លោក​គុយ​ វ៉ា​តប្រាប់​យុវជន​ធ្វើការ​ក្នុង​វិស័យ​អចលនទ្រព្យ​កុំ​គិត​ខ្លី​តែ​ត្រូវ​គិត​ពី​ផលប្រយោជន៍​រយៈពេល​វែង​

0

ដោយ​ គង់​ សូ​រិយា​

ភ្នំ​ពេញៈ​ អគ្គនាយក​ក្រុមហ៊ុន​ VTRUST​ GROUP​ ដែល​មាន​ក្រុមហ៊ុន​ក្នុង​ដៃ​ជាង១០​ លោក​គុយ​ វ៉ា​តបាន​ប្រាប់​យុវជន​កុំ​គិត​ពី​ផលប្រយោជន៍​រយៈពេល​ខ្លី​ តែ​ត្រូវ​ប្រកាន់យក​ភាព​ស្មោះត្រង់​ ដើម្បី​ទទួល​បានផល​ប្រយោជន៍​រយៈពេល​វែង​។

លោក​បាន​មានប្រសាសន៍​ឲ្យដឹង​កាលពី​ពេល​ថ្មី​ៗនេះ​ថា​ ក្នុង​វិស័យ​អចលនទ្រព្យ​ ត្រូវការ​យុវជន​ដែល​មាន​ឆន្ទះ​ មាន​ភាព​ស្មោះត្រង់​ និង​ផ្តោត​លើ​ការងារ​របស់​ពួកគេ​ដែល​ត្រូវ​ធ្វើ​ ដើម្បី​ទទួល​បាន​ជោគជ័យ​រយៈពេល​វែង​។លោក​បន្ត​ថា​ យុវជន​ ឬអ្នកធ្វើការ​ងារ​ក្នុង​វិស័យ​អចលនទ្រព្យ​ ត្រូវតែ​ស្វាហាប់​ ពិសេស​ត្រូវ​យក​ភាព​ស្មោះត្រង់​មក​ធ្វើជា​ស្នូល​ ទើប​អាច​ទទួល​បាន​ជោគជ័យ​ក្នុង​វិស័យ​នេះ​។

លោក​បន្ត​ថា​ “បើ​អ្នកធ្វើការ​ងារ​ក្នុង​វិស័យ​នេះ​ខិតខំ​ នឹងអាច​មានផ្ទះ​ល្អ​ និង​រថយន្ត​នៅ​រយៈពេល៥ឆ្នាំខាងមុខ​”។ លោក​បន្ត​ថា​ “នៅ​មាន​លុយ​ច្រើនណាស់​ក្នុង​វិស័យ​នេះ​ ដើម្បីឲ្យ​យើង​យក​ ហេតុនេះ​ការ​ប្រកាន់​ការងារ​ដែល​មានការ​អត់ធ្មត់​ធ្វើ​ដោយ​ឆន្ទះ​ពិតប្រាកដ​ យើង​នឹងអាច​រកលុយ​បាន​កាន់តែ​ច្រើន​”។

លោក​គុយ​ វ៉ា​តបាន​បន្ត​ទៀត​ថា​ យុវជន​មិន​គួរ​ផ្តោត​លើ​ការសិក្សា​លើ​មហាវិទ្យាល័យ​តែមួយមុខ​ទេ​ ប្រសិនជា​មិន​មាន​លទ្ឋ​ភាព​ និង​គោលដៅ​ច្បាស់លាស់​ គួរ​ចាប់់​យក​ជំនាញ​ ពិសេស​យក​ជំនាញ​ក្នុង​វិស័យ​អចលនទ្រព្យ​ ដែល​ត្រូវការ​សិក្សា​រយៈពេល​បី​ខែ​ទៅ ៦ខែ​ប៉ុណ្ណោះ​ គឺ​អាច​មាន​មូលដ្ឋាន​ចំណេះដឹង​ ដែល​អាច​រកលុយ​បាន​ហើយ​៕

LEAVE A REPLY

Please enter your comment!
Please enter your name here