សភា​ពាណិជ្ជកម្ម​ចិន​ប្រចាំ​នៅ​កម្ពុជា​ គ្រោង​បើក​ការិយាល័យ​បន្ថែម​នៅ​ខេត្ត​ព្រះសីហនុ​

0

ដោយ​ វុត្ថា​

ភ្នំពេញ​៖ ឯកអគ្គ​រដ្ឋទូត​ចិន​ប្រចាំ​កម្ពុជា​ បាន​អះអាង​ថា​ សភា​ពាណិជ្ជកម្ម​ចិន​ប្រចាំ​កម្ពុជា​ កំពុង​មាន​គម្រោង​បើក​សាខាសមាគម​ក្នុង​ខេត្ត​ព្រះសីហនុ​ ដើម្បី​ដើរតួ​ជា​ស្ពាន​សម្រាប់​តភ្ជាប់​សហគ្រាស​ចិន​ និង​កម្ពុជា​ឱ្យ​បាន​កាន់តែ​ងាយស្រួល​។

លោក​ Wang​ Wentian​ ឯកអគ្គ​រដ្ឋទូត​ចិន​ប្រចាំ​កម្ពុជា​ នៅក្នុង​ជំនួប​ជាមួយ​ លោក​ គួច​ ចម្រើន​ អភិបាល​នៃ​គណៈ​អភិបាលខេត្ត​ព្រះសីហនុ​ កាលពី​ថ្ងៃទី​ ២២​ ខែសីហា​ ឆ្នាំ​ ២០២៩​ ម្សិលមិញ​នេះ​ បានឱ្យ​ដឹង​ថា​ ​រដ្ឋាភិបាល​ចិន​ នឹង​លើកទឹកចិត្ត​សហ​គ្រា​សល្អៗ​ជាច្រើន​ក្នុង​ប្រទេស​ចិន​ ឱ្យមក​វិនិយោគ​មុខរបរ​ក្នុង​ខេត្ត​ព្រះសីហនុ​ បន្ត​គាំទ្រ​ការ​អភិវឌ្ឍ​ឧស្សាហកម្ម​កំពង់ផែ​ដែល​ជា​ចំនុច​សំខាន់​ក្នុង​តំបន់​សេដ្ឋកិច្ច​ពិសេស​នៃ​ខេត្ត​ ជំរុញ​សេដ្ឋកិច្ច​ខេត្ត​ព្រះសីហនុ​មានការ​អភិវឌ្ឍន៍​កាន់តែ​ល្អ​ប្រសើរ​។

លោក​ឯកអគ្គ​រដ្ឋទូត​បន្ត​ថា​ “ឆ្នាំ២០១៩​ ជា​ឆ្នាំ​សហប្រតិបត្តិ​ការអនុវត្ត​ច្បាប់​ចិន​ និង​កម្ពុជា​ នគរបាល​ទាំងពីរ​ប្រទេស​នឹង​បន្ត​ពង្រឹង​កិច្ច​សហប្រតិបត្តិ​ការអនុវត្ត​ច្បាប់​ ដើម្បី​រួមគ្នា​បង្រ្កាប​អាជីវកម្ម​ល្បែងភ្នាល់​តាម​រយៈ​អ៊ិ​នធើ​ណេត​អន​ឡាញ​ ការ​ឆបោក​តាម​ប្រព័ន្ធ​ទូរគមនាគមន៍​ និង​ជន​បង្ក​បទល្មើស​។ល។ សូម​ថ្លែងអំណរគុណ​ចំពោះ​ការ​គាំទ្រ​និង​សហការ​ពេញទំហឹង​ពីសា​លា​ខេត្ត​ព្រះសីហនុ​”។

លោក​ឯកអគ្គ​រដ្ឋទូត​រូប​នេះ​បន្ត​ថា​ “ភាគី​ចិន​សូម​កោតសរសើរ​យ៉ាង​ខ្ពស់​ និង​ស្វាគមន៍​ចំពោះ​ការ​ប្តេជ្ញា​ចិត្ត​ក្នុង​ការ​បង្ក្រាប​អាជីវកម្ម​ល្បែងភ្នាល់​តាម​ម៉ាស៊ីន​អេ​ឡិច​ត្រូ​និច​តាម​រយៈ​អ៊ិ​នធើ​ណេត​អន​ឡាញ​គ្រប់ជ្រុងជ្រោយ​របស់​រាជរដ្ឋាភិបាល​កម្ពុជា​ ដោយ​លោក​យល់ថា​ នេះ​មិន​ត្រឹមតែ​រក្សា​អត្ថ​ប្រយោជន៍​នៃ​ការ​អភិវឌ្ឍ​សុខុមាលភាព​ទំនាក់ទំនង​ចិន​និង​កម្ពុជា​នោះ​ទេ​ ទន្ទឹម​នឹង​នេះ​ ក៏បាន​ផ្តល់​ជា​អត្ថ​ប្រយោជន៍​ជូន​ប្រទេស​កម្ពុជា​ ជាពិសេស​បាន​ចូលរួម​អភិវឌ្ឍ​សុខុមាលភាព​សង្គម​សេដ្ឋកិច្ច​របស់​ខេត្ត​ព្រះសីហនុ​”។

លោក​ គួច​ ចម្រើន​ អភិបាល​នៃ​គណៈ​អភិបាលខេត្ត​ព្រះសីហនុ​ បាន​ឯកភាព​នូវ​ការវាយតម្លៃ​របស់​លោក​ឯកអគ្គ​រដ្ឋទូត​ដែល​បាន​លើកឡើង​ពី​ការ​ប្តេជ្ញា​ចិត្ត​របស់​រាជរដ្ឋាភិបាល​កម្ពុជា​ក្នុង​ការ​បង្ក្រាប​អាជីវកម្ម​ល្បែងភ្នាល់​តាម​រយៈ​អ៊ិ​នធើ​ណេត​អន​ឡាញ​។

លោក​បន្ត​ថា​ “ការ​ហាមឃាត់​ធ្វើអាជីវកម្ម​ល្បែងភ្នាល់​តាម​រយៈ​អ៊ិ​នធើ​ណេត​អន​ឡា​ញបាន​ជួយ​កែ​លម្អ​សន្តិសុខ​ក្នុង​ខេត្ត​ព្រះសីហនុ​ប្រកបដោយ​ភាព​វិជ្ជមាន​ បាន​ជួយ​បន្សុ​តមជ្ឈដ្ឋាន​នៃ​ការ​វិនិយោគ​ក្នុង​ខេត្ត​ព្រះសីហនុ​បាន​យ៉ាង​ល្អ​ប្រសើរ​អាច​ទាក់ទាញ​មនុស្ស​កាន់តែ​ច្រើន​ចូល​មក​កម្សាន្ត​និង​ធ្វើ​ពាណិជ្ជកម្ម​ក្នុង​ខេត្ត​ព្រះសីហនុ​ ដែល​អាច​សម្រេច​បាន​សុខុមាលភាព​សេដ្ឋកិច្ច​ និង​បន្ត​រក្សា​ការ​អភិវឌ្ឍ​នៅក្នុង​ខេត្ត​”។

លោក​អភិបាលខេត្ត​បន្ថែម​ថា​ “សាលាខេត្ត​ព្រះសីហនុ​នឹង​បន្ត​ចូលរួម​សហការ​ជាមួយ​ភាគី​ចិន​ក្នុង​កិច្ចការ​បង្រ្កាប​អាជីវកម្ម​ល្បែងភ្នាល់​តាម​រយៈ​អ៊ិ​នធើ​ណេត​អន​ឡា​ញល្មើសច្បាប់​ ប្រែក្លាយ​ខេត្ត​ព្រះសីហនុ​ជា​តំបន់​វិនិយោគ​សហគ្រាស​និង​ជា​តំបន់​ទេសចរណ៍​។ ក៏​សូមស្វាគមន៍​សហគ្រាស​ចិន​មក​វិនិយោគ​ក្នុង​ខេត្ត​ព្រះសីហនុ​កាន់តែ​ច្រើន​”៕

LEAVE A REPLY

Please enter your comment!
Please enter your name here