សម្ដេចតេជោ ទទូចជាថ្មីឱ្យម្ចាស់បុរី និងម្ចាស់អគារជួល មានការសម្របសម្រួលលើតម្លៃជួល

0

ដោយ ៖ រ៉ាណេត

ភ្នំពេញ ៖ ប្រមុខរាជរដ្ឋាភិបាល សម្ដេចតេជោ ហ៊ុន សែន នាយករដ្ឋមន្ត្រីកម្ពុជា បានទទូចសារជាថ្មីម្ដងទៀត ដោយស្នើឱ្យវិស័យឯកជនមានការសម្របសម្រួល និងអនុគ្រោះទៅលើតម្លៃនៃការជួលអគារអាជីវកម្មនានា នៅក្នុងស្ថានភាពដែលកំពុងតែប្រឈមការគំរាមកំហែងនៃការរីករាលដាលនៃជំងឺឆ្លង Covid-19នៅពេលបច្ចុប្បន្ន។

សម្ដេចតេជោ ហ៊ុន សែន បានមានប្រសាសន៍នៅក្នុងពិធីសន្និសីទសារព័ត៌មានស្ដីបច្ចុប្បន្នភាពនៃជំងឺ Covid-19 នៅវិមានសន្តិភាពកាលពីព្រឹកថ្ងៃទី៧ ខែមេសា ឆ្នាំ២០២០ថា ស្ថិតនៅក្នុងស្ថានភាពនៃការគំរាមកំហែងពីការរីករាយដាលជំងឺឆ្លង Covid-19 សូមឱ្យបណ្តាម្ចាស់អគារអាជីវកម្មនានា មេត្តាជួយសម្របសម្រួល និងអនុគ្រោះទៅលើតម្លៃនៃការជួល ដើម្បីបានចូលរួមកាត់បន្ថយការខាតបង់រួមគ្នានៅក្នុងកាលទេសៈនេះ។

សម្ដេចតេជោ បានមានប្រសាសន៍ថា “សម្រាប់ហាងមួយចំនួន គឺទីតាំងមួយចំនួនគឺជាការជួលទីតាំងគេ ដូច្នេះម្ចាស់ទីតាំង គួរជួយសម្រួលកុំយកថ្លៃឈ្នួល នៃការជួលផ្ទះ ឬជួលទីតាំងបើកហាងនានា បន្ធូរបន្ធយថ្លៃជួល កុំបន្តយកថ្លៃឈ្នួលពេញអី”។

នៅក្នុងឱកាសនេះ សម្ដេចក៏បានស្នើទៅដល់បណ្តាម្ចាស់ក្រុមហ៊ុនសាងសង់បុរីលំនៅដ្ឋាន ក៏ដូចជាគ្រឹះស្ថានធនាគារ ឬការបង់រំលោះថ្លៃផ្ទះ ក៏សូមជួយសម្រួលក្នុងការពន្យាពេលនៃការសង់ត្រឡប់នៅក្នុងកាលទេសៈនេះផងដែរ”៕

LEAVE A REPLY

Please enter your comment!
Please enter your name here