ហេដ្ឋារចនាសម្ព័ន្ធ​សំរាប់​ជួ​យស​ម្រូ​លចរាចរ​ចំនួន៤​ នៅ​ភ្នំពេញ​កំពុង​ដំណើរការ​សាងសង់​

0

ដោយ​ រ៉ា​ណេត​

ភ្នំ​ពេញៈ​ នៅពេល​បច្ចុប្បន្ន​នេះ​ គំរោង​សាងសង់​ហេដ្ឋារចនាសម្ព័ន្ធ​សំ​ខាន់​ៗចំនួន៤​ នៅក្នុង​រាជធានី​ភ្នំពេញ​ កំពុងតែ​ដំណើរការ​សាងសង់​យ៉ាងសកម្ម​ ដើម្បី​បង្ក​ភាព​ងាយស្រួល​ក្នុង​ការ​ធ្វើ​ចរាចរណ៍​ និង​បញ្ចៀស​ជំនន់​នៃ​ភាព​កកស្ទះ​នៅក្នុង​រាជធានី​ភ្នំពេញ​។

មន្ត្រី​អ្នកនាំពាក្យ​រដ្ឋបាល​សាលា​រាជធានី​ភ្នំពេញ​ លោក​ ម៉េ​ត មាស​ភក្ដី​ បានឱ្យ​ដឹង​នា​ល្ងាច​ថ្ងៃទី១១​ មិថុនា​កន្លងមក​ថា​ បច្ចុប្បន្ន​ក្រុម​អ្នកជំនាញ​កំពុងតែ​ព្យាយាម​ដំណើរការ​សាងសង់​ហេដ្ឋារចនាសម្ព័ន្ធ​សំខាន់​ចំនួន៤ក្នុង​ពេល​តែមួយ​។ លោក​បាន​បន្ត​ទៀត​ថា​ ​ហេដ្ឋារចនាសម្ព័ន្ធ​សំ​ខាន់​ៗទាំង៤​ ដែល​កំពុង​ដំណើរការ​សាងសង់​នា​ពេលនេះ​ រួមមាន​ដូចជា​ ទី១​ ស្ពាន​អាកាស​រង្វង់​មូល​ចោមចៅ​ដែល​គ្រោង​បញ្ចប់​នៅ​ឆ្ នាំ២០២២​។

ទី២ស្ពាន​អា​កាស​ថ្មើ​ជើង​ មុខ​មជ្ឈមណ្ឌល​ពាណិជ្ជកម្ម​ទំនើប​ OLYMPIA​ អតីត​រង្វង់​មូល​នាងគង្ហីង​ ដែល​នឹង​បើក​ដំណើរ ការ​ប្រើប្រាស់​សាកល្បង​ក្នុង​ពេល​ដ៏​ខ្លី​ខាងមុខនេះ​ ទី៣​ ស្ពាន​យោល​ខ្សែកាប​ដែល​តភ្ជាប់​ពី​ផ្លូវជាតិ​លេខ៥​ ឆ្លងកាត់​ទន្លេសាប​ឆ្ពោះទៅ​កាន់​ទីក្រុង​រណប​ដែល​វិនិយោគ​ដោយក្រុម​ហ៊ុន​ OCIC​ បាន​និង​កំពុង​សាងសង់​ និង​គ្រោង​បញ្ចប់​នៅដើម​ឆ្នាំ២០២២ផង​ដែរ​។ និង​ទី៤​ ស្ពាន​អាកាស​ក្បាលថ្នល់​ ដោយមាន​ការ​កសាង​ផ្លូវ​ក្រោម​ដី​មួយ​ខ្សែ​ផង​ដែរ​”។

​លោក​បាន​បញ្ជាក់​ទៀត​ថា​ នៅ​មាន​គំរោង​ជាច្រើន​ទៀត​ ដែល​ស្ថិត​ក្នុង​គំរោង​ និង​កំពុង​សិក្សា​នៅឡើយ​ ប៉ុន្តែ​យើង​មិនទាន់​អាច​និយាយ​បាន​ជា​ផ្លូវការ​បាន​នៅឡើយ​ទេ​ ដូចជា​គំរោង​សាងសង់​ផ្លូវ​ក្រោម​ដី​ចេញពី​ផ្សារ​ទំនើប​បុរី​ប៉េង​ ហួត​មកកាន់​ផ្លូវជាតិ​លេខ១​ គំរោង​សាងសង់​ផ្លូវ​ក្រោម​ដី​ក្រោម​ផ្លូវជាតិ​លេខ៥​ នៅ​តំបន់​អតីត​ឃ្លាំងសាំង​សូ​គី​ម៉ិច​ជាដើម​៕

LEAVE A REPLY

Please enter your comment!
Please enter your name here