ កម្ពុជា​មាន​ខ្សែ​បញ្ជូន​សម្រាប់​ការ​ផ្គត់ផ្គង់​នៅ​តាម​ភូមិ​បាន​ចំនួន៨១ភាគរយ​នៅ​ទូទាំង​ប្រទេស​។ ចំណែក​ផ្ទះ​ប្រជាជន​ ដែល​បាន​តភ្ជាប់​អគ្គិសនី​ បាន​កើន​ដល់​ចំនួន​ជាង៦៨ភាគរយ​ និង​មាន​ផែនការ​បញ្ចុះ​ថ្លៃ​អគ្គិសនី​ចាប់ពី​ឆ្នាំ​ ២០១៥​-២០២០​ ហើយ​នៅ​ឆ្នាំ២០២០គ្រប់​ភូមិ​ទាំងអស់​ នៅ​ទូទាំង​ប្រទេស​នឹង​មាន​ខ្សែភ្លើង​ទៅដល់​ ហើយ៧៥ភាគរយ​នៃ​លំនៅ​ដ្ឋាន​ទូទាំង​ប្រទេស​ នឹង​មាន​ភ្ជាប់​អគ្គិសនី​ប្រើប្រាស់​៕

LEAVE A REPLY

Please enter your comment!
Please enter your name here