លោកជំទាវ​លឹម​ ឈី​វហូប្រាប់​ពី​វិធីសាស្ត្រ​បង្កើន​ទ្រព្យ​

0

ដោយ​ គង់​ សូ​រិយា​

​ភ្នំ​ពេញៈ​ លោកជំទាវ​លឹម​ ឈី​វហូ​អគ្គនាយក​ក្រុម​ហ៊ុន​អ៊ែ​តវូដ​គ្រុប​បាន​បង្ហើប​ពី​វិធី​សាស្រ្ត​បង្កើន​ទ្រព្យ​ ក្នុង​វិស័យ​អចលនទ្រព្យ​ដល់​ប្រជាពលរដ្ឋ​ខ្មែរ​ ខណៈ​វិស័យ​នេះ​កំពុង​មាន​ភាព​រីកចម្រើន​។

លោកជំទាវ​ធ្លាប់​បាន​មានប្រសាសន៍​ឲ្យដឹង​ថា​ ក្នុង​ពេល​ដែល​វិស័យ​សំណង់​និង​អចលនទ្រព្យ​កំពុង​រីកចម្រើន​បែបនេះ​ ប្រជាពលរដ្ឋ​ខ្មែរ​អាច​បង្កើន​ទ្រព្យ​តាមរយៈ​ការទិញ​ដី​ឡូត៍​ ឬទិញ​ផ្ទះល្វែង​ ដោយសារ​បច្ចុប្បន្ន​ អ្នក​អភិវឌ្ឍន៍​បុរី​នានា​មិនបាន​តម្រូវឲ្យ​បង់ប្រាក់​កក់​នោះ​ទេ​ ហេតុនេះ​ប្រជាពលរដ្ឋ​ ជា​អ្នកធ្វើការ​អាច​សន្សំ​បង់លុយ​បង់​រំលស់​ រយៈពេល៥ទៅ១០ឆ្នាំ​ ពួកគាត់​នឹងអាច​សន្សំ​លុយ​បាន​យក​ទៅ​វិនិយោគ​បន្ថែម​ហើយ​។

លោកជំទាវ​លឹម​ ឈី​វហូបា​នប​ន្ត​ថា​ អ្នកធ្វើការ​ដែល​មាន​ប្រាក់ខែ៥០០ដុល្លារ​ បូក​ជាមួយ​ប្តី​ឬប្រព​ន្ឋ​បាន៣០០បន្ថែម​ទៀត​ ពួកគេ​អាច​សន្សំ​លុយ​បង់​រំលស់​បាន​ហើយ​។ ភ្លេច​ៗខ្លួន​ ពួកគេ​បាន​លុយដុំ​ សំរាប់​ពង្រីក​ការ​វិនិយោគ​ ព្រោះ​ពេល​បង់​ផ្ទះ​ឬដី​ឡូត៍​ចប់​តម្លៃ​ផ្ទះ​ និង​ដី​របស់​ពួកគេ​ឡើងថ្លៃ​ហើយ​អាច​លក់​ចេញ​ យក​លុយ​ទៅ​វិនិយោគ​បន្ត​បាន​។

លោកជំទាវ​បន្ត​ថា​ “សូម​ចាយវាយ​ត្បិតត្បៀត​ កុំ​ខ្ជះខ្ជាយ​ ព្រោះ​បើ​យើង​ចាយ​ត្បិតត្បៀត​ យើង​អាច​សន្សំ​លុយ​បាន​ច្រើន​ និង​មាន​ឳកាស​វិនិយោគ​ផ្ទះ​ឬដី​ឡូត៍​ ដើម្បី​ស្វែងរក​ផល​ចំណេញ​បាន​ ព្រោះ​គ្មាន​អ្នកណា​កើតមាន​មានស្រាប់​ច្រើន​នោះ​ទេ​ ម្នា​ក់់ៗ​បាន​លុយ​មក​ពី​ការ​សន្សំ​និង​ចាយវាយ​ត្បិតត្បៀត​៕

LEAVE A REPLY

Please enter your comment!
Please enter your name here