លោក​ឧបនាយក​រដ្ឋមន្ត្រី ជា​ សុ​ផា​រ៉ា​ ចុះ​ពិនិត្យមើល​ផ្លូវ​ ៣៤ខ្សែ​ ក្នុង​ខេត្ត​ព្រះសីហនុ​ ដែល​គ្រោង​បើក​រដ្ឋា​ននៅ​ថ្ងៃទី១៦ខាងមុខ​

0

ដោយ ​វុត្ថា

​ខេត្ត​ព្រះសីហនុ​៖ ឧបនាយក​ដ្ឋ​មន្ត្រី​ ជា​ សុ​ផា​រ៉ា​ ​រដ្ឋមន្ត្រី​ក្រសួង​រៀបចំ​ដែនដី​នគរូបនីយកម្ម​ និង​សំណង់​ អមដំណើរ​ដោយ​ លោក​ គួច​ចំរើន ​អភិបាល​ នៃ​គណៈ​អភិបាលខេត្ត​ព្រះសីហនុ​ និង​មន្ត្រី​មន្ទីរ​ ជំនាញ​ចុះ​ពិនិត្យ​ស្ថានភាព​ផ្លូវ​ ៣៤ខ្សែ​ ក្នុង​ខេត្ត​ព្រះសីហនុ​ ។

ផ្លូវ​ទាំង ៣៤ខ្សែ​ ក្នុង​ខេត្ត​ព្រះសីហនុ​ នេះ​ គ្រោង​បើក​ការដ្ឋាន​ស្ថាបនា​ជា​ផ្លូវការ​នៅ​ថ្ងៃទី​ ១៦​ ខែវិច្ឆិកា​ ឆ្នាំ​ ២០១៩​ ខាងមុខនេះ​ ក្រោម​អធិបតីភាព​សម្តេច​តេជោ​ ហ៊ុន​ សែន​ នាយក​រដ្ឋមន្ត្រី​នៃ​កម្ពុជា​។

លោក​ឧបា​នយ​ករ​ដ្ឋ​មន្ត្រី​ ជា​ សុ​ផា​រ៉ា​ កាលពី​រសៀល​ថ្ងៃទី៥​ ខែវិច្ឆិកា​ ឆ្នាំ២០១៩​ ក៏​ចុះ​ពិនិត្យមើល​ផ្លូវ​ក្រ​វ៉ាត់​ក្រុង​ ចេញ​ពី​ព្រលា​នយន្តហោះ​អន្តរជាតិ​ ស្ថិត​ក្នុង​ឃុំ​រាម​ ស្រុក​ព្រៃនប់​ ខេត្ត​ព្រះសីហនុ​ រហូតដល់​ឆ្នេរ​រាម​ និង​បាន​បន្តដំណើរ​ពិនិត្យ​ផ្លូវ​នៅ​ភ្នំ​ជំទាវ​ម៉ៅ​ ចូល​មក​ក្រុង​ព្រះសីហនុ​ ។

លោក​ឧបនាយក​រដ្ឋមន្ត្រី​ក៏​បន្ត​ពិនិត្យមើល​ទីតាំង​រៀបចំ​ពិធី​បើក​ការដ្ឋាន​សាងសង់​ផ្លូវ​ទាំង ៣៤​ខ្សែ​ ដែល​គ្រោង​នឹង​បើក​កា​ដ្ឋាន​នៅ​ថ្ងៃទី១៦​ ខែវិច្ឆិកា​ ឆ្នាំ២០១៩​ ខាងមុខ​ក្រោម​អធិបតីភាព​សម្តេច​អគ្គមហាសេនា​បតី​តេជោ​ ហ៊ុន​ សែន​ នាយក​រដ្ឋមន្ត្រី​ នៃ​ព្រះរាជាណាចក្រ​កម្ពុជា​ផង​ដែរ​។

លោក​ឧបនាយក​រដ្ឋមន្ត្រី​ បាន​សរសេរ​នៅក្នុង​ហ្វេ​សបុ​កផ្លូវការ​របស់​ឯកឧត្តម​ យ៉ាង​ខ្លី​ ខណៈ​ចុះ​ពិនិត្យមើល​ផ្លូវ​ ៣៤ខ្សែ​ ក្នុង​ក្រុង​ព្រះសីហនុ​ នេះ​ “សូម​ចូលរួម​អបអរសាទរ​បងប្អូន​ប្រជាពលរដ្ឋ​ខេត្ត​ព្រះសីហនុ​” ។

លោក​ គួច​ ចំរើន​ អភិបាលខេត្ត​ព្រះសីហនុ​ ធ្លា​បបាន​បញ្ជាក់​ថា​ ការស្ថាបនា​នេះ​គ្រោង​ប្រើ​រយៈពេល៨ខែ​ប៉ុណ្ណោះ​ ដោយក្រុម​ហ៊ុន​ចំនួន៧​ ហើយនឹង​ធ្វើការ​ស្ថាបនា​ទាំងថ្ងៃទាំងយប់​តែម្តង​។

ក្នុង​ដំណាក់​កាល​សាង់​សង់​ផ្លូវ​នេះ​ដែរ​ កម្លាំងនគរបាល​ចរាចរណ៍​នៃ​ស្នងការ​ដ្ឋាន​នគរបាល​ខេត្ត​ព្រះសីហនុ​ និង​កំលាំង​នគរបាល​ចរាចរណ៍​មក​ពីអ​គ្គ​ស្នងការ​ដ្ឋាន​នគរបាល​ជាតិ​ជាច្រើន​នាក់​ ត្រូវ​បាន​ដាក់​ពង្រាយ​ដើម្បី​សម្រួល​ចរាចរណ៍​។

ជាមួយ​នេះ​ដែរ​ លោក​អភិបាល​ បាន​ស្នើ​ប្រជា​ពល​ទូទៅ​ជាពិសេស​អ្នក​រស់នៅ​តាម​ដងផ្លូវ​ទាំ៣៤ខ្សែផ្ទាល់​ សូម​សហការ​ជាមួយ​ក្រុមការងារ​ស្ថាបនា​ដើម្បី​ងាយស្រួល​ក្នុង​ការ​បំពេញការងារ​។

សម្តេច​តេជោ​ ហ៊ុន​ សែន​ នាយក​រដ្ឋមន្ត្រី​នៃ​កម្ពុជា​ កាលពី​ពេល​កន្លងទៅ​បាន​ទម្លាក់​កញ្ចប់​ថវិកាជាតិ​ប្រមាណ​ចំនួន​ ១០០ លាន​ដុល្លារ​អាមេរិក​ ដើម្បី​ស្ថាបនា​ឡើងវិញ​នូវ​ហេដ្ឋារចនាសម្ព័ន្ធ​សំ​ខាន់​ៗ នៅក្នុង​ក្រុង​នៃ​ខេត្ត​ព្រះសីហនុ​ បន្ទាប់ពី​ទទួលរង​នូវ​ការខូចខាត​ដោយសារ​ទឹកជំនន់​៕

LEAVE A REPLY

Please enter your comment!
Please enter your name here